#🙏श्री गुरुदेव दत्त💐 सोडा व नारायणाला आठवा....." दु:खाचे एक महत्त्वाचे कारण म्हणजे काळजी, जे आधी झालं, त्याची काळजी, जे अजून व्हायचे आहे, त्याची काळजी. काळजी कमी करायचा रामबाण उपाय म्हणजे आजपासून काळजी करण्याचे अजिबात सोडून देऊन तेवढा वेळ भगवंताच्या स्मरणात (किंवा आपल्या आवडत्या कामात) घालवावा. आपल्यापेक्षा दु:खी माणसाकडे पहावे. 'असेल तर असू दे, नसेल तर नसू दे' अशी वृत्ती असावी. काळजी करणे म्हणजे भगवंतावर भरवसा नसणे होय. कर्माचे फळ आपल्या हातात नाही, हे जरी समजले तरीही आपण काळजी करतोच. 'चिंता लागणे स्वाभाविक आहे' ही कल्पनाच आधी आपण मनातून काढून टाकली पाहिजे. आपली चिंता का सुटत नाही, या प्रश्नाचे सोपे उत्तर म्हणजे तिने आपल्या ला धरण्याच्या ऐवजी आपणच तिला घट्ट धरून ठेवले आहे. तिला सोडायचं म्हटलं तर आजच जाईल नाही तर कधीच जाणार नाही. आपला जितका वेळ चिंतेत गेला तेवढा वाया गेला, असे समजावे. काळजी पैशांमुळे वाटत असेल तर तो पैसाच दूर केला तर नाही का चालणार? (आयुष्य जगण्यासाठी आवश्यक तेवढे सर्व प्राणीमात्रांना भगवंत जरूर उपलब्ध करून देतो) लक्ष्मीची पूजा करण्याआधी नारायणाची आठवण करावी म्हणजे काळजी चे कारणच उरणार नाही. ||• अवधूत चिंतन श्री गुरुदेव दत्त •|| ll श्री दत्तरुप ll