मराठी भावार्थ सहित ..... दि. १ मार्च २०२६ गोड जालें पोट धालें । अवचित वाचे आलें । म्हणतां पाप गेलें । विठ्ठलसें वाचेसी ॥१॥ सत्य माना रे सकळ । उद्धरिला अजामेळ । पातकी चांडाळ । नामासाटीं आपुलिया ॥२॥ चित्त पावलें आनंदा । सुखसमाधीतें सदा । म्हणतां गोविंदा । वेळोवेळां वाचेसी ॥३॥ हें जाणती अनुभवी । जया चाड तो चोजवी । तुका म्हणे दावी । रूप तें चि अरूपा ॥४॥ अचानक विठ्ठल नाम मुखी आलं आणि सर्व गोड झालं, पोट भरलं. विठ्ठलनाम मुखी वसलं आणि सर्व पापं नष्ट झाली. महापातकी अजामेळ देवाने उद्धरला तो केवळ त्याने केलेल्या नामसाधने मुळे, हे मी तुम्हाला सत्य सांगत आहे. वेळोवेळी, सतत मुखाने गोविंद, गोविंद नाम घेतल्याने तुमचं जीवन सुखी, समाधानी होईल, मन आनंदी होईल. या गोष्टीचं मर्म अनुभवी साधू संत जाणून आहेत. तुकोबा म्हणतात ज्याला आवड असेल तोच या अदृश्य, सर्वव्यापी भगवंताचे रूप पाहू शकतो, दर्शन घेऊ शकतो. *। ॐ विष्णवे नमः ।* *। श्री दत्तात्रेयाय नमः ।* #🌻आध्यात्म 🙏