📖നേർവായന
എപ്പിസോഡ് : 1359
ഇന്നത്തെ വിഷയം:
ഖൽബും ഇതര അവയവങ്ങളും
▪️ ഭാഗം - 01
➖➖➖➖➖➖➖➖➖
🔲‘ഹൃദയം’ (القلب) എന്ന് പ്രയോഗിക്കുമ്പോൾ രണ്ട് അർത്ഥങ്ങൾ ഉദ്ദേശിക്കപ്പെടാറുണ്ട്:
ഒന്ന്: ഭൗതികമായ ഹൃദയം. നെഞ്ചിന്റെ ഇടതുഭാഗത്ത് സ്ഥിതി ചെയ്യുന്ന, ശരീരത്തിലെ പ്രധാന അവയവമായ, രക്തം പമ്പ് ചെയ്യുന്ന മാംസക്കഷ്ണം. ഇത് മനുഷ്യരിൽ മാത്രം ഒതുങ്ങുന്നില്ല, മൃഗങ്ങൾക്കും ഈ അർത്ഥത്തിലുള്ള ഹൃദയമുണ്ട്. ഡോക്ടർമാരും അനാട്ടമി വിദഗ്ധരും പഠിക്കുന്നത് ഈ ഹൃദയത്തെക്കുറിച്ചാണ്.
രണ്ട്: ആത്മീയമായ ഹൃദയം. പണ്ഡിതന്മാർ ഇതിനെ വിശദീകരിച്ചിരിക്കുന്നത്, ഭൗതിക ഹൃദയവുമായി ഒരു പ്രത്യേക ബന്ധമുള്ള, റബ്ബാനിയായ, റൂഹാനിയായ (ദൈവികവും ആത്മീയവുമായ) ഒരു സൂക്ഷ്മ യാഥാർത്ഥ്യം എന്നാണ്. ആ ബന്ധം എങ്ങനെയുള്ളതാണെന്ന് അല്ലാഹുവിന് മാത്രമേ അറിയൂ.
ഈ സൂക്ഷ്മ യാഥാർത്ഥ്യമാണ് (ആത്മീയ ഹൃദയം) മനുഷ്യന്റെ യഥാർത്ഥ സത്ത. അതുകൊണ്ടാണ് മനുഷ്യൻ മനുഷ്യനാകുന്നത്. കൽപ്പനകൾ സ്വീകരിക്കാനും വിലക്കുകൾ ഉപേക്ഷിക്കാനും അവനെ സജ്ജമാക്കുന്നത് അതാണ്. നല്ലതും ചീത്തയുമായ സ്വഭാവങ്ങളുടെ ഉറവിടവും അതുതന്നെ.
➖➖➖➖➖➖➖➖
Join Our WhatsApp Group:
https://qr1.be/4M9V
➖➖➖➖➖➖➖➖
ഈ പഠനത്തിൽ ‘ഹൃദയം’ എന്ന് പറയുമ്പോൾ ഈ രണ്ടാമത്തെ അർത്ഥമാണ് ഉദ്ദേശിക്കുന്നത്. ഖുർആനിലും സുന്നത്തിലും പണ്ഡിതന്മാരുടെ ഗ്രന്ഥങ്ങളിലും പ്രശംസിച്ചുകൊണ്ടോ ഇകഴ്ത്തിക്കൊണ്ടോ ഹൃദയത്തെക്കുറിച്ച് പരാമർശിക്കുമ്പോഴും, അതിന്റെ ജീവിതത്തെയും രോഗത്തെയും, നന്മയെയും തിന്മയെയും കുറിച്ച് സംസാരിക്കുമ്പോഴും ഈ അർത്ഥം തന്നെയാണ് വിവക്ഷിക്കുന്നത്.
ഹൃദയം അടിസ്ഥാനവും, അവയവങ്ങൾ അതിനെ പിന്തുടരുന്നവയുമാണ്
ഹൃദയം അവയവങ്ങളുടെ രാജാവും ഭരണാധികാരിയുമാണ്. അവയവങ്ങൾ അതിന്റെ സൈന്യങ്ങളും, അതിനെ അനുസരിക്കുന്ന പ്രജകളുമാണ്. രാജാവ് നന്നായാൽ പ്രജകളും നന്നാകും. രാജാവ് ദുഷിച്ചാൽ പ്രജകളും ദുഷിക്കും. (ഇബ്നുൽ ഖയ്യിമിന്റെ ബദാഇഉൽ ഫവാഇദ് 3/1147, അദ്ദാഉ വദ്ദവാഅ് 215, മുഖ്തസ്വർ അസ്സ്വവാഇഖ് 596, ഇബ്നു തൈമിയ്യയുടെ അൽ-ഈമാനുൽ ഔസത്വ് 130, 428, മജ്മൂഉൽ ഫതാവ 7/187, 14/114-121 എന്നിവ നോക്കുക).
➖➖➖➖➖➖➖➖
Subscribe Our YouTube Channel:
https://www.youtube.com/c/WisdomMediaChannel
➖➖➖➖➖➖➖➖
അബൂ ഹുറൈറ رَضِيَ اللَّهُ عَنْهُ പറഞ്ഞു: “ഹൃദയം ഒരു രാജാവാണ്, അതിന് സൈന്യങ്ങളുണ്ട്. രാജാവ് നന്നായാൽ അവന്റെ സൈന്യങ്ങളും നന്നാകും. രാജാവ് ദുഷിച്ചാൽ അവന്റെ സൈന്യങ്ങളും ദുഷിക്കും.” (മഅ്മർ തന്റെ ജാമിഇലും (11/221), അബൂ നുഐം അത്ത്വിബ്ബു ന്നബവിയിലും (1/224), ബൈഹഖി ശുഅബുൽ ഈമാനിലും (1/257) ഉദ്ധരിച്ചത്).
ശരീരം ഹൃദയത്തെ പിന്തുടരുന്നതിനാൽ, ഹൃദയത്തിൽ സ്ഥിരപ്പെടുന്ന ഏതൊരു കാര്യവും ഏതെങ്കിലും രൂപത്തിൽ ശരീരത്തിൽ വെളിപ്പെടാതിരിക്കില്ല. അതുകൊണ്ട്, ഹൃദയമാണ് അടിസ്ഥാനം. അതിൽ അറിവും ഉദ്ദേശ്യവുമുണ്ടെങ്കിൽ അത് അനിവാര്യമായും ശരീരത്തിലേക്ക് വ്യാപിക്കും. ഹൃദയം ഉദ്ദേശിക്കുന്ന ഒരു കാര്യത്തിന് വിപരീതമായി ശരീരത്തിന് പ്രവർത്തിക്കാൻ സാധ്യമല്ല. അതുകൊണ്ടാണ് നബി ﷺ ഇപ്രകാരം പറഞ്ഞത്:
أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ
അറിയുക! നിശ്ചയം, ശരീരത്തിൽ ഒരു മാംസപിണ്ഡമുണ്ട്. അത് നന്നായാൽ ശരീരം മുഴുവൻ നന്നായി. അത് ദുഷിച്ചാൽ ശരീരം മുഴുവൻ ദുഷിച്ചു. അറിയുക! അത് ഹൃദയമാണ്. (ബുഖാരി 52, മുസ്ലിം 1599).
➖➖➖➖➖➖➖➖
Like and Follow
Our Facebook page:
https://www.facebook.com/WisdomMediaChannel/
➖➖➖➖➖➖➖➖
ഹൃദയം അതിലുള്ള ഈമാൻ കൊണ്ട് – ഇൽമിലും (അറിവ്) അമലിലും (കർമ്മം) – നല്ലതാണെങ്കിൽ, ശരീരം നന്നാവുക എന്നത് അനിവാര്യമാണ്. അതായത്, നല്ല വാക്കുകളും സൽകർമ്മങ്ങളുമായി ശരീരം ചലിക്കുക എന്നത് അതിന്റെ തേട്ടമാണ്. ഇനി നല്ല സ്വാധീനമൊന്നും വെളിപ്പെട്ടില്ലെങ്കിൽ, അത് ആന്തരികമായ ദുഷിച്ച അവസ്ഥയുടെ തെളിവാണ്! നബി ﷺ പറഞ്ഞു:
’التَّقْوَى هَاهُنَا‘ ‘وَأَشَارَ إِلَى صَدْرِهِ ثَلَاثَ مَرَّاتٍ
“തഖ്വ ഇവിടെയാണ്” – അവിടുന്ന് തന്റെ നെഞ്ചിലേക്ക് മൂന്നു പ്രാവശ്യം ചൂണ്ടിക്കാണിച്ചു. (മുസ്ലിം 2564).
ശരീഅത്തിന്റെ ഉറവിടങ്ങളും ലക്ഷ്യങ്ങളും പരിശോധിക്കുന്ന ഒരാൾക്ക്, അവയവങ്ങളുടെ കർമ്മങ്ങൾ ഹൃദയത്തിന്റെ കർമ്മങ്ങളുമായി എത്രമാത്രം ബന്ധപ്പെട്ടിരിക്കുന്നുവെന്നും, ഹൃദയത്തിന്റെ പങ്കാളിത്തമില്ലാതെ അവയവങ്ങളുടെ കർമ്മങ്ങൾക്ക് പ്രയോജനമില്ലെന്നും മനസ്സിലാകും. അതുപോലെ, അവയവങ്ങളുടെ കർമ്മങ്ങളെക്കാൾ അടിമക്ക് നിർബന്ധമായത് ഹൃദയത്തിന്റെ കർമ്മങ്ങളാണെന്നും അവന് മനസ്സിലാകും.
➖➖➖➖➖➖➖➖➖
Source: Kanzul uloom
#harisbinsaleem #wisdommedia #WisdomIslam
