ಪ್ರಾರ್ಥಿಸದೇ ವಾಕ್ಯವನ್ನು ಓದಿ ಸಾಧ್ಯವಾದಷ್ಟು ಅದರ ನಡೆಯದೇ ಇದ್ದು (ಅಂದರೆ ಪವಿತ್ರಾತ್ಮನು ಕೊಡುವ ಸರ್ವಾಯುಧಗಳನ್ನು ಧರಿಸಿಕೊಳ್ಳದೇ) ಹಾವುಗಳ ಮೇಲೂ ಚೇಳುಗಳ ಮೇಲೂ ವೈರಿಯ ಸಮಸ್ತ ಬಲವನ್ನೂ ತುಳಿಯಲು ಅಧಿಕಾರವಿದೆ ಎಂದುಕೊಂಡು ಸೇವೆ ಮಾಡಲು ಹೋಗುವುದಾದರೆ ಸೈತಾನನಿಗೂ ಅವನ ದೂತರಿಗೂ ನಮ್ಮ ಮೇಲೆ ಅಧಿಕಾರವಿರುತ್ತದೆಯೇ ಹೊರತು ಅವನ ಮೇಲೆ ನಮಗೆ ಯಾವ ರೀತಿಯ ಅಧಿಕಾರವಿರುವಿದಿಲ್ಲ. ಇದರ ಕುರಿತಾಗಿ ಕರ್ತನಾದ ಯೇಸು ಕ್ರಿಸ್ತನೂ ನಮಗೆ ಹೇಳಿಕೊಟ್ಟ ಸನ್ನಿವೇಶವೂ ಉಂಟು; ಇನ್ನು ನಾನು ನಿಮ್ಮ ಸಂಗಡ ಬಹಳ ಮಾತುಗಳನ್ನಾಡುವುದಿಲ್ಲ, ಯಾಕೆಂದರೆ ಇಹಲೋಕಾಧಿಪತಿಯು ಬರುತ್ತಾನೆ. ಅವನಿಗೆ ಸಂಬಂಧಪಟ್ಟದ್ದು ಯಾವುದೊಂದೂ ನನ್ನಲ್ಲಿಲ್ಲ. (ಯೋಹಾನ 14:30) ಅವನಿಗೆ ಸಮ್ಬನ್ಧ ಪತ್ತ ವಿಚಾರಗಳನ್ನು ಇಟ್ಟುಕೊಂಡು ಅವನನ್ನೇ ಓಡಿಸಲು ಹೋದರೆ ಅವನು ಸುಮ್ಮನಿರುತ್ತಾನೆಯೇ..??? ಯಾಕೆಂದರೆ ಅವನೂ ವಾಕ್ಯವನ್ನು ತಿಳಿದವನೇ ಆಗಿದ್ದಾನೆ ಎಂಬುದನ್ನು ನಾವು ಮನನ ಮಾಡಿಕೊಳ್ಳಬೇಕು... ಆ ರೀತಿ ಮನನ ಮಾಡಿಕೊಳ್ಳದೇ ಸೇವೆಗೆ ಹೋಗುವುದಾದರೆ ಅದಕ್ಕೂ ಸತ್ಯವೇದದಲ್ಲಿ ಉದಾಹರಣೆಗಳುಂಟು... ದೆವ್ವಬಿಡಿಸುವವರೆನಿಸಿಕೊಂಡು ದೇಶಸಂಚಾರಿಗಳಾದ ಯೆಹೂದ್ಯರಿದ್ದರು. ಅವರಲ್ಲಿ ಕೆಲವರು ದೆವ್ವಹಿಡಿದವರ ಮೇಲೆ – ಪೌಲನು ಸಾರುವ ಯೇಸುವಿನ ಆಣೆ ಎಂದು ಹೇಳಿ ಕರ್ತನಾದ ಯೇಸುವಿನ ಹೆಸರನ್ನು ಪ್ರಯೋಗಮಾಡುವುದಕ್ಕೆ ತೊಡಗಿದರು. ಮಹಾಯಾಜಕ ಸ್ಕೇವನೆಂಬ ಒಬ್ಬ ಯೆಹೂದ್ಯನ ಏಳು ಮಂದಿ ಮಕ್ಕಳು ಹಾಗೆ ಮಾಡುತ್ತಿದ್ದರು. ಆದರೆ ದೆವ್ವವು ಅವರಲ್ಲಿ ಇಬ್ಬರಿಗೆ – ಯೇಸುವಿನ ಗುರುತು ನನಗುಂಟು, ಪೌಲನನ್ನೂ ಬಲ್ಲೆನು, ನೀವಾದರೆ ಯಾರು..??? ಎಂದು ಹೇಳಿತು; ಮತ್ತು ದೆವ್ವಹಿಡಿದಿದ್ದ ಆ ಮನುಷ್ಯನು ಅವರ ಮೇಲೆ ಹಾರಿ ಬಿದ್ದು ಅವರಿಬ್ಬರನ್ನೂ ಸೋಲಿಸಿ ಬಲಾತ್ಕರಿಸಿದ್ದರಿಂದ ಅವರು ಬೆತ್ತಲೆಯಾಗಿಯೂ ಗಾಯವುಳ್ಳವರಾಗಿಯೂ ಆ ಮನೆಯೊಳಗಿಂದ ಓಡಿಹೋದರು. (ಅ.ಕೃ 19:13-16) ಕರ್ತನಿಗಾಗಿ ಏನೇ ಮಾಡಿದರೂ ದಯಮಾಡಿ ಅವರ ಸನ್ನಿಧಾನದಲ್ಲಿ ಕಾದಿದ್ದು ಅವರೊಂದಿಗೆ ನಡೆಯುತ್ತಾ ಅವರಿಗಾಗಿ ಎಲ್ಲವನ್ನೂ ಮಾಡಬೇಕಾದರೆ ಸೈತಾನನಿಗೆ ನಮ್ಮ ಮೇಲಾಗಲಿ ನಮ್ಮ ಕುಟುಂಬದಲ್ಲಾಗಲಿ ನಮ್ಮ ಕೆಲಸದಲ್ಲಾಗಲಿ ನಮ್ಮ ಸೇವೆಯಲ್ಲಾಗಲಿ ನಮ್ಮ ಆರೋಗ್ಯದ ಮೇಲಾಗಲಿ ಯಾವುದೇ ರೀತಿಯ ಪರಿಣಾಮಗಳನ್ನು ಬೀರುವುದಕ್ಕೆ ಅಧಿಕಾರವಿರುವುದಿಲ್ಲ ಎಂದು ಹೆದರಿಸುವುದಕ್ಕಾಗಿ ಹೇಳದೇ ಎಚ್ಚರಿಸಿ ಹೇಳುತ್ತಾ ಈ ಮೂಲಕ ಎಲ್ಲರನ್ನೂ ಪ್ರೋತ್ಸಾಹಿಸುವವನಾಗಿದ್ದೇನೆ. ಕರ್ತನ ಕೃಪೆಯು ನಮ್ಮೆಲ್ಲರೊಂದಿಗೆ ಇರಲಿ... ✍🏾 ಸಹೋ. ಜಾನ್ ಬ್ರಿಟೋ Re-align with Christ Ministries / Mysore #✝️ Jesus #📚 ಬೈಬಲ್✝️ #✝ಯೇಸು ವಾಕ್ಯಗಳು📖 #📖ಬೈಬಲ್ ನುಡಿಗಳು✝