#🙏शिवदिनविशेष📜 🚩 #आजचे_ऐतिहासिक_दिनविशेष 🚩🏇🚩🏇🚩🏇🚩 #६_फेब्रुवारी_१६७४ छत्रपती शिवाजी महाराजांच्या पत्नी महाराणी काशीबाई साहेब यांची आज पुण्यतिथी. 🚩🏇🚩🏇🚩🏇🚩 #६_फेब्रुवारी_१६७५ विजापूरच्या कारवार येथील सुभेदाराने बंड पुकारल्याने विजापूरमधे जो गोंधळ माजला त्याचा फायदा शिवाजीराजांनी घेऊन १६७३ सालच्या सप्टेंबर महिन्यात त्यांनी फोंड्यास वेढा घातला परंतु विजापूरचे सैन्य पन्हाळगडावर चाल करून आल्याने राजांना फोंड्याचा वेढा उठवून पन्हाळगडाकडे कूच करावे लागले. १६७४ सालच्या सप्टें महिन्यात महाराजांच्या एका सरदाराने पुन्हा वेढा घातला पण तिथल्या शिबंदीचा किल्लेदार महमदखान ह्याने किल्ला बरेच दिवस लढवल्याने महाराजांच्या सरदाराला वेढा उठवावा लागला. प्रस्तुत वेढ्याचा उल्लेख वेंगुर्ला येथील इंग्रजी वखारातील एक अधिकारी अब्राहम ला. फेबर ह्याने Dutch Governor डच गव्हर्नर जनरल John Mastsuiker ह्याला लिहीलेल्या एका पत्रात केले आहे. त्याआधी इ.स १६७२ साली विजापूरचा सुलतान अली आदिलशहा मरण पावला त्याच्या पश्चयात विजापूर राज्यामधे जी दुही माजली त्याची संधी साधून शिवाजीराजांनी १६७५ सालच्या एप्रिल महिन्यात परत फोंड्यास वेढा घातला. प्रस्तुत वेढ्याचा उल्लेख इंग्रजी कागदपत्रात आढळतो:- पहिला उल्लेख राजापूरच्या इंग्रजांनी दिनांक ६ फेब्रुवारी रोजी मुंबईला पाठवलेल्या पत्रातील असून दुसरा कारवार येथील इंग्रजांच्या दिनांक १४ एप्रिल १६७५ मधल्या पत्रातील आहे. 🚩🏇🚩🏇🚩🏇🚩 #६_फेब्रुवारी_१६८१ शिवछत्रपतींच्या मृत्यूनंतर संभाजीराजांनी स्वतःस राज्याभिषेक करून स्वराज्याच्या धुरा हातात घेतल्या, अशात खानजहान बहादूर किल्ले रामशेजवर चालून यायला निघाला. खानजहान बहादूरने औरंगजेबाकडे दारुगोळा व सैन्याची मागणी केली ती किल्ले रामशेज घेण्यासाठी. 🚩🏇🚩🏇🚩🏇🚩 #६_फेब्रुवारी_१९३९ सामाजिक भान असलेले भारतातील शेवटचे राजे खरा खुरा लोकराजा सयाजीराजे गायकवाड यांचा स्मृतिदिवस. सयाजीराव महाराजांनी आपल्या संस्थानात अनेक सामाजिक सुधारणा घडवून आणल्या. न्यायव्यवस्थेत सुधारणा, ग्रामपंचायतींचे पुनरुज्जीवन, सक्तीच्या प्राथमिक शिक्षणाची सोय, गरीब गरजू विद्यार्थ्यांना शिष्यवृत्ती, औद्योगिक प्रशिक्षण व कला शिक्षणाची सोय, हरिजनांसाठी शाळा, स्त्रियांना वारसा हक्क, बालविवाह बंदी, विधवा विवाह, कन्याविक्रय बंदी, पडदा पद्धती बंदी अशा सुधारणा घडवून संस्थानात स्त्री-मुक्तीची पहाट फुलवली. या लोकमंगल राजाचे ६ फेब्रुवारी १९३९ रोजी निधन झाले 🚩🏇🚩🏇🚩🏇🚩