ଶୀର୍ଷକ _ତୁମେ କେବେ ଭାବିଛ କି..? ତୁମେ କେବେ ଭାବିଛ କି..? କେଉଁଠି ଅଛି ମୁଁ ..? କିପରି ଅଛି ..? ମୋତେ ମୋର ରାସ୍ତା ମିଳୁନାହିଁ ପ୍ରିୟେ ...! ତୁମକୁ ଯଦି ସେ ରାସ୍ତା ଟା ଦୃଶ୍ୟମାନ ହେଉଛି ତେବେ ମୋତେ ନିଶ୍ଚିନ୍ତ କହିବ ..! କାହିଁକି ନାଁ... , ବୋଧହୁଏ ମୁଁ ଏଇଠି ରାସ୍ତା ଭୁଲି ଯାଇଛି ...! ଏଇ , ତୁମେ ଜାଣିଛ ନା ...ମୋତେ ଅନେକ ପଥ ଅତିକ୍ରମ କରି ତାଙ୍କ ପାଖକୁ ଯିବାକୁ ଅଛି .। କିନ୍ତୁ କାହିଁକି କେଜାଣି ଏଇ ପାଦ ଦୁଇଟି ଆଗକୁ ବଢ଼ିବାକୁ ଇଛା କରୁନି ..! କଣ ହେଇଛି ..? କାହିଁକି ଏମିତି ହେଉଛି ପ୍ରିୟେ ...? ତୁମ ବିନା ମୁଁ କିପରି ବଞ୍ଚିବି? ଆଛା ଟିକେ ଦେଖିଲ ଭଲା , ମୋ ପାଦରେ କଣ୍ଟା ଫୋଡ଼ି ହେଇ ନାହିଁ ତ...! ନଚେତ୍ ଏମିତି କାହିଁକି ହେଉଛି ? କଣ ପାଇଁ ମୁଁ ତୁମକୁ ଭୁଲିପାରୁନି । କଣ ପାଇଁ ତୁମର ସେହି କଇଁ ଫୁଲିଆ ହସ ଟା ମୋ ହୃଦୟକୁ ଆଘାତ କରୁଛି ? ସେହି ହସ ଯାହା ଦିନେ ମୋ ଓଠକୁ ସଜାଉଥିଲା କିନ୍ତୁ ... ଏବେ ଉଧାର ଆଣିଥିବା ଜୀବନ ପରି ମନେହେଉଛି। ତୁମ ସହିତ ଦେଖିଥିବା ସୁନ୍ଦର ଦୁନିଆ ଟା, ଏବେ ଧ୍ୱଂସ ବିଧ୍ୱଂଶ ପରି ମନେହୁଏ। ଏ ଶୁଣ... ତୁମେ କେବେ ଭାବିଛ କି..? ଏଇ ବଦମାସ୍ କହୁଡ଼ି ଗୁଡାକ କେଉଁଠୁ କିପରି ଆସିଲେ କେଜାଣି ପୁରା ଆକାଶ ଟା ମେଘାଚ୍ଛନ୍ନ ଲାଗୁଛି । ବୈଶାଖ ମାସର ଝାଞ୍ଜି ଖରା ବଦଳରେ ,ଏଇ କୋହଲା ପାଗ ଟା କିପରି ନୀରବ ନିଶ୍ଚଳ ହେଇ ବସି ରହିଛି ଦେଖୁନ ... ସକାଳେ ପ୍ରଥମ କପ୍ ଚା ଟା କିପରି ସ୍ୱାଦହୀନ ହୋଇଗଲାଣି...! ନାଁ... କଣ ପାଇଁ ତୁମେ ଭାବିବ..? ମୁଁ ତୁମର କିଏ କି ..? ପ୍ରତ୍ୟେକ ଶବ୍ଦ ତୁମକୁ ମନେ ପକାଇବା ପାଇଁ ଥିଲା କିନ୍ତୁ.... ଏବେ ପ୍ରତ୍ୟେକ ଶବ୍ଦ କେବଳ ନିରବତା ର ଏକ ଚିହ୍ନ ପରି ମନେହୁଏ। ଏ , ଶୁଣ ପ୍ରିୟେ ...! ଥରେ କୁହନା , କଣ ମୁଁ ତୁମର ମନ ପଡୁଛି ...? ନାଁ ମୋତେ ଏମିତି ଭ୍ରମ ହେଉଛି...! ଶୁଣ...ନା ..! ତୁମକୁ ଗୁଣି ମନ୍ତ୍ର ଆସୁଛି କି ? ନାଁ ତୁମେ ମୋତେ ଲୋନ ଦେଇଛ ..? କଣ ପାଇଁ କେଜାଣି ଏଇ ମନ୍ ଓ ହୃଦୟ ଟା ତୁମ ଆଡକୁ ଟାଣି ହେଇ ହେଇ ଯାଉଛି । ସତରେ କଣ ତୁମେ ମୋତେ ମିସ୍ କରୁଛ କି ?? ତୁମେ କେବେ ଭାବିଛ କି..? ମୁଁ ମଧ୍ୟ ତୁମକୁ ଏମିତି ରାତି ରାତି ଧରି ମିସ୍ କରୁଥିବି ବୋଲି ..! ଯଦି ଭାବୁଛ , ତେବେ ଥରେ ତୁମେ , ତୁମର ଗୁଣି ମନ୍ତ୍ର କରିଦିଅ ନା...! ନିଶ୍ଚିନ୍ତ ଯିବି ତୁମ ପାଖକୁ । କଥା ଦେଇଥିଲି ନାଁ...! ବିଳମ୍ବ ଅବଶ୍ୟ ହେବ କିନ୍ତୁ ନିଶ୍ଚିନ୍ତ ପହଞ୍ଚି ଯିବି ..! ଏ ଶୁଣ ନା... ତୁମେ କେବେ ଭାବିଛ କି..? ଏଇ ସ୍ବପ୍ନ ଟା ଆମର ଏମିତି ରଙ୍ଗ ନେବ ବୋଲି ..! ତେବେ ଆସ ପ୍ରିୟେ...! ହୃଦୟରୁ ଥରେ ଡାକ ନା...! ମୋତେ ଥରେ ତୁମ ସହିତ ବଞ୍ଚିବାକୁ ଦିଅ..! ✍️ପ୍ରଶାନ୍ତ କୁମାର ବିଦ୍ୟାଧର #ମୋକାହାଣୀPk #💔ପ୍ରେମ ବିରହ #ଭାବନାମନର #🎞️ମହିଳା ସ୍ପେଶାଲ ଫିଲ୍ମ ଏବଂ ଗୀତ📽️ #ପ୍ରଶାନ୍ତକୁମାରpk