*📖നേർവായന* എപ്പിസോഡ് : 1353 ഇന്നത്തെ വിഷയം: ഖൽബിന്റെ സംസ്കരണം ▪️ ഭാഗം - 02 ➖➖➖➖➖➖➖➖➖ 🔲അല്ലാഹു പറയുന്നു: وَرَحْمَتِي وَسِعَتْ كُلَّ شَيْءٍ ۚ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ … എന്റെ കാരുണ്യം സകല വസ്തുക്കളെയും ഉൾകൊള്ളുന്നതായിരിക്കും. സൂക്ഷ്മത പാലിക്കുകയും, സകാത്ത് നൽകുകയും ചെയ്യുന്നവരാരോ അവർക്ക് വേണ്ടി ഞാനത് രേഖപ്പെടുത്തുന്നതാണ്. (ഖുർആൻ:7/156) ഇവിടെ ‘സകാത്ത്’ എന്നാൽ ആത്മാവിനെ സംസ്കരിക്കുകയും ശുദ്ധീകരിക്കുകയും ചെയ്യുന്ന പ്രവർത്തനങ്ങളാണെന്ന് ഇബ്നു അബ്ബാസ് رَضِيَ اللَّهُ عَنْهُ, ഹസൻ رَحِمَهُ اللَّهُ എന്നിവരിൽ നിന്ന് ഉദ്ധരിക്കപ്പെട്ടിട്ടുണ്ട്. അല്ലാഹുവിനെയും അവന്റെ റസൂലിനെയും ﷺ അനുസരിക്കുക എന്നതാണത് (തഫ്സീർ അത്ത്വബരി 10/487, സാദുൽ മസീർ 2/160 എന്നിവ നോക്കുക). ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ ഖിയാമത്ത് നാളിൽ മനുഷ്യർ രണ്ടായി വിഭജിക്കപ്പെടും: കുറ്റവാളിയും, സംസ്കരണം നേടിയവനും. അല്ലാഹു പറയുന്നു: إِنَّهُۥ مَن يَأْتِ رَبَّهُۥ مُجْرِمًا فَإِنَّ لَهُۥ جَهَنَّمَ لَا يَمُوتُ فِيهَا وَلَا يَحْيَىٰ ‎﴿٧٤﴾‏ وَمَن يَأْتِهِۦ مُؤْمِنًا قَدْ عَمِلَ ٱلصَّٰلِحَٰتِ فَأُو۟لَٰٓئِكَ لَهُمُ ٱلدَّرَجَٰتُ ٱلْعُلَىٰ ‎﴿٧٥﴾‏ جَنَّٰتُ عَدْنٍ تَجْرِى مِن تَحْتِهَا ٱلْأَنْهَٰرُ خَٰلِدِينَ فِيهَا ۚ وَذَٰلِكَ جَزَآءُ مَن تَزَكَّىٰ ‎﴿٧٦﴾‏ തീര്‍ച്ചയായും വല്ലവനും കുറ്റവാളിയായിക്കൊണ്ട് തന്‍റെ രക്ഷിതാവിന്‍റെ അടുത്ത് ചെല്ലുന്ന പക്ഷം അവന്നുള്ളത് നരകമത്രെ. അതിലവന്‍ മരിക്കുകയില്ല.ജീവിക്കുകയുമില്ല. സത്യവിശ്വാസിയായിക്കൊണ്ട് സല്‍കര്‍മ്മങ്ങള്‍ പ്രവര്‍ത്തിച്ചിട്ടാണ് വല്ലവനും അവന്‍റെയടുത്ത് ചെല്ലുന്നതെങ്കില്‍ അത്തരക്കാര്‍ക്കുള്ളതാകുന്നു ഉന്നതമായ പദവികള്‍. അതായത് താഴ്ഭാഗത്ത് കൂടി നദികള്‍ ഒഴുകുന്ന, സ്ഥിരവാസത്തിനുള്ള സ്വര്‍ഗത്തോപ്പുകള്‍. അവരതില്‍ നിത്യവാസികളായിരിക്കും. അതാണ് പരിശുദ്ധി നേടിയവര്‍ക്കുള്ള പ്രതിഫലം. (ഖുർആൻ:20/74-76) ➖➖➖➖➖➖➖➖ Subscribe Our YouTube Channel: https://www.youtube.com/c/WisdomMediaChannel ➖➖➖➖➖➖➖➖ ഇത് മനസ്സിലാക്കിയാൽ ഈ വിഷയത്തിന്റെ ഗൗരവം ബോധ്യമാകും. ശരീരം വളരാനും ശക്തി പ്രാപിക്കാനും ഭക്ഷണം ആവശ്യമുള്ളതുപോലെ, ഹൃദയത്തിന് അതിനെ സംസ്കരിക്കുകയും ശക്തിപ്പെടുത്തുകയും ചെയ്യുന്ന ഈമാനും ഖുർആനും ആവശ്യമാണ്. ഇല്ലെങ്കിൽ നാശം സുനിശ്ചിതമാണ്! അതോടൊപ്പം ഹൃദയത്തിന് ദോഷകരമായ കാര്യങ്ങളിൽ നിന്ന് അതിനെ തടയുകയും വേണം. സംസ്കരണം (തസ്കിയ) എന്നതിന്റെ അടിസ്ഥാനം വളർച്ചയും ബറകത്തും നന്മയുടെ വർദ്ധനവുമാണെങ്കിലും, അത് കരസ്ഥമാകുന്നത് തിന്മയെ നീക്കം ചെയ്യുന്നതിലൂടെയാണ്. അതിനാൽ, ‘തസ്കിയ’ രണ്ട് കാര്യങ്ങൾ ഉൾക്കൊള്ളുന്നു: നന്മ വർദ്ധിപ്പിക്കലും തിന്മ ഇല്ലാതാക്കലും. ➖➖➖➖➖➖➖➖ Like and Follow Our Facebook page: https://www.facebook.com/WisdomMediaChannel/ ➖➖➖➖➖➖➖➖ പാപങ്ങൾ ശരീരത്തിലെ ദുഷിച്ച സ്രവങ്ങൾ (اخلاط) പോലെയും, കൃഷിയിലെ കളകൾ പോലെയുമാണ്. ശരീരം ദുഷിച്ച സ്രവങ്ങളിൽ നിന്ന് മുക്തമാകുമ്പോൾ അത് വളരുകയും ആരോഗ്യമുള്ളതാവുകയും ചെയ്യും. അതുപോലെത്തന്നെയാണ് ഹൃദയവും. അത് പാപങ്ങളിൽ നിന്ന് അകന്നുനിൽക്കുകയോ അല്ലെങ്കിൽ തൗബ ചെയ്യുകയോ ചെയ്യുമ്പോൾ, അതിലെ മാലിന്യങ്ങൾ പുറന്തള്ളപ്പെടുന്നു. അപ്പോൾ ഹൃദയത്തിന്റെ ശക്തിയും നന്മ ചെയ്യാനുള്ള ഇച്ഛാശക്തിയും മാലിന്യമുക്തമാവുന്നു. അങ്ങനെ ദുഷിച്ച ആകർഷണങ്ങളിൽ നിന്ന് അതിന് ആശ്വാസം ലഭിക്കുന്നു. അതിനാൽ, ഹൃദയത്തെ ശുദ്ധീകരിച്ച ശേഷമല്ലാതെ അതിനെ സംസ്കരിക്കാൻ സാധ്യമല്ല. അല്ലാഹുവിന്റെ ഈ വചനം ശ്രദ്ധിക്കുക: قُل لِّلْمُؤْمِنِينَ يَغُضُّوا۟ مِنْ أَبْصَٰرِهِمْ وَيَحْفَظُوا۟ فُرُوجَهُمْ ۚ ذَٰلِكَ أَزْكَىٰ لَهُمْ ۗ (നബിയേ,) നീ സത്യവിശ്വാസികളോട് അവരുടെ ദൃഷ്ടികള്‍ താഴ്ത്തുവാനും, ഗുഹ്യാവയവങ്ങള്‍ കാത്തുസൂക്ഷിക്കുവാനും പറയുക. അതാണ് അവര്‍ക്ക് ഏറെ പരിശുദ്ധമായിട്ടുള്ളത്‌. (ഖുർആൻ:24/30) ദൃഷ്ടി താഴ്ത്തുന്നതിനും ഗുഹ്യാവയവം സൂക്ഷിക്കുന്നതിനും ശേഷമാണ് അല്ലാഹു സംസ്കരണം (സകാത്ത്) പറഞ്ഞിരിക്കുന്നത്. ചില പണ്ഡിതന്മാർ പറഞ്ഞു: “ദിക്ർ ഹൃദയത്തിന്, ശരീരം ഭക്ഷണത്തിനെന്ന പോലെയാണ്. രോഗമുള്ളപ്പോൾ ശരീരത്തിന് ഭക്ഷണത്തിന്റെ രുചി ആസ്വദിക്കാൻ കഴിയാത്തതുപോലെ, ദുൻയാവിനോടുള്ള സ്നേഹമുള്ളപ്പോൾ ഹൃദയത്തിന് ദിക്റിന്റെ മാധുര്യം കണ്ടെത്താൻ കഴിയില്ല.” ➖➖➖➖➖➖➖➖➖ Source: Kanzul uloom #wisdommedia #WisdomIslam #wisdomyouth