BRICS ன் வரலாற்று கடமை …. ஈரானுக்கு எதிராக, டிரம் + நெதன்யாகு கூட்டு ஆரம்பித்த யுத்தம் மூன்றாவது வாரமாக தொடர இருக்கின்ற நிலையில், அவர்கள் எதிர்பார்த்ததை போல் ஈரானை பணிய வைக்க முடியவில்லை என்பதே நிதர்சனமாக உள்ளது. இன்னிலையில் , அமெரிக்காவுக்கு பெரும் பொருட் செலவை ஏற்படுத்தும் யுத்தத்தை நிறுத்துவதற்கான வழிவகைகள் ( Exit strategy) எது என்று தெரியாமல் டிரம் திணறுவதாகவே தெரிகின்றது. கடந்ந இரண்டு வாரமாக, ஈரான் மீது நடத்தப்பட்ட, அதிக அளவிலான தாக்குதல் என்பது, மூடிய அறைக்குள் பூனை ஒன்றை தாக்குவது போன்ற நிலையில், யுத்தத்தை முடிவுக்கு கொண்டுவர, ஈரான் கல்ப்வளைகுடாவின் குரல்வளை என கருதப்படும் ஹோர்முர்ஸ் நீரினையை மூடி, முழு உலகின் பெற்றோலிய தேவையின் 20 % ஐ முடக்கியுள்ளதன் மூலம் உலக பொருளாதாரத்தையே முடக்கியுள்ளது. இப்பிரச்சனையில், ஒவ்வொரு நாடும், பொதுப்படையான உலக அமைதி, உலக பொருளாதாரம் என நோக்காமல், தத்தமது நாடுகளுக்கு ஏற்படும் வசதிவாய்ப்பு , பாதிப்பு என்ற அடிப்படையிலேயே இப்பிரச்சனையை அணுகுவது வெள்ளிடை மலையாகும். ரஷ்சிய தனது கச்சாய் எண்ணெய் , எரிவாயு போன்றவற்றை ஐரோப்பிய ஒன்றியம், இந்தியா, சீனா போன்ற நாடுகளுக்கு விற்க முற்படுவதும், கனடா தனது எரிவாயுவை இந்தியாவுக்கு விற்க முற்படுவதும், இந்தியா , சீனா போன்ற நாடுகள் தமது நாட்டு கொடி பறக்க விடப்பட்ட எண்ணெய் கப்பல்களை ஹோர்முர்ஸ் நீரினையூடாக பயணிக்க ஈரான் அனுமதிக்க வேண்டும் என பேச்சுவார்த்தை நடாத்துவதையும் அவதானிக்க முடிகின்றது. இன்னிலையில், இந்த யுத்தத்தை நிறுத்துவதற்கு டிரம் விரும்பினாலும், நிறுத்துவதற்கான வழிவகைகள் ( Exit Strategy) தெரியாமல் தவிக்கும் நிலையினை புரிந்து கொண்டு, யாராவது ஓர் நாடோ அல்லது அமைப்போ போரிடும் தரப்புகளுக்கு இடையே மத்தியஸ்தம் செய்ய வேண்டிய நிலை ஏற்பட்டுள்ளது. ரஷ்சியா இந்த மத்தியஸ்தத்தில் ஈடுபடுவதற்கு வாய்பு இல்லை. காரணம் இந்த யுத்தத்தில் தனது பெற்றோலியத்தை விற்பதற்கு அதிக வாய்பு உருவாகியுள்ள நிலையிலும். உக்கிரேய்னுடன் யுத்தத்தை சமகாலத்தில் நடாத்தி கொண்டிருக்கின்ற நிலையிலும் ரஷசியாவினால் இத்தகைய சமாதான முயற்சியை ஏற்படுத்த முடியாது. இந்த யுத்தத்தின் விளைவாக அதிகம் பாதிக்கப்படுவது சீனாவும் இந்தியாவுமாகும். இந்த இரண்டு நாடுகளுமே அதிகளவை கச்சாய் எண்ணெய்யையும், எரிவாயுவையும் வளைகுடா நாடுகளில் இருந்து இறக்குமதி செய்கின்றன. ஹோர்முர்ஸ் நீரினை தொடர்ந்து மூடப்பட்டிருந்தால், இந்த இருநாடுகளின் எண்ணெய் தேவையும் பூர்த்தி செய்யப்படாமல், இந்ந நாடுகளின் பொருளாதாரம் மிகவும் பாதிக்கப்படும். அவர்கள் நாட்டு கொடியுடனான எண்ணெய் கப்பல்களுக்கு ஈரான் அனுமதியளித்தாலும், அது அவசர தேவைக்கான ஒரு சில கப்பல்களுக்கான அனுமதியாக இருக்குமே தவிர தங்கு தடையற்ற கப்பல் போக்குவரத்துக்கான அனுமதியாக இருக்காது. ஆகவே, தத்தமது நாட்டுக்கான எண்ணெய் தேவையை பூர்த்தி செய்வதற்கும், உலக பொருளாதாரத்தை காப்பாற்றுவதற்கும், சீனாவும், இந்தியாவும் இணைந்தோ, அல்லது பிரிக்ஸ் நாடுகளின் கூட்டமைப்பாகவோ யுத்தத்தை நிறுத்துவதற்கு மத்தியஸ்தம் செய்ய வேண்டிய ஓர் கட்டாயம் ஏற்பட்டுள்ளதாகவே கருதவேண்டி உள்ளது. பிரிக்ஸ் அமைப்பு இந்த முயற்சியில் ஈடுபட்டு வெற்றி பெறுமானால், உலக அரசியல் பல்துருவ ஒழுங்குக்கு செல்வதற்கான முதல் அடியை எடுத்து வைத்ததாக இருக்க முடியும். அமைதியையும், நின்மதியான வாழ்க்கையையும் விரும்புகின்ற உலகமக்கள், இன்றைய நெருக்கடியான சூழ்நிலையில் சீனாவிடமிருந்தும், இந்தியாவிடமிருந்தும் அதிகம் எதிர்பார்கின்றனர். உலக மக்களுக்கு இந்த இருநாடுகளும் இணைந்து தலைமத்துவத்தை கொடுப்பார்களா என்பதே தற்போதைய கேள்வியாகும். இப்பதிவின் உள்ளடக்கத்துடன் தொடர்புடைய இரண்டு கானொளிகளை கொமென்டில் இணைத்துள்ளேன். தவறாது அனைவரும் பாருங்கள். அன்புடன் #👨மோடி அரசாங்கம்