#🙏श्री गुरुदेव दत्त💐 सर्व दुःखांतून मुक्त होण्यासाठीं वैराग्य म्हणजे विवेकपूर्वक विषयांची अनासक्ति ही जितकी उपयुक्त आहे तितके दुसरे कोणते हि साधन उपयोगाला येत नाही. श्रद्धा, भक्ति, ध्यान साधने स्वीकारून मानवांनी संसारबंधनांतून मुक्त होण्याचा प्रयत्न करावा. यावाचून शेकडो जन्म घालविले तरी दुःखांतून सुटका होणार नाही. दत्त महाराज म्हणतात, 'आपण मृगाजिनाप्रमाणे म्हणजे हरिणांच्या कातड्यांप्रमाणें आका-शाची जर घडी घालू शकू तरच परमात्मसाक्षात्कारा वाचून सर्व दुःखांतून मुक्त होऊ शकू; हे तुम्ही सर्वांनी लक्षात घ्यावे. दत्त महाराजांचा हा उपदेश केवळ ऐकण्यासाठी नाही,,, तर जगण्यासाठी आहे. विषयांत राहूनही विषयांवर अवलंबून न राहणे, इच्छा असतानाही आसक्ती न बाळगणे, हाच खरा वैराग्याचा अर्थ आहे....श्रद्धा, भक्ती, ध्यान ही साधने जेव्हा विवेकाच्या प्रकाशात आचरली जातात, तेव्हाच ती संसाराच्या गुंत्यातून बाहेर काढतात. अन्यथा जन्मामागून जन्म गेले तरी दुःखाचा फेरा संपत नाही. आकाशाला घडी घालण्याइतकी अंतर्मुखता, मृगाजिनासारखी निरपेक्षता आणि मनाची व्यापकता जेव्हा साधकात येते, तेव्हाच आत्मसाक्षात्कार सहज प्रकटतो. दुःखातून मुक्ती बाहेर नाही, ती आत आहे...आणि तिचा मार्ग विवेकाने जागृत झालेल्या वैराग्यातूनच जातो. .. || अवधूत चिंतन श्री गुरुदेव दत्त ll © दत्तरूप ll