کون اعلیٰ حضرت ؟ آج میں اس نابغۂ روزگار شخصیت کا تذکرہ کرنا چاہتا ہوں جن کی خدمات کو نظر انداز نہیں کیا سکتا ، جنہوں نے اپنی پوری زندگی عشقِ نبی صلی اللہ تعالی علیہ وسلم میں گزار دی اور نبی صلی اللہ تعالی علیہ وسلم کے علاوہ کسی اہل زمانہ کی مدح نہیں کی ، آج زمانہ اسے مجددِ دین و ملت الشاہ امام احمد رضا خان فاضل بریلوی رضی اللہ تعالی عنہ کے نام سے جانتا اور پہچانتا ہے ،اہل سنت وجماعت پر آپ کے بے شمار احسانات ہیں ، آپ نے کم و بیش ایک ہزار سے زائد کتابیں لکھ کر قوم کے حوالے کیں اگر یہ کہا جائے تو بیجانہ ہوگا کہ اس پرفتن دور میں جو ہمارے عقائد صحیح و سالم ہیں انہیں کی محنت و مشقت کا ثمرہ ہے ۔ دورِ حاضر میں کچھ لوگ یہ کہتے ہوئے نظر آتے ہیں کہ کون اعلیٰ حضرت ؟ میں کسی اعلیٰ حضرت کو نہیں جانتا تو میں ان لوگوں کو بتانا چاہتا ہوں کہ وہ اعلی حضرت جو بریلی شریف کی سرزمین پر ١٠ شوال ١٢٧٢ ہجری کو تشریف لائے ۔ کون اعلیٰ حضرت ؟ وہ اعلیٰ حضرت جنہوں نے صرف آٹھ سال کی عمر میں ہدایت النحو کی عربی میں شرح لکھی ۔ کون اعلیٰ حضرت ؟ وہ اعلیٰ حضرت جو 13 سال کی عمر میں مفتی بن کر پہلا فتوی دیا ۔ کون اعلی حضرت ؟ وہ اعلیٰ حضرت جس کو زمانہ آج مجددِ دین و ملت کے نام سے جانتا اور پہچانتا ہے ۔ کون اعلیٰ حضرت ؟ وہ اعلیٰ حضرت جنہوں نے کبھی کسی دنیا دار کی مدح سرائی نہیں کی کون اعلیٰ حضرت ؟ وہ اعلیٰ حضرت جنہوں نے کم و بیش ایک ہزار سے زائد کتابیں اور بے شمار فتاویٰ لکھ کر أہل سنت وجماعت کے سپرد کیے اور آج وہ لاکھوں علماء کے سر کا تاج ہیں ۔ کون اعلیٰ حضرت ؟ وہ اعلیٰ حضرت جنہوں نے پرفتن دور میں ہمارے عقائد کی حفاظت کی ۔ کون اعلیٰ حضرت ؟ وہ اعلیٰ حضرت جنہوں نے ہمیشہ صحیح کو صحیح اور غلط کو غلط کہا ۔ کون اعلیٰ حضرت ؟ وہ اعلیٰ حضرت جنہوں نے شدتِ بخار کی حالت میں آٹھ گھنٹے میں الدولة المکیه لکھ کر قوم کے حوالے کیا اور علمِ غیبِ مصطفی صلی اللہ تعالی علیہ وسلم پر اٹھنے والے اعتراض کا مدلل جواب دیا اور اہل عرب کو ماننے پر مجبور کر دیا ۔ کون اعلیٰ حضرت ؟ وہ اعلیٰ حضرت جنہوں نے ہم پر خبثائے اربعہ کی خباثت کو واضح کیا اور ہمیں صراط مستقیم پر چلنے کی تلقین کی۔ کون اعلیٰ حضرت ؟ وہ اعلیٰ حضرت جن کی علمی قابلیت ولیاقت کا کیا کہنا کہ آج بھی ان کی کتب کو پڑھنے کے لیے شروحات کا مطالعہ کرنا پڑتا ہے۔ کون اعلیٰ حضرت ؟ وہ اعلیٰ حضرت جو عالم بھی ہیں فاضل بھی اور مفتی بھی ہیں محدث بھی اور مفکر بھی ہیں اور مجدد بھی جن کی ضَرْب سے آج بھی وہابیت ، دیوبندیت ، نجدیت قادیانیت وغیرہ میں کھلبلی مچی ہوئی ہے ۔ کلکِ رضا ہے خنجر خونخوار برق بار اعدا سے کہدو خیر منائیں نہ شر کریں لہذا اعلیٰ حضرت کے تمام اوصاف کو شمار نہیں کیا جا سکتا ، مختصر یہ ہے کہ آپ صرف اتنا سمجھیں کہ اعلیٰ حضرت اپنے آپ میں ایک چلتی پھرتی لائبریری ہیں جن کے اندر معترض کے سارے اعتراضات کے جوابات موجود ہیں، آپ جس فن میں دیکھیں اس فن میں اعلیٰ حضرت کا رسالہ ملتا ہوا نظر آتا ہے تحقیق کرنے والوں نے تو بہت تحقیق کی مگر وہ اعلیٰ حضرت کے علم کا اندازہ نہ لگا سکے اور وہ یہ بھی نہ بتا سکیں کہ اعلیٰ حضرت کتنے فنون کے ماہر تھے ۔ آپ کے زمانے میں مختلف قسم کے فتنے وجود میں آئے آپ نے ہر فتنے کا ڈٹ کر مقابلہ کیا ،کہیں کوئی علمِ غیبِ مصطفی صلی اللہ تعالی علیہ وسلم پر حملہ کر رہا تھا تو کہیں کوئی حضور کے خاتم النبیین ہونے پر حملہ کر رہا تھا تو کہیں کوئی حضور صلی اللہ علیہ وسلم کو اپنے بڑے بھائی کی طرح کہہ رہا تھا تو کہیں کوئی حضور کے علم کو معاذ اللہ جانور اور بچوں کے علم سے تشبیہ دے رہا تھا تو اس پر فتن دور میں آپ خاموش نہ رہے بلکہ آپ نے بھرپور ان کا مقابلہ کیا اور ہر اعتراض کا مدلل جواب دیا یہی وجہ ہے کہ آج بھی رضا کا خنجر جو دیوبندیت ، وہابیت ، رافضیت اور نجدیت کے کلیجے میں موجود ہے ۔ لہذا ہمیں چاہیے کہ ہم تعلیمات اعلیٰ حضرت کو جانیں اور اسی پر قائم ودائم رہیں کیونکہ اسی میں ہماری کامیابی و کامرانی ہے۔ اللہ تعالیٰ بزرگانِ دین کا فیضان ہم لوگوں پر جاری وساری فرمائے ۔۔۔۔۔۔۔۔ آمین #عرس اعلیٰ حضرت #🕌 نعت شریف🎧
562 views 2 days ago
00:00 00:32
#😁फनी वीडियो📽 #😂 फनी स्टेटस वीडियो #😂 वायरल स्टैंडअप कॉमेडी #😃 शानदार स्टेटस #😅फनी रिएक्शन
320K views 1 months ago
00:00 00:32