#🤔 Unknown Facts #🤩எளிய லைஃப் ஹேக்ஸ்♻️ பெண்கள், சரி. அம்மாவை விட்டு விடுவோம்.. குறிப்பாக மனைவி சமைத்துத் தரும் போது அதில் எப்போதும் நொட்டு & நொள்ளை சொல்வது பல ஆண்களின் அநாகரிகமான வழக்கம்.
ஏனெனில் அந்தச் சமையலின் பின்னால் பெரும் உழைப்பும் தியாகவுணர்வும் உள்ளது. மூன்று வேளைக்கு ஒரேயொரு நாள் மட்டும் சமைத்துப் பார்த்தால் தெரியும். அது எத்தனை சலிப்பான, உழைப்பை உறிஞ்சும் வேலை என்று.
நான் நேற்று எனக்கு மட்டும் ஒரே ஒரு தம்ளர் காஃபி போட முயல்வதற்குள் விரல் நுனியில் சுட்டுக் கொண்டு கொப்புளமாகி விட்டது.
தங்கமணி காஃபி கொண்டு வந்து தரும் போதெல்லாம் 'ஏன் லேட்டு?' என்கிற மாதிரியான மைண்ட் வாய்ஸீடன் வாங்கிக் கொண்டதையெல்லாம் இந்த மாதிரி தீக்காயத்தில்தான் குற்றவுணர்வுடன் நினைக்கத் தோன்றுகிறது.
*
இதெல்லாம் ஒரு பக்கம் இருக்கட்டும்.
சமையலில் ஏதாவது ஒரு குறை இருந்தால் சொல்லலாமா, கூடாதா?
உணவு ருசியாக இருக்கும் போதெல்லாம் 'செமயா இருந்துச்சும்மா' என்று மறக்காமல் பாராட்டும் நபராக இருந்தால், உணவில் இருக்கும் குறையையும் மிகையாக்காமல், எதிர் தரப்பின் மனம் கோணாமல் இதமாகச் சொல்லலாம்.
அப்படிச் சொன்னால்தான் அடுத்த முறை அந்தப் பிரச்சினை அந்த உணவில் ஏற்படாதவாறு நீங்கள் தடுக்கிறீர்கள் என்று பொருள். ஒருவகையில் சமைப்பவருக்கு நீங்கள் செய்யும் உதவி இது. விமர்சனங்கள் எழுந்தால்தான் படைப்பு தரமாகும்.
*
ஆனால் மென்மையாக இருந்தாலும் கூட இம்மாதிரியான விமர்சனங்களை எத்தனை பெண்கள் ஏற்றுக் கொள்வார்கள் என்று நினைக்கிறீர்கள்?
அதுதான் சாக்கு என்று அந்த கேப்பை பயன்படுத்திக் கொண்டு 'உன்னைக் கட்டிக்கிட்டு' என்று ஒப்பாரி வைத்து மூக்கைச் சிந்துபவர்கள்தான் அதிகமிருப்பார்கள்.
அதிலும் இந்த டிவி சீரியலில் 24 மணி நேரமும் ஆண்களை அயோக்கியர்களாக காட்டிக் கொண்டேயிருப்பதால் இவர்களின் புரட்சியுணர்வு வெப்பம் தணியாமல் பொங்கிக் கொண்டேயிருக்கிறதோ என்று சந்தேகமாக இருக்கிறது.
*
