మహాశివరాత్రి : మాఘమాసంలో అమావాస్యకు ముందురోజు శివరాత్రి వస్తుంది. అన్ని పండుగల్లోనూ చిట్టచివరిది మహాశివరాత్రి. ఆడంబరాలు, ఆర్భాటాలు లేని ఒకేఒక్క పండుగ శివరాత్రి. జన్మమొత్తంమీద ఒక్కసారి అభిషేకం చేసినా, శివపూజ చేసినా మోక్షాన్ని అనుగ్రహించేది మహాశివరాత్రి. పాతాళం నుంచి అంతరిక్షం వరకు పద్నాలుగు లోకాలున్నాయి. దీనికి ఆవలిదైన బ్రహ్మాండం అంతానిండి, ఆ పైన కూడా వ్యాపించి ఆవిర్భవిస్తున్న స్ఫటికలింగం దర్శనమిస్తోంది. దానిపై ఉన్న పున్నమి చంద్రునిలో నుంచి అమృతధారలు కురుస్తున్నాయి. ఆ మహాస్ఫటికలింగం అనంతం. అచలం. ఏకైకం. అదే శివరూపం. రుద్రానువాకాలైన నమక చమకాలను జపిస్తూ, ధ్యానిస్తూ అభిషేకించండి. మీ కోరికలన్నీ నెరవేరుతాయి. ఎందుకంటే ఇది మహాశివరాత్రి. పరమేశ్వర స్వరూపం ఈ లింగమే. దీనికి జ్ఞానేంద్రియాలు, కర్మేంద్రియాలు ఏమీ ఉండవు. నిలువుగా గుడ్డు ఆకారంలో ఆవిర్భవించిన మహాస్ఫటిక లింగం విశ్వశక్తి అయిన నిరాకార పరబ్రహ్మం తాలూకు సాకార దర్శనం. ఇది నిర్లిప్తం. శుద్ధం. గుణదోష రహితం. నిరంజనం నిర్వికారం. నిర్గుణ పరబ్రహ్మకు చిహ్నమే మహాశివరాత్రి నాడు ఆవిర్భవించే మహాలింగ స్వరూపంగా వేదోపనిషత్తులు, పురాణాలు వర్ణించే విశిష్ట పర్వదినం మహాశివరాత్రి. #☀️శుభ మధ్యాహ్నం #🌼ఆదివారం స్పెషల్ విషెస్ #🙏🏻ఆదివారం భక్తి స్పెషల్ #🙏హ్యాపీ మహాశివరాత్రి📿 #🙏ఓం నమః శివాయ🙏ૐ