श्री गजानन महाराज संस्थानचे माजी व्यवस्थापकीय विश्वस्त,वै.श्री शिवशंकर भाऊ पाटील (शेगांव) – श्री मंदिरनिष्ठ सेवाभाव आणि नम्रतेचा शांत आदर्श ”श्री गजानन महाराज संस्थानचे माजी व्यवस्थापकीय विश्वस्त, वै.श्री शिवशंकर भाऊ पाटील यांचे संपूर्ण जीवन श्रींचे मंदिरातील सेवेशी आणि भक्तांसाठी उभ्या असलेल्या व्यवस्थेशी अतूटपणे जोडलेले होते. त्यांचे आयुष्य श्री मंदिरनिष्ठ सेवाभाव. त्यांनी केलेली सेवा कधीही गाजावाजा करणारी नव्हती, कधीही स्वतःला पुढे आणणारी नव्हती. ती नेहमी शांत, सातत्यपूर्ण आणि अंतःकरणातून केलेली होती.” ”श्री मंदिरातील शिस्तबद्धता, स्वच्छता आणि सेवांची पवित्रता याकडे त्यांचे विशेष लक्ष असे. मंदिर परिसर स्वच्छ, नीटनेटका आणि शांत राहावा, भक्तांना कोणताही त्रास होऊ नये, सेवा सुरळीत आणि श्रद्धेने पार पडावी यासाठी ते सतत जागरूक असत. श्री मंदिरातील प्रत्येक व्यवस्था त्यांनी केवळ काम म्हणून नव्हे, तर श्रींची सेवा म्हणून जपली.” “श्री मंदिरात सेवा देणाऱ्या सेवकांना ते नेहमी नम्रतेने मार्गदर्शन करत.सेवेत शिस्त कशी असावी, भक्तांशी वागणूक कशी असावी आणि श्री मंदिरातील सेवा करताना मन कसे निर्मळ ठेवावे हे ते स्वतःच्या वागण्यातून शिकवत.” “त्यांची सेवा पूर्णपणे श्रींचे मंदिरासाठी निस्वार्थ सेवाकार्य करीत होते. श्रींची सेवा हीच त्यांची खरी संपत्ती होती. अखेरच्या श्वासापर्यंत ते श्री मंदिराच्या सेवाकार्यात कार्यरत राहिले.” “आजही त्यांच्या सांगितलेल्या मार्गानुसार श्रींचा हा मोठा सेवाकार्याचा कारभार पुढे नेला जात आहे. ते आजही स्मरणात आहेत. त्यांच्या जयंतीनिमित्त विनम्र श्रद्धांजली.” श्री गजानन महाराज संस्थान,शेगांव श्रींचा पालखी सोहळा ॥ जय गजानन ॥ #gajananmaharaj #shegaon #explore #🌹जय श्री गजानन महाराज 🌹# 🎊🌺गण गण गणात बोते🌺