தேர்தல் கருத்துக் கணிப்புகளில் கடும் குழப்பம்! 2026 சட்டசபைத் தேர்தல் கருத்துக் கணிப்புகள் யாவும் முரண்பாடுகளின் மொத்த உருவம். அவற்றில் பல கருத்துத் திணிப்புகள் என்றால் அது மிகையில்லை. உதாரணமாக ஒரு கருத்துக் கணிப்பில் திமுக கிட்டத்தட்ட 190 இடங்கள் என்றால் இன்னொன்றில் 100 என வருகிறது! யாருக்கு எது பிடித்திருக்கிறதோ அதை எடுத்துக்கொள்ள வேண்டியதுதான். நாம் வெகுஜன பத்திரிகைகளான தினத்தந்தி மற்றும் விகடன் ஆகியவற்றின் கணிப்புகளைப் பார்க்கலாம். விகடன் திமுக கூட்டணி: 121 அதிமுக கூட்டணி: 83 தவெக: 3 இழுபறி: 27 ஆட்சி மாற்றம் தேவை: 62% மாற்றம் தேவையில்லை: 38% அடுத்த முதல்வர் ஸ்டாலின்:28% அ. முதல்வர் எடப்பாடி: 25% அ. முதல்வர் விஜய்: 44% அடுத்த முதல்வர் விஜய் (62%) என்றால் தவெகவிற்கு 3 தொகுதிகள் மட்டும்தானா? தினத்தந்தி எடுத்துக்காட்டாக எழும்பூர் சதவீதக் கணக்கை பார்க்கலாம். திமுக. 32 - 38 % அதிமுக. 28 - 34 % தவெக. 25 - 31 % முதலாவது திமுக - அதிக பட்சம் 38% க்கும் 2வது அதிமுக - குறைந்த பட்சம் 28%க்கும் 10% வித்தியாசம். மொத்த வாக்காளர்கள் 134879 என்றால் 13,488 ஓட்டுக்கள் வித்தியாசம். 3வதாக வரும் தவெக - அதிக பட்சம் 31% திமுக - குறைந்த பட்சம் 32% உடன் ஒப்பிட்டால் வித்தியாசம் ஒரு சதவீதம் மட்டுமே. மொத்த கணிப்பு SPA. 159 67.9% NDA. 75. 32.1% Others. 0. 0.% இரண்டையுமே கட்சி சார்பற்ற பத்திரிகைகள் என்று வைத்துக் கொள்வோம். இரண்டுக்கும் உள்ள வேறுபாட்டை யார் விளக்குவார்கள், எப்படி விளக்குவார்கள்? எனவே இந்த கணிப்புகளுக்கு அதிக முக்கியத்துவம் தரத் தேவையில்லை! ஆக, இரண்டு நிறுவனங்களின் கணிப்புகளுமே குழப்பத்தின் உச்சத்தில். நாம் கணிப்புகளை குறை சொல்லவில்லை. இன்றைய தேர்தல் களம் அந்த நிலையில்தான் இருக்கிறது. இந்த தேர்தல் கணிப்புகளாவது பெரும்பாலும் அடுத்த கருத்துக் கணிப்புகளுக்கு அடித்தளம் அமைக்கும் வேலையாகவே இருக்கிறது; நம்பகத்தன்மைக்கு தளம் அமைக்கிறார்கள். அதாவது, அடுத்த தேர்தல்களில் கருத்துக் கணிப்புகளை வெளியிடும்போது, நாளைக்கு, முந்தைய தேர்தலில் எங்கள் தேர்தல் கணிப்பு துல்லியமாக இருந்தது என்று சொல்வதற்கு இந்த தேர்தல் கணிப்பு முடிவுகளில் வழிவகை செய்துள்ளார்கள். அடுத்து செயற்கை நுண்ணறிவு தந்த கணிப்புகளை பார்க்கலாம். தவெக. - 135 தொகுதிகள் திமுக. - 75 தொகுதிகள் அதிமுக. - 24 தொகுதிகள் சமூக ஊடகப் போக்குகள், முந்தைய வாக்களிப்புத் தரவுகள் மற்றும் மக்கள்தொகைத் தகவல்கள் உள்ளிட்ட பரந்த தரவுத் தொகுப்புகள் பகுப்பாய்வு செய்யப்பட்டு செயற்கை நுண்ணறிவு கருத்துக்கணிப்பு முடிவுகள் உருவாக்கப் படுகின்றன. 50 வயதுக்கு மேல் இருக்கும், ஊடகங்களை அதிகம் பார்க்காத வாக்காளர்களின் மன நிலையை செயற்கை நுண்ணறிவு கணிப்புகள் சரியாக பிரதிபலிக்குமா என்று சொல்வதற்கில்லை. #📺அரசியல் 360🔴 #🚹உளவியல் சிந்தனை