സുഹൃത്തുക്കളുടെ നഗ്നദൃശ്യങ്ങള് പ്രചരിപ്പിച്ചെന്ന കേസ്; തൊപ്പിക്കെതിരെ ലുക്ക് ഔട്ട് സര്ക്കുലര് ഇറക്കാന് പൊലീസ് സുഹൃത്തുക്കളുടെ നഗ്ന ദൃശ്യങ്ങള് സമൂഹമാധ്യമത്തിലൂടെ പ്രചരിപ്പിച്ചെന്ന കേസില്, യൂട്യൂബര് തൊപ്പി എന്ന നിഹാദിനെതിരെ ലുക്ക് ഔട്ട് സര്ക്കുലര് ഇറക്കാന് പൊലീസ്. വിദേശത്തേക്ക് കടക്കാന് സാധ്യതയുള്ളതിനാലാണ് നീക്കം. തൊപ്പിയുടെ പാസ്പോര്ട്ട് വിശദാംശങ്ങള് പൊലീസ് ശേഖരിച്ചു. മൊഴിയെടുപ്പിന് നോട്ടീസ് നല്കിയിട്ടുണ്ടെങ്കിലും തൊപ്പിയുടെ സുഹൃത്തുക്കളും ഹാജരായിട്ടില്ല. അശ്ലീല ദൃശ്യങ്ങള് പ്രചരിപ്പിക്കുന്നു എന്നതടക്കം ചൂണ്ടിക്കാട്ടി അഡ്വക്കേറ്റ് ശ്രീജിത്ത് പെരുമന നല്കിയ പരാതിയില് എറണാകുളം റൂറല് സൈബര് പൊലീസ് അന്വേഷണം തുടങ്ങിയിരുന്നു. തൊപ്പിയുടെ സമൂഹമാധ്യമ അക്കൗണ്ടുകള് പരിശോധിച്ചായിരുന്നു പൊലീസ് നടപടി. കേസില് തൊപ്പിയുടെ മുന്കൂര് ജാമ്യത്തെ എതിര്ത്ത് എറണാകുളം റൂറല് പൊലീസ് റിപ്പോര്ട്ട് നല്കിയിട്ടുണ്ട്. ചെയ്തത് ഗൗരവ സ്വഭാവമുള്ള കുറ്റമെന്നാണ് പൊലീസ് പറയുന്നത്. സംഭവത്തില് തൊപ്പിയുടെ യൂട്യൂബ് ചാനല് പൊലീസ് പൂട്ടിക്കുകയും ചെയ്തു. തൊപ്പിയും ഗ്യാങ്ങും തെറ്റിപ്പിരിഞ്ഞതിനുശേഷം ഇവര് താമസിക്കുന്ന സ്ഥലത്തുള്ള ലഹരി ഉപയോഗവും അശ്ലീല പദപ്രയോഗങ്ങളും പോക്സോ കേസ് ചുമത്താവുന്ന കുറ്റകൃത്യങ്ങള് വരെ പരസ്പരം വിളിച്ചു പറഞ്ഞിരുന്നു. ഇതോടെ നിരവധിപേര് പരാതിയുമായി പൊലീസിനെ സമീപിച്ചു. കളമശ്ശേരി പൊലീസും തൊപ്പിക്കെതിരെ അന്വേഷണം നടത്തിവരികയാണ്. #😲 ലഹരി ഉപയോഗം, പ്രായപൂർത്തിയാകാത്ത കുട്ടികളെ ചൂഷണം ചെയ്യൽ; മലയാള താരത്തെ തപ്പി പൊലീസ് #📹 ക്രൈം ഫയൽ #🗞 ട്രെൻഡിങ് അപ്ഡേറ്റ്സ് #📳 വൈറൽ സ്റ്റോറീസ് #🆕 ലേറ്റസ്റ്റ് അപ്ഡേറ്റ്
9K views 1 days ago
00:00 00:14
#😔😌
406K views 5 days ago
00:00 00:58