#🙏शिवदिनविशेष📜 🚩 #आजचे_ऐतिहासिक_दिनविशेष #१७_जानेवारी_१६०१ असीरगड:-अर्थात दख्खनचा दरवाजा. अकबरला या किल्ल्याची प्रसिद्धी माहित होती. असीरगढ़वर चाल करायच्या हेतूने त्याने दक्षिणेची मोहीम उघडली. १७ जानेवारी १६०१ ला अकबराने किल्ल्यावर जय मिळवला आणि किल्ल्यावर मुघल सत्तेला प्रारंभ झाला. 🚩🏇🚩 #१७_जानेवारी_१६४५ शिवरायांनी दादाजी नरसप्रभुंना पत्र पाठवले. रोहिड व वेलवंड भागाचे कुलकर्णी दादाजी नरसप्रभु हे शिवरायांबरोबर उठावात सामिल झाले, यामुळे विजापुर दरबाराने त्याना जरबेचे पत्र पाठवले, त्यामुळे हवालदिल झालेल्या दादाजींना शिवरायांनी पत्र पाठवून स्वराज्यात सामिल होण्याचे आवाहन केले. 🚩🏇🚩 #१७_जानेवारी_१६४८ आदीलशहाने "नवाब मुस्तफाखान" यास हुकूम दिला की कर्नाटक मध्ये जाऊन त्या बगावतखोर "शहाजी भोसले" ला गिरफ्तार करा. "नवाब मुस्तफाखान" आणि "बाजी घोरपडे" प्रचंड फौज घेऊन विजापूरहून "किल्ले जिंजी" कडे निघाले. 🚩🏇🚩 #१७_जानेवारी_१६६३ ( माघ वद्य चतुर्थी, शके १५८४, संवत्सर शुभकृत, शनिवार ) इंग्रज कैद्यांची सुटका! सिद्धी जौहरच्या वेढ्यात अडकले असताना इंग्रजांनी स्वराज्याविरोधात तोफा डागल्या होत्या. त्यामुळे संधी मिळताच इंग्रजांना पकडून कैदेत टाकले. पुढे रेव्हिंगटन आजारी पडल्याने काही अटींवर महाराजांनी त्यांची सुटका केली. शरणागतीचे बोलणी सुरू करून आणि जंजिरेकर सिद्द्यांविरुद्ध मदतीची तयारी करण्याचे आश्वासन घेऊन इतर कैद्यांची सुटका करण्यात आले. 🚩🏇🚩 #१७_जानेवारी_१६६६ ( पौष वद्य सप्तमी शके १५८७, संवत्सर विश्वासू, बुधवार ) नेतोजी काका पालकर ह्यांना सेनापती पदावरून दूर केले पन्हाळ्याच्या हल्ल्यात वेळेवर कुमक न घेऊन आल्यामुळे खूप मोठे नुकसान झाले आणि हकनाक १ हजार सैनिकांची कत्तल झाली. त्यामुळे महाराजांनी नेतोजी काकांना सेनापती पदावरून तडकाफडकी दूर केले. 🚩🏇🚩🏇 #१७_जानेवारी_१६६६ मिर्झाराजांचा मुक्काम ककराला परिसरात:- उत्तरेकडे परत जात असताना १७ जानेवारी १६६६ ला मिर्झाराजांचा मुक्काम हा परंड्याजवळ ककराला परिसरात राहिला होता 🚩🏇🚩🏇🚩🏇🚩