#🙋‍♀️ എൻ്റെ സ്റ്റാറ്റസുകൾ #🙏 ഭക്തി Status #❤ സ്നേഹം മാത്രം 🤗 #💑 സ്നേഹം #വാടാമലരുകൾ ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 23* *നിത്യഹരിതവനത്തിൻ്റെ നടുവിൽ സ്ഥിതി ചെയ്യുന്ന അധി മനോഹരമായ സ്ഥലമാണ് കൊല്ലൂർ. കർണാടകയിലെ അംബാ വനങ്ങളിൽപെടുന്ന കുടജാദ്രി മലകളിൽ നിന്നും ഉൽഭവിച്ച കൊല്ലൂർ ക്ഷേത്രത്തിന്റെ സമീപത്ത് കൂടി ഒഴുകുന്ന നദിയാണ് സൗപർണിക. കാലഭൈരവ ഉമാമഹേശ്വര ക്ഷേത്രങ്ങൾക്ക് ഇടയിൽ സ്ഥിതിചെയ്യുന്ന തണുത്ത വെള്ളത്തിന്റെ നീരുറവയാണ് സൗപർണിക നദിയുടെ ഉറവിടം. കുടജാദ്രിയയിലെ ഗണപതി ഗുഹയിൽ മൂകാസുരൻ തപസ് ചെയ്യുകയായിരുന്നു. തപസ്സ് ദീർഘകാലം തുടർന്നു. മൂകാസുരൻ്റെ മുൻപിൽ ബ്രഹ്മാവ് പ്രത്യക്ഷപ്പെട്ടു. എന്നാൽ ഇതറിയാതെ മൂകാസുരൻ തൻ്റെ തപസ്സ് തുടർന്നു. മൗകാസുരനെ ഉണർത്താനായി ബ്രഹ്മാവ് തൻ്റെ കമണ്ഠലുവിലെ വെള്ളം മൂകാസുരൻ്റെ മുഖത്തെ തിളിച്ചു. അങ്ങനെ മൂകാസുരൻ തപസ്സിൽ നിന്ന് ഉണർന്നു. മൂകാസുരന് തൻ്റെ കമണ്ഠലിലെ വെള്ളം കുടിക്കാൻ നല്കി. ബ്രഹ്മാവ് നല്കിയ തീർത്ഥം മൂകാസുരൻ പാനം ചെയ്തു. ബാക്കി വന്ന വെള്ളം മുഴുവൻ നിലത്തോഴിച്ചുവത്രെ, ആ വെള്ളം മുന്നോട്ട് ഒഴുകി അതൊരു നദിയായി മാറി. ആ നദിയാണ് ഇന്നത്തെ സൗപർണിക നദി*. *പണ്ട് സുപർണ എന്നൊരു ഗരുഡനുണ്ടായിരുന്നു.* *സുപർണൻ്റെ മാതാവിന് പല വിധത്തിലുള്ള കഷ്ടപ്പാടുകൾ അനുഭവിക്കേണ്ടി വന്നു. തൻ്റെ മാതാവിന്റെ ദുഃഖം സുപർണന് സഹിക്കാൻ കഴിഞ്ഞില്ല. അമ്മയെ ഓർത്തവൻ അതീവ ദുഃഖിതനായി*. *അമ്മയെ ദുരിതങ്ങളിൽനിന്നും രക്ഷിക്കാൻ വേണ്ടി അവൻ തപസ് ചെയ്യാൻ തീരുമാനിച്ചു.* *തൻ്റെ തപസ്സിന് ഈ നദീത്തീരമാണ് അവൻ തിരഞ്ഞെടുത്തത്.സുപർണൻ തൻ്റെ തപസ് തുടർന്നു. മൂകാ,ബിക ദേവി സുപർണൻ്റെ മുന്നിൽ പ്രത്യക്ഷപ്പെട്ടു. അമ്മയുടെ ദുഃഖങ്ങൾ തീർത്ത് തരുന്നതിനോടൊപ്പം ഈ നദിക്ക് തൻ്റെ പേര് നൽമെന്ന് അവൻ ദേവിയോട് അഭ്യർത്ഥിച്ചു. ദേവി അത് അനുസരിച്ച് സുപർണനെ അനുഗ്രഹിച്ചു*. *അങ്ങനെയാണ് ഈ നദിക്ക് സൗപർണിക എന്ന പേര് ലഭിച്ചത്. സുപർണ്ണഗരുഡൻ തപസ്സ് ചെയ്യുന്നതിനായി ഇരുന്ന സ്ഥലം ഗരുഡഗുഹകൾ എന്നാണറിയപ്പെടുന്നത്. ഈ സ്ഥലം ഇന്നും പുണ്യ സ്ഥലമായി കണക്കാക്കപ്പെടുന്ന.ഈ നദിയിൽ രണ്ട് നദികൾക്കൂടി ചേരുന്നുണ്ട്. ആ നദികൾ കൊല്ലൂർ മേഖലകളുടെ കീഴിലാണ്. അവ കൊല്ലൂരിൽനിന്നും പടിഞ്ഞാറോട്ട് ഒഴുകി മഹാരാജാ ക്ഷേത്രത്തിൻ്റെ സമീപം കടലിൽ ചേരുന്നു. വളരെ അധികം ഔഷധ ഗുണങ്ങളുള്ള ചെടികളുള്ള പർവ്വതങ്ങളുടെയും വനങ്ങളുടെയും കടന്ന് പോകുന്ന ഈ നദി വിശുദ്ധ നദിയെന്ന് കരുതപ്പെട്ടുന്നു. വിലപ്പിടപ്പുള്ള നിരവധി ഔഷധ സസ്യങ്ങൾ കുടജാദ്രി മലനിരകളിലുണ്ട്. ഇവയൊക്കെ സൗപർണികയിലേക്കാണ് എത്തുന്നത്. അങ്ങനെ സൗപർണിക ഔഷധങ്ങളുടെ സമൃദ്ധമായ സത്തകൾ അടങ്ങിയതാണെന്നും പറയപ്പെടുന്നു. നദി ഒഴുകുമ്പോൾ അറുപത്തി നാല് വ്യത്യസ്ത ഔഷധ സസ്യങ്ങളുടെ വേരുകളും മൂലകങ്ങളുമായി ആകിരണം ചെയ്യുന്നത്രെ, അതുകൊണ്ടുതന്നെ സൗപർണികയിൽ കുളിക്കുന്നവരുടെ രോഗങ്ങൾ സുഖപ്പെടുമെന്നും വിശ്വസിക്കുന്നു. അതിനാൽ സൗപർണികാ നദിയിലെ സ്നാനം സർവ രോഗ നിവാരണമായി കരുതിവരുന്നു. നേരിയ തണുപ്പ് നിലനിർത്തുന്നതാണ് സൗപർണികയിലെ ജലം. മൂകാംബികയും സൗപർണികയും തമ്മിൽ അഭേദ്യമായ ബന്ധമാണ്. ദേവിയുടെ ആറാട്ട് നടക്കുന്നത് സൗപർണികാ നദിയിലാണ്. വറ്റാത്ത സൗപർണികാ നദിയിലെ ശുദ്ധജലം തീർത്ഥത്തിനും പൂജയ്ക്കും ഉപയോഗിക്കുന്നു*. *കുടജാദ്രി മലകളിൽനിന്നും ഉൽഭവിക്കുന്ന ഈ നദി നൂറ് കിലോമീറ്ററിൽ കൂടുതൽ ഒഴുകി കുന്താപുരയിൽ വെച്ച് അറബിക്കടലിൽ പതിക്കുന്നു സൗപർണിക നദിയും അറബിക്കടലും ചേരുന്ന സ്ഥലത്ത് മനോഹരമായ പ്രകൃതി കാഴ്ചയാണ്. മൂകാംബിക ക്ഷേത്രത്തിൽ പോകുന്നതിന് മുമ്പ് സൗപർണികയിൽ മുങ്ങിക്കുളിക്കണമെന്ന് പറയാറുണ്ട്. ഭക്തർ പാലിക്കുന്ന ഒരനുഷ്ഠാനമാണിത്. സൗപർണികയിൽ മുങ്ങിക്കുളിച്ചാൽ ഒരു പ്രത്യേക എനർജി കിട്ടുമെന്ന് ഭക്തർ പറയാറുണ്ട്* *തുടരും......* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*