കൂടെയുണ്ടാകും എന്ന ഉറപ്പില്ലെങ്കിൽ നമ്മൾ ആരുടെയും തനിച്ചാവലുകളിലേക്ക് കപട സ്നേഹവുമായി കടന്നുചെല്ലരുത്. കാരണം , അങ്ങനെവന്നാൽ അവർക്ക് നഷ്ടപ്പെടുന്നത് വെറുമൊരു സൗഹൃദമല്ല, മറ്റുള്ള മനുഷ്യർക്കുമേൽ അവർക്ക് കുറച്ചെങ്കിലും ബാക്കിയുള്ള വിശ്വാസവും പ്രതീക്ഷയുമാവും ...! അങ്ങനെയൊരാളുടെ ജീവിതത്തിലേക്ക് നമ്മൾ കടന്നുചെല്ലുമ്പോൾ , അയാളുടെ ഉള്ളിൽ ഒരു പ്രതീക്ഷയുടെ വെളിച്ചം മിന്നുന്നുണ്ടാവും ... അത്രയും കാലം അനുഭവിച്ച ഒറ്റപ്പെടലിന്റെ തണുപ്പിലേക്ക് പെട്ടെന്നൊരു നിമിഷം കൊണ്ട് ചൂട് പടരുന്നതുപോലെ.... തണുത്തുറഞ്ഞൊരു ചായക്കപ്പിലേക്ക് വീണ്ടും ചൂടുള്ള ചായ പകരുന്നത് പോലെ.. അവരുടെടെ ജീവിതത്തിലേക്ക് സന്തോഷം തിരിച്ചുവരികയാണെന്ന് അവർ വിശ്വസിക്കും.... വർഷങ്ങളായി പൂട്ടിക്കിടന്ന ഒരു വീടിന്റെ ജനാലകൾ കാറ്റും വെളിച്ചവും കടക്കാൻ ഓരോന്നായി തുറന്നിടുന്നത് പോലെ, നിങ്ങൾക്കുമുന്നിൽ മനസ്സ് തുറന്നുവച്ച് തന്റെ ഉള്ളിലെ സങ്കടങ്ങളും ഒറ്റപ്പെടലിന്റെ ഭാരവുമെല്ലാം അവർ ഇറക്കിവെക്കും... ഇല്ലാത്ത സ്നേഹം അഭിനയിച്ചുകൊണ്ട് വെറുമൊരു നേരമ്പോക്കായോ തമാശയായോ മാത്രമാണ് നിങ്ങളങ്ങനെ ചെയ്യുന്നതെങ്കിൽ കുറേക്കഴിയുമ്പോൾ നിങ്ങളുടെ താൽപര്യം അവസാനിക്കും.... നിങ്ങൾ പതിയെ അവിടെനിന്ന് പിൻവാങ്ങും ... അപ്പോൾ ആ മനുഷ്യരിലുണ്ടാകുന്ന ഒരു ശൂന്യതയുണ്ടല്ലോ.... അത് ആദ്യം ഉണ്ടായിരുന്നതിനേക്കാൾ ഭയങ്കരമായിരിക്കും.... തുറന്നിട്ട ജനാലകളിലൂടെ പെട്ടെന്നൊരു കൊടുങ്കാറ്റ് വീശിയടിച്ചുകയറി അകത്തുള്ളതിനെയെല്ലാം തകർത്തിട്ടതുപോലെയാകും അവരുടെടെ അവസ്ഥ... തനിച്ചായിരുന്നൊരാളെ നിങ്ങൾ തനിച്ചല്ല എന്ന് വിശ്വസിപ്പിച്ചതിനുശേഷം വീണ്ടും തനിച്ചാക്കി പാതിവഴിയിൽ ഉപേക്ഷിക്കുമ്പോൾ അയാൾ അനുഭവിക്കുന്ന മാനസികാവസ്ഥ ആലോചിച്ചുനോക്കൂ.... സ്നേഹം അഭിനയിച്ച് ഒരാളുടെ ജീവിതത്തിലേക്ക് ഒരിക്കലും കയറിച്ചെല്ലരുത് .. കൂടെയുണ്ടാകും എന്ന ഉറപ്പില്ലെങ്കിൽ , ആത്മാർത്ഥമായ സ്നേഹമില്ലെന്നുണ്ടെങ്കിൽ, ആരുടെയും തനിച്ചാവലുകളിലേക്ക് ഒരിക്കലും കടന്നുചെല്ലരുത്... ആത്മാർത്ഥതയില്ലാത്ത ഒരു സൗഹൃദത്തേക്കാൾ, അവർ നിലവിൽ ജീവിക്കുന്ന ആ നിശബ്ദത തന്നെയായിരിക്കും അവർക്ക് കൂടുതൽ സുരക്ഷിതം... ആരെയും മാനസികമായി തകർക്കാതിരിക്കുക എന്നതും നമ്മൾ അവർക്ക് നൽകുന്ന ഏറ്റവും വലിയ ഉപകാരമാണ്. ..................................... #😔 ഇമോഷണൽ സ്റ്റാറ്റസ് 😍 #💓 ജീവിത പാഠങ്ങള് #✍️Life_Quotes #🙋♀️ എൻ്റെ സ്റ്റാറ്റസുകൾ
704 views 4 hours ago
00:00 01:13
F 💞 P #❤️Love You ज़िंदगी ❤️
556K views 21 days ago
00:00 00:18