#🙋‍♀️ എൻ്റെ സ്റ്റാറ്റസുകൾ #💑 സ്നേഹം #വാടാമലരുകൾ #🙏 ഭക്തി Status #❤ സ്നേഹം മാത്രം 🤗 ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 3* *മൂകാംബിക ക്ഷേത്രത്തിൻ്റെ ഉല്പത്തിയെ കുറിച്ച് പല ഐതിഹ്യങ്ങളും നിലവിലുണ്ട്. പുരാണങ്ങളിലും ഈ ക്ഷേത്രത്തെ കുറിച്ച് പരാമർശിക്കുന്നുണ്ട്. കൊല്ലൂരിലെ മൂകാംബിക ക്ഷേത്രത്തിൻ്റെ മൂല സ്ഥാനം കുടജാദ്രിയാണ്. ദക്ഷിണേന്ത്യയിലെ ഷിവമോഗ ജില്ലയിലാണ് കുടജാദ്രി സ്ഥിതി ചെയ്യുന്നത്. കുടജ പൂക്കൾ എന്നർത്ഥമുള്ള കൊടശ്ശ അല്ലെങ്കിൽ കൊടശ്ശി പർവ്വതത്തിൻ്റെ സംസ്കൃത പദത്തിൽ അർത്ഥമുള്ള അദ്രി എന്നതിൽ നിന്നാണ് ഈ പേര് വന്നത്. ദേവി ഇന്നത്തെ മൂകാംബികയിൽ കുടി കൊണ്ടപ്പോൾ ഏറെ വിഷമിച്ച ശങ്കരാചാര്യർ വീണ്ടും പ്രാർത്ഥന തുടങ്ങി. ആചാര്യർക്കു മുൻപിൽ ദേവി വീണ്ടും പ്രത്യക്ഷപ്പെട്ടു. തന്റെ തെറ്റ് പൊറുത്ത് കേരള കരയിൽ വരണമെന്ന് ആചാര്യർ ദേവിയോട് അപേക്ഷിച്ചു. നിബന്ധനയനുസരിച്ച് തനിക്ക് വരാൻ കഴിയില്ലെന്നും എന്നാൽ നിർബന്ധമാണെങ്കിൽ ശങ്കരാചാര്യർ ആഗ്രഹിക്കുന്ന സ്ഥലത്ത് താൻ കുടി കൊള്ളാമെന്നും ദേവി അറിയിച്ചു.* *ദുഃഖിതനായ ശങ്കരാചാര്യർ തന്റെ നാട്ടിൽ കുടി കൊള്ളണമെന്നും, അവിടെ നിർമ്മാല്യവും ഉഷ പൂജയും കഴിഞ്ഞ ശേഷമേ കൊല്ലൂരിൽ എത്താൻ പാടുള്ളൂ എന്നും ദേവിയോട് അഭ്യർത്ഥിച്ചു. ദേവി അത് സമ്മതിച്ചു. അങ്ങനെ ശങ്കരാചാര്യർ മൂകാംബിക ദേവിയുടെ ജ്യോതി ആനയിച്ചു കൊണ്ടുവന്ന സ്ഥലമെന്നർത്ഥത്തിൽ ആ സ്ഥലത്തിന് ജ്യോതിയാനക്കര എന്ന പേര് വന്നു, പിന്നീട് അത് ലോപിച്ചാണ് ചോറ്റാനിക്കര എന്ന പേര് വന്നത് എന്ന് പറയപ്പെടുന്നു.* *ഈ ഐതിഹ്യത്തിന് ഉപോൽബലകമായി ഇന്നും കൊല്ലൂർ മൂകാംബിക ക്ഷേത്രത്തിൽ രാവിലെ അഞ്ചു മണിക്കാണ് നട തുറക്കുന്നത്. ചോറ്റാനിക്കരയിൽ നാലു മണിക്ക് നട തുറന്ന് നിർമ്മാല്യവും ഉഷ പൂജയും കഴിഞ്ഞാണ് മൂകാംബികയിൽ നട തുറക്കുന്നത്.* *തുടരും.......* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*