मराठी भावार्थ सहित ..... दि. ४ फेब्रुवारी २०२६ पाईकपणें जोतिला सिद्धांत । शुर धरी मात वचन चित्तीं ॥१॥ पाईकीवांचून नव्हे कधीं सुख । प्रजांमध्यें दुःख न सरे पीडा ॥२॥ तरि व्हावें पाईक जिवाचा उदार । सकळ त्यांचा भार स्वामी वाहे ॥३॥ पाईकीचें सुख जयां नाहीं ठावें । धिग त्यांनीं ज्यावें वांयांविण ॥४॥ तुका म्हणे एका क्षणांचा करार । पाईक अपार सुख भोगी ॥५॥ सर्व भक्तांसाठी, मी एक सिद्धांत मांडला आहे, त्यांनी भगवंताचे पाईक व्हावे. जे शूर आहेत ते माझे हे सांगणे मनापासून अवलंबतील. सेवक बनून देवाची सेवा केल्याने सुख प्राप्त होईल. प्रपंचात राहून दुःख, पीडा कधी संपणार नाही. तरी जीवाची तमा न बाळगता देवाचे पाईक व्हा. तुमचा सर्व भार वाहण्यास तो स्वामी तत्पर असेल. पाईकपणाचे सुख ज्याला माहिती नाही, मिळवता आले नाही, त्याचा धिक्कार असो. त्याचे जीवन व्यर्थ आहे. तुकोबा म्हणतात, देवाचे क्षणभराचे पाईकत्व तुम्हांला अपार सुख भोगण्यासाठी कामी येईल. *। ॐ विष्णवे नमः ।* *।श्री दत्तात्रेयाय नमः।* #🌻आध्यात्म 🙏