ഓം ശ്രീനാരായണ പരമഗുരവേ നമഃ ✨🙏🏻✨ ✨ശുഭദിനം ✨ സുപ്രഭാതം✨ കാളിനാടകം മന്ത്രം 10 കടുംപന്തു കൊങ്കത്തടം താളമേളം പിടിച്ചംബരീജാലസംഗീതനൃത്തം തുടിക്കിങ്കിണീ വേണുവീണാപ്രയോഗം ചെവിക്കൊണ്ടു തങ്കക്കുടക്കൊങ്കരണ്ടും കളം കുങ്കുമീപങ്കമാലേയലേപം പളുങ്കൊത്ത മുത്തുപ്പടങ്കല്പവൃക്ഷ- ത്തലം പൂങ്കുലക്കൊത്തു കോർത്തിട്ടു മാലാകളങ്കാവിഹീനം കലാപിച്ചു- മേതാനലങ്കാരബന്ധങ്ങളും മറ്റു- മുള്ളോരലം ശക്തരല്ലാരുമോതാനിതൊന്നും! 🔥 ഭാവാർത്ഥം 🔥 കട്ടിയുള്ള പന്തുപോലെ വിളങ്ങുന്ന മുലത്തടം, താളമേളങ്ങളോടു കൂടി ദേവസ്ത്രീകൾ പാട്ടുമാട്ടവും നടക്കുന്നുണ്ട്. തുടി, ചിലങ്കകൾ, ഓടക്കുഴൽ, വീണ മുതലായ വാദ്യസംഗീതോപകരണങ്ങളുടെ താളങ്ങളും ഗാനങ്ങളും ദേവിയുടെ ചുറ്റും സദാ കേൾക്കാനുണ്ട് ഇതെല്ലാം കേട്ടുകൊണ്ട് തങ്കക്കുടങ്ങൾപോലുള്ള രണ്ടുമുലത്തടത്തിലും മനോഹരമായി കുങ്കുമച്ചാർത്തും ചന്ദനച്ചാർത്തുമണിഞ്ഞും സ്‌ഫടികം പോലുള്ള മുത്തുമാല, കൽപ്പവൃക്ഷത്തിൽ നിന്നും പറിച്ചെടുത്ത പൂങ്കുലകൾ കോർത്തുണ്ടാക്കിയ മാല എന്നിവ വേണ്ടപോലെ അലങ്കാരമായണിഞ്ഞും വേറെയും ചില അലങ്കാരങ്ങൾ ചാർത്തിയും ദേവി ശോഭിച്ചു. ഇപ്രകാരമുള്ള ദേവിയുടെ രൂപവിധാനങ്ങൾ വർണിക്കുവാൻ വേണ്ടത്ര സമർഥരായി ആരും ഇല്ലതന്നെ. (പ്രൊഫ. ജി. ബാലകൃഷ്ണൻ നായർ സാറിന്റെ ശ്രീനാരായണഗുരുദേവ കൃതികൾ സമ്പൂർണ്ണ വ്യാഖ്യാനത്തിൽ നിന്നും) ഗുരു ഓം ✨🔥🪴🔥✨ #ശ്രീനാരായണഗുരു ജയന്തി# ഗുരുവേ ശരണം🙏🙏🙏🌹💖 #ശ്രീനാരായണ ഗുരുദേവൻ #ശ്രീനാരായണഗുരു #ശ്രീനാരായണഗുരു🙏 #ശ്രീനാരായണഗുരുദേവൻ