#🆒वर्ड आर्ट #😍इमोशनल स्टेटस😊 #😇प्रेरणादायक डायलॉग व्हिडिओ कितीही कमवलं तरी माणूस सगळीकडे सुखी नसतो बघा. पैसा हातात आला की लोक म्हणतात, “आता काय कमी आहे?” पण मनाची भूक पैशानं भरत नाही, हे कुणाला कळतच नाही. घर मोठं असतं, दारात गाडी असते, पण घरात हसणं नसतं, बोलणं नसतं. आई-वडिलांची मान वाकलेली असते, आणि लेकरं मोबाईलमध्येच गुरफटलेली असतात. दुसरीकडे एखाद्या झोपडीत राहणारा माणूस बघा, अर्धी भाकरी असली तरी हसत खातो. कारण त्याच्या घरात समाधान असतं, आणि समाधानाला कुठलीही श्रीमंती लागत नाही. पैसा माणसाला श्रीमंत करतो, पण समाधान माणसाला सुखी करतं. ज्याचं मन अस्वस्थ आहे, तो सोन्याच्या पलंगावर झोपला तरी डोळ्याला झोप लागत नाही. आज लोकांना सगळं हवंय, पण “पुरेसं” काय असतं हेच विसरून गेलेत. थोडक्यात जगायचं, माणसांसारखं वागायचं, हेच खरं श्रीमंतीचं लक्षण आहे. म्हणूनच म्हणतात ना, कितीही कमावलं तरी सुख मिळेलच असं नाही, कारण खरं सुख बाजारात मिळत नाही, ते फक्त मनात समाधान असेल तेव्हाच मिळतं…!! !! अंतिम सत्य !! म्हणून पैशामागं अंधासारखं धावताना, एकदा थांबून आपल्या माणसांकडं पाहा. आईच्या डोळ्यातलं समाधान, वडिलांच्या कपाळावरची शांत रेषा, बायकोचं हसतं बोलणं आणि लेकरांचं मनमोकळं हसणं — हेच खरं धन आहे. हे हरवलं की, कोट्यवधी रुपये असूनही माणूस आतून रिकामाच राहतो. आणि हे मिळालं की, फाटका अंगावर असला तरी आयुष्य राजासारखं वाटतं. शेवटी एवढंच… पैसा मोजता येतो, पण समाधान नाही. आणि ज्याच्याकडे समाधान आहे, तोच खर्‍या अर्थानं श्रीमंत आहे…!! सौ प्रार्थना देशमुख ✍️