ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ଧଣ୍ଡାମୁଣ୍ଡା ଗାଁରେ ରହସ୍ୟମୟ ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ଗାଁର ପ୍ରଦୀପ ଦାସଙ୍କ ଘରେ ଦୀର୍ଘ ତିନି ମାସ ହେବ ଶୂନ୍ୟ ଆକାଶରୁ ଦୈନିକ ଦୁଇଥର ଅଜଣା ହଳଦିଆ ରଙ୍ଗର ବିନ୍ଦୁ ବିନ୍ଦୁ ବର୍ଷା ହେଉଥିବା ଦେଖିବାକୁ ମିଳିଛି। ଏହି ପଦାର୍ଥଟି କେବଳ ଦେଖିବାକୁ ଅଜବ ନୁହେଁ, ବରଂ ଏହା ଅତ୍ୟନ୍ତ ଦୁର୍ଗନ୍ଧଯୁକ୍ତ ହୋଇଥିବାରୁ ପରିବାର ଲୋକେ ଓ ଭଡ଼ାଟିଆମାନେ ଅତିଷ୍ଠ ହୋଇପଡ଼ିଛନ୍ତି। ଏହି ରହସ୍ୟମୟ ବର୍ଷା କେବଳ ପ୍ରଦୀପ ଦାସଙ୍କ ଘର ପରିସରରେ ହିଁ କାହିଁକି ହେଉଛି? ଗାଁର ଅନ୍ୟ କୌଣସି ସ୍ଥାନରେ ଏହା ଦେଖାଯାଉ ନାହିଁ? ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି।  ଅଜଣା ବିପଦରୁ ରକ୍ଷା ପାଇବା ପାଇଁ ବିଜ୍ଞାନିକମାନେ ତୁରନ୍ତ ଏହି ସ୍ଥାନ ପରିଦର୍ଶନ କରି ପଦାର୍ଥର ପରୀକ୍ଷା କରନ୍ତୁ ଏବଂ ଏହା ପଛର ପ୍ରକୃତ ସତ୍ୟ ଜନସାଧାରଣଙ୍କ ସାମ୍ନାକୁ ଆଣନ୍ତୁ ବୋଲି ପରିବାର ତଥା ଗ୍ରାମବାସୀ ଦାବି କରିଛନ୍ତି।