திமுக - அதிமுக கூட்டணி அமையுமா? வேறு வழியில்லை. வீரமணி எதற்கு இருக்கிறார்? சொல்லப் போனால், இந்தக் கட்சிகள் இணைவது நல்லது. இல்லாவிட்டால் இந்தக் கட்சிகளுடன் எந்தக் கட்சியும் கூட்டணி அமைக்க முன் வராது. திமுக - திமுக கூட்டணி அல்லது இணைப்பு நடந்தாலும்கூட அடுத்த தேர்தலில் TVK Vs BJP என்பதுதான் களநிலவரமாக இருக்கும். பாஜக ஒரு சீட்டில் வென்றது, ஓட்டு சதவீதம் 3% என்ற விமர்சனங்கள் ஒரு புறம் இருந்தாலும், இனி வரும் காலங்களில் தமிழகத்தின் அரசியல் களம் TVK Vs BJP என்றுதான் இருக்கப் போகிறது என்று அதிமுக மற்றும் திமுக கட்சியினரே கலக்கத்தில் இருக்கிறார்கள். திமுகவும் அதிமுகவும் மாறி மாறி அமோகமாக வெல்வதும் அடுத்த தேர்தலில் அதல பாதாளத்தில் விழுவதும் வழக்கமாக இருந்தது. அப்போதெல்லாம் வீறுகொண்டு மீண்டு வந்தது தனிக்கதை. ஆனால், 1967க்குப்பின் தவெகவிடம் இரண்டு கட்சிகளும் அடி வாங்கியதில் திராவிடக் கட்சிகளின் சகாப்தமே தமிழகத்தில் முடிந்து விட்டது. கூட்டணி அரசியலில் BJPயின் உண்மையான பலம் தெரியவில்லை. ஆனால், வளர்ச்சி இல்லை என்று சொல்ல முடியாது. அடுத்த தேர்தலில் திமுகவும் அதிமுகவும் கூட்டணி அமைத்துப் போட்டி போட்டாலும் அந்தக் கூட்டணிமூன்றாம் இடத்தில்தான் நிற்கும் என்பதில் சந்தேகம் இல்லை. தமிழக அரசியலில் நடந்து முடிந்தது சாதாரண மாற்றம் இல்லை. அது ஒரு யுகப்புரட்சி. இரண்டு திராவிடக் கட்சிகளும் இணைந்தால் ஒருவேளை அது சில காலம் அரசியலில் தொடரலாம். பிரிந்தே கிடந்தால் அது திராவிடக் கொள்கைக்கு மேலும் பலவீனம். எனினும் மீண்டும் ஒரு திராவிடக்கட்சி ஆட்சிக்கு வருவது துர்லபம். திராவிடம் தலைதூக்கி விடக்கூடாது என்பதில் தேசியக் கட்சிகளான BJP, காங்கிரஸ் மட்டுமல்லாமல் கம்யூனிஸ்டு கட்சியினரும் கவனமாக இருப்பார்கள். நேற்று எப்படி BJP தீண்டத்தகாத கட்சியாகத் தமிழகத்தில் இருந்ததோ, அந்த நிலைக்கு திராவிடக் கட்சிகள் இன்று தள்ளப்பட்டுவிட்டன. நாளைய கூட்டணிகள் தவெக மற்றும் BJP தலைமைகளில் அமையப்போகும் கூட்டணிகளே. இன்றே அதற்கான முஸ்தீபுகளைக் காண முடிகிறது. பாராளுமன்றத் தேர்தலை மனதில் வைத்து தவெகவுடன் சேர்வதற்கு காங்கிரஸ் மற்றும் கம்யூனிஸ்டு கட்சிகள் தயாராக இருப்பதாகச் சொல்லப்படுகிறது. பாமக மதிமேல் பூனையாக உள்ளது. விஜய் புண்ணியத்தில் தமிகத்தில் இன்று இளைஞர்களிடம் அரசியல் விழிப்புணர்ச்சி காணப்படுகிறது. அரசியல் விழிப்புணர்ச்சி அதிகமாகும்போது இயற்கையாகவே அரசியவ் விசுவாசங்கள் மாற்றத்திற்கு உள்ளாகின்றன. இந்தப் பின்புலத்தில் இற்றுப்போன திராவிடக் கட்சிகள் புத்துயிர் பெறுவது சாத்தியம் இல்லை. இரண்டு கட்சிகளும் இணைவதில் கொள்கை முரண்பாடுகள் எதுவும் இல்லை. சொல்லப்போனால் இன்றைய திமுகவின் முன்னணித் தலைவர்களில் பாதிக்கு மேல் அதிமுகவில் இருந்து வந்தவர்களே. பெரியாரும் அண்ணாவும்தானே இரண்டு கட்சிகளின் பிதாமகர்கள்? பின்னே, இணைவதில் கூச்சம் என்ன வேண்டிக் கிடக்கிறது? #TNElections2026 #TamilnaduElections #DMK #ADMK #TVK #TamilnaduBJP #📺அரசியல் 360🔴 #🚹உளவியல் சிந்தனை