അങ്ങനെയൊരാൾ നമ്മളിൽ പലരുടെയും ജീവിതത്തിലുണ്ടാകും !! അപ്രതീക്ഷിതമായൊരു വേനൽമഴപോലെ കടന്നുവന്ന് ആവേനൽ മഴ വരണ്ടുകിടന്ന മണ്ണിനെ പെട്ടെന്നൊന്നു നനച്ച് കടന്നുപോകുന്നതുപോലെ, നമ്മുടെ മനസ്സിനെ ഒന്നു നനച്ച് കടന്നുപോയവർ !! പേരോ വിലാസമോ പോലും ഒരു പക്ഷേ നമുക്കറിയാത്തവർ .. അതിനുമുൻപൊരിക്കലും നമ്മൾ കണ്ടിട്ടില്ലാത്ത, ഒരുപക്ഷേ ഇനിയൊരിക്കലും കാണാൻ സാധ്യതയില്ലാത്ത ചില മനുഷ്യർ !! നമ്മുടെ വംശവൃക്ഷത്തിലെ കണ്ണിയായിരിക്കില്ല അവർ .. നമ്മുടെ സൗഹൃദഭൂമികയിലെ താമസക്കാരുമാവില്ല !! ഒരു നിയോഗം പോലെ നമ്മൾ കണ്ടുമുട്ടിയവർ .. കണ്ടുമുട്ടി വഴിപിരിഞ്ഞവർ !! കനത്ത മൗനത്തിൻ്റെ മരുഭൂമിയുടെ നടുവിൽ നമ്മൾ തനിച്ചിരുന്ന ഏതെങ്കിലുമൊരു നിമിഷത്തിൽ ഒരു തെളിനീരുറവപോലെ നമ്മളിലേക്ക് കടന്നുവന്ന് ഇത്തിരി നേരം കൊണ്ട് മനസ്സു തണുപ്പിച്ച് മടങ്ങിപ്പോയവർ !! കാറ്റിലുലഞ്ഞ ഒരു തോണിപോലെ നമ്മൾ ഉഴറിപ്പോയ നേരത്ത് സ്വയം കടന്നുവന്ന് ഒരു തുഴയായി മാറിയവർ !! കേവലം നിമിഷങ്ങളുടെ പരിചയം നിമിഷങ്ങളുടെ ബന്ധം .. ഊരോ പേരോ വിലാസമോ ചോദിക്കാനുള്ള സമയം പോലും കിട്ടിയിട്ടുണ്ടാവില്ല ചിലപ്പോൾ !! ആ നിമിഷനേരം കൊണ്ട് ഒരുപാടു കാലത്തെ ആത്മബന്ധത്തിൻ്റെ വിത്ത് നമ്മളിൽ വിതച്ച് അവർ കടന്നു പോയിരിക്കും !! ഇനിയൊരിക്കലെങ്കിലും കണ്ടുമുട്ടാൻ ഒരു സാധ്യതയുമില്ലാതിരുന്നിട്ടും അവർ ഒരിക്കലും ഇറങ്ങിപ്പോകില്ല മനസ്സിൽ നിന്നും !! മനുഷ്യബന്ധങ്ങൾ പലതും കൊടുക്കൽ വാങ്ങലുകളുടെ ചങ്ങലകളിൽ ബന്ധിക്കപ്പെടുമ്പോൾ, പണമോ പാരിതോഷികമോ ഒരു നന്ദിവാക്കോ പോലും പ്രതീക്ഷിക്കാതെ കടന്നുവന്ന് മടങ്ങിപ്പോയവർ !! നമമ്മൾ അവരെ ഓർക്കുന്നതു പോലെ പ്രപഞ്ചത്തിൻ്റെ ഏതെങ്കിലുമൊരു കോണിലിരുന്ന് അവരും ഇടയ്ക്ക് നമ്മളെ ഓർത്തേക്കാം !! ആത്മാവിൻ്റെ ഏതോ ഒരു തലത്തിൽ എവിടെവച്ചോ ചിലപ്പോൾ നമ്മളുമായി ബന്ധിച്ചവരാവും ആ മനുഷ്യരൊക്കെ .. അങ്ങനെയൊരു മനുഷ്യൻ ആരുടെയെങ്കിലുമൊക്കെ ജീവിതത്തിൽ ഉറപ്പായും ഉണ്ടാകും !! എന്നും ഓർത്തില്ലെങ്കിലും ജീവിതത്തിൻ്റെ ഏതെങ്കിലുമൊക്കെ തിരിവുകളിൽ നമ്മളറിയാതെ അവരെ ഓർക്കും !! ആരാണെന്നറിയാത്ത, ആരുമല്ലെങ്കിലും നമ്മുടെ ആരൊക്കെയോ ആണെന്ന് തോന്നിപ്പിച്ചു മടങ്ങിപ്പോയ അങ്ങനെ ചില മനുഷ്യർ. #🎵 Song Status 🎧 #😍 പ്രണയഗാനങ്ങൾ #🎧 എന്റെ ഇഷ്ട ഗാനങ്ങൾ #🎶 സിനിമാ ഗാനങ്ങൾ #💞 നിനക്കായ്