அழியாத அடையாளம் கண்கள், கைகால்கள் இல்லாமல்கூட குழந்தைகள் பிறக்கலாம்; ஆனால், சாதிமதம் இல்லாமல் பிறப்பதில்லை! அது பிறந்த பிள்ளைகள் கேட்டுப் பெறுகின்ற அடையாளம் இல்லை. நமது சமுதாயத்தில் சாதி மதம் என்பது மனிதன் மீது திணிக்கந்டும் ஒரு பிறவி அடையாளம். சாதி, மதம் என்ற பிறவி முத்திரைகளை உறுதிப்படுத்தும் பொருட்டு சாதிச் சான்றிதழ், பிறப்புச் சான்றிதழ் ஆகியவற்றின் மூலம் அவை ஆவணப்படுத்துகின்றன. பள்ளி, கல்லூரி, அரசு அலுவலகம், வங்கி, வேலை என்று அனைத்து மட்டங்களிலும் இந்த அடையாளங்களே ஆதாரங்களாக இருக்கின்றன. மனிதர்கள் மறந்தாலும் அவர்களுடைய அடையாளங்களை அரசியல் கட்சிகள் மறப்பதில்லை. எல்லா நிலைகளிலும் மனித குலம் அடையாளம் தேடி அலைகிறது. மனிதன் நினைப்பதுண்டு வாழ்வு நிலைக்குமென்று... இறைவன் நினைப்பதுண்டு பாவம் மனிதனென்று... - கண்ணதாசன் பிறறைச் சூழ்ச்சிகள் பல செய்து ஏமாற்றிப் பணத்தைப் பறித்துவிட்டு, தமது அடையாளத்தை மறைத்துக் கொண்டு சுகமாக வாழ நினைப்பவர்களால், அப்படி நிரந்தரமாக மறைந்திருக்க முடிவதில்லை. சுயத்தை இழந்தவனால் சுகமாக வாழ முடியாது! சுய அடையாளம் ஒரு நாள் மீண்டும் உயிர் பெற்று அவர்களைத் துரத்துகிறது. இன்று நமது செயல்கள் ஒவ்வொன்றும் நமது தடங்களை சமூக வலைத் தளங்கள், வங்கிப் பரிவர்த்தனைகள், தொலைபேசிகள் ஆகிய பல்வேறு தளங்களில் விட்டுச் செல்கின்றன. பின்னர், வங்கிக் கணக்கு எண், பான் (PAN) கார்டு எண், தொலைபேசி எண் ஆகியவைகளும் மனிதனுடைய கூடுதல் அடையாளங்கள் ஆகின்றன. அடையாளச் சங்கிலியில் இப்படி ஏகப்பட்ட இணைப்புகள் (Links) உண்டு! பல்வேறு தகிடு தத்தங்களின் மூலம் பலரை ஏமாற்றிப் பணத்தைச் சுருட்டிக் கொண்டு சென்னையை விட்டுக் கேரளாவுக்கு ஓடிப்போன சதாசிவம், அங்கே சாமர்த்தியமாக மறைந்திருந்து கடத்தல் தொழிலில் ஈடுபடுகிறான். ஜெகத்பிரதாப் என்ற இளைஞன் ஒரு கோடி ரூபாய் ஏலச் சீட்டு ஒன்றில், தன் தந்தையை ஏமாற்றி விட்டு சீட்டை ஏலத்தில் எடுத்துக் கொண்டு ஓடிய அந்த சதாசிவத்தைக் கண்டுபிடித்து, சரியான சந்தர்ப்பத்திற்காகக் காத்திருந்து, திட்டமிட்டுச் செயல் பட்டு அந்தப் பணத்தை மீட்கிறான். ஜெகதலப் பிரதாபனான கதாநாயகன் 'அடையாளத்தை' ஆயுதமாகக் கொண்டு, தந்தை இழந்த பணத்தினை மீட்டது மட்டுமல்லாமல், அதே கால கட்டத்தில் எப்படி கல்வி, அரசியல், தொழில், பொதுத் தொண்டு என்று தன் தாள் பட்ட இடத்திலெல்லாம் தடம் பதித்து, வெற்றிகரமாகக் காதலியையும் கரம் பிடிக்கிறான் என்பதே கதை. - திரைபாரதி Read அழியாதஅடையாளம் @ kobo.com #📺அரசியல் 360🔴 #🚹உளவியல் சிந்தனை