#🙏शिवदिनविशेष📜 🚩 #आजचे_ऐतिहासिक_दिनविशेष 🚩🏇🚩🏇🚩🏇🚩🏇🚩 #३०_डिसेंबर_१६७५ दक्षिणेतील त्रिचनापल्लीचा विजय राघव आणि तंजावरचा रघुनाथ नायक यांच्यातील यादवीचा फायदा घेत आदिलशहाचा सरदार म्हणून इसवी सन १६७५ मध्ये व्यंकोजीराजांनी तंजावर जिंकले व सन १६७६ मध्ये व्यंकोजीराजे तंजावरचे अधिपती बनले. 🚩🏇🚩🏇🚩🏇🚩🏇🚩 #३०_डिसेंबर_१६८० दिनांक २० जुलै सन १६८० रोजी संभाजी राजांचे राजधानी रायगडावर मंचकारोहण झाले. ३० डिसेंबर सन १६८० रोजी शिवपुत्र संभाजी राजांची सुवर्ण तुला करण्यात येऊन १६ जानेवारी सन १६८१ रोजी संभाजी राजे स्वराज्याचे दुसरे सिंहासनाधीश्वर महाराजाधिराज छत्रपती झाले. 🚩🏇🚩🏇🚩🏇🚩🏇🚩 #३०_डिसेंबर_१७२५ छत्रपती संभाजी आणि छत्रपती शाहू यांच्यात करार. छत्रपती संभाजींनी निजामाशी प्रथम मैत्री संपादिली, तसेच गोव्याचे पोर्तुगीज यांच्याबरोबर १७१६ साली दारुगोळा, तोफा, बंदुका वगैरे सामान विकत घेण्याचा करार केला. शाहू महाराजांनी संभाजींच्या सरदारांविरुद्घ जशी मोहीम आखली, तशीच संभाजींनी सातारापक्षीय सरदारांविरुद्घ आघाडी उघडली. त्यांपैकीच १७१८ मधील सावंतवाडीची मोहीम होती. यासंदर्भात दोघांमधील वडगावच्या लढाईत शाहूंची सरशी झाली; तथापि मिरज, कराड ठाणी घेण्यासाठी त्यांनी स्वतः सैन्याचे नेतृत्व केले. ३० डिसेंबर १७२५ मध्ये उभयतांतील करारानुसार दक्षिणेकडील सर्व ठाणी व किल्ले संभाजींकडे आणि मिरज व विजापूर प्रांत हे शाहूंकडे असे ठरले आणि एकविचारे राज्याभिवृद्धी करावी, असे ठरले. 🚩🏇🚩🏇🚩🏇🚩🏇🚩 #३०_डिसेंबर_१७६० उत्तरेतला अजून एक मामलेदार गोपाळराव गणेश बर्वे, दहा हजाराचे अनअनुभवी सैन्य घेऊन शूजाच्या मुलुखात घुसला. गोपाळरावांच्या मराठी शिलेदारांनी भोजपुरच्या बळकट गढीवर हल्ला चढविला. या गढीत काही उत्तम बंदुकधारी रोहिले होते पण मराठ्यांच्या पुढे त्यांचा टिकाव लागला नाही आणि ते पळून जवळच असलेल्या धरेमौ गढीच्या आश्रयास गेले. मराठ्यांनी आता या गढीला वेढा घातला. उपासमार झाल्याने किल्लेदाराने पूर्ण ताकदीनिशी मराठ्यांवर प्रतिहल्ला केला पण या चकमकीत सुद्धा रोहिल्यांचा पूर्ण बिमोड झाला, त्यांचे अनेक सैनिक कापले गेले तर अनेक युद्ध बंदी झाले. मराठ्यांनी शूजाच्या मुलुखाची वाताहात केली. 🚩🏇🚩🏇🚩🏇🚩🏇🚩 #३०_डिसेंबर_१८१७ ३० डिसेंबर रोजी बाजीराव संगमनेरकडून, ब्राह्मणवाड्याचा घाट उतरून चाकणला येऊन दाखल झाले. 🚩🏇🚩🏇🚩🏇🚩🏇🚩