#ధర్మధ్వజం (హిందు చైతన్య వేదిక) భక్తిసమాచారం ప్రతి రోజు మీకోసం #స్త్రీ గొప్పతనం. మగవా నీకు జోహార్లు. #స్త్రీ #💪స్త్రీ శక్తి👑 *సర్వం 'శక్తి' మయం* *మహిళా దినోత్సవం శుభాకాంక్షలు* *యా దేవీ సర్వభూతేషు చేతనేత్యభిధీయతే* *నమస్తస్త్ర్యీ నమస్తస్త్ర్యీ నమస్తస్త్ర్యీ నమో నమః* 🕉️తల్లిగా లాలించి.. ధర్మపత్నిగా అండనుండి.. నాయకురాలిగా నడిపించి.. శత్రుసంహారిణిగా కాపాడే... స్త్రీమూర్తికి వందనాలు అభివందనాలు. ఈ చరాచర సృష్టికి మూలకారకురాలు, పరిరక్షకురాలు, వినాశకారి, సర్వశక్తిమంతు రాలు, త్రిమూర్తులచే ఆరాధింపబడే దేవత ఆదిశక్తి. ఆ దేవత ఇహలోక ప్రత్యక్షదైవంగా ప్రతి స్త్రీమూర్తిలో నిండి ఉంది. ఆ స్త్రీమూర్తిని ఏ విధంగా ఆరాధిస్తే ఆ విధంగా ప్రసన్నమై అనుగ్రహించే కరుణామూర్తి. 🕉️ఆది నుండి స్త్రీకి అగ్ర స్థానమే. ఆదిదేవుడైన మహాదేవుడు ప్రణవం అయితే ఆ ప్రణవానికి చైతన్యమే ఆదిపరాశక్తి. చైతన్యం లేని రూపం జడ త్వంతో సమానం. చైతన్యం లేని అణువు ఉన్నా లేకున్నా ఒక్కటే. _ప్రాణ శక్తి ఉన్న శరీరం శివం_ ప్రాణశక్తి లేని శరీరం శవం- ఇది గ్రహించిన శంకరుడు తన శరీ రంలో అర్ధభాగాన్ని పార్వతితో కలుపుకొని తను శక్తివంతుడైనాడు. యోగీశ్వరుడు కనుక స్త్రీ యోగంలో ఉండే అద్భుతతత్త్వాన్ని తెలుసుకొని సృష్టికారకుడయ్యాడు, ఆద్యంతరహితుడయ్యాడు. విష్ణుమూర్తి లక్ష్మీదే విని తన హృదయస్థానంలో నిలుపుకుని హృద్క్మలవాసి అయ్యి వేనోళ్ల కొనియాడబడుతున్నాడు. బ్రహ్మ సరస్వతికి తన తొడస్థానం ఇచ్చి పరబ్రహ్మ అయ్యాడు. _విద్యనొసగు వింధ్య విజయంబుల నొసగు వీరనారి_ _విజయలక్ష్మిగా క్రాంతి పధం చూపు శక్తివి నీవే॥_ విద్యతో తెలవితేటలను ఇచ్చే సరస్వతీదేవిగా, ధనంతో జగత్తును ఆడించే లక్ష్మీదేవిగా, శక్తితో శత్రుసంహారంతో విజయాన్నిచ్చే దుర్గాదేవిగా ఈ ముగ్గురి దేవతల కనుసన్నల్లోనే కదా జగము యావత్తు నడుస్తు న్నాయి. ఈ ముగురమ్మల మూలశక్తిని గ్రహించి, త్రిమూర్తులు సృష్టి, స్థితి, లయ కారకులయ్యారు. పూజ్యనీయులు అయ్యారు. "యత్రనా ర్యంతు పూజ్యంతే రమంతే తత్ర దేవతా" స్త్రీని పూజించి, గౌరవించిన వారు సకల సంపదలతో తుల తూగుతున్నారు. బహుభార్యత్వం ఉన్న ఆ కాలంలో శ్రీరాముడు ఏకపత్నీ వ్రతుడై భార్యకు ప్రాధాన్యతనిస్తూ (స్త్రీ), ప్రేమిస్తూ ఈనాటి భార్యభర్తల మనుగడకు ఆదర్శనీయుడైనాడు. ''స్త్రీ' గొప్పతనం తెలియని అధములు గౌరవహీనులై తుదకు హీనా తిహీనమైన చావును కొని తెచ్చుకుంటున్నారు. అందుకు తార్కాణంగా బ్రహ్మర్షి రావణాసురుడు సీతమ్మను అపహరించటంతో అమృత బాండం కలిగిన అతనికి చావు తప్పలేదు. అష్టదిక్పాలకుడైన ఇంద్రుడు స్త్రీలోలుడగుటచే పూజార్హత కోల్పోయాడు. బ్రహ్మర్షి విశ్వామిత్రుడు అన్ని అరిషడ్ వర్గాలలో ఒక్కోక్కదానిని జయించుకుంటూ వచ్చి పరస్త్రీ అయిన మేనక వంటి స్త్రీ సాంగత్యంతో బ్రహ్మర్షి అవ్వటానికి కొన్ని వేల సంవత్సరాలు పట్టింది. చంద్రుడు పతి ధర్మాన్ని వీడి కామికుడైనందుకు దక్షుని శాపానికి గురై క్షయవ్యాధిగ్రస్తుడవుతాడు. సర్వ ప్రాణికోటికి ఆధారభూతమైంది శక్తి. ఈ విషయం జగద్విదితం. అష్ట ప్రకృతి రూపంగా పరదేవత తల్లిగా, సోదరిగా, సఖురాలిగా ఒక్కొ క్కరిని ఒక్కో విధంగా రక్షిస్తున్నది. దీనికి ప్రకృతే ఉదాహరణ. అనగా 'శివశక్తియు యుక్తోయది భవిత' అన్న శంకరాచార్య శ్లోకం భావంగా, మంగళ స్వరూపిణి అయిన 'స్త్రీ- ప్రకృతి'కి రక్షణ చేసినట్లయితే మన మాతృమూర్తిని మనం రక్షించినట్లే. ఎక్కడ స్త్రీ రక్షింపబడుతుంతో అక్కడ దేవతలు నివసిస్తారు. ఈ విధంగా మన సనాతన సంప్రదాయాలలో (భారతీయ సంస్కృతిలో) స్త్రీని గౌరవించటం అనేది మన రక్తంలోనే ఉంది. ప్రేమించడం తప్ప, ద్వేషించడం తెలియని ప్రకృతి స్వరూపం స్త్రీ. ఉదాహరణకు తల్లి, భార్య, కూతురు, కోడలు.. ఇలా అనేక రూపాల్లో ప్రేమతో సేవ చేస్తుంది. ఇవి కాదనలేని సత్యాలు. ఒక బిడ్డ ఉన్నతికి తల్లి కారణం. ఒక సోదరుడి ఉన్నతికి సోదరి కారణం... ఈ విధమైన అను బంధాలు, సంస్కృతి కలిగిన దేశం భారతదేశం. #స్త్రీ గొప్పతనం ( మగువా మగువా లోకానికి తెలుసా నీ విలువా...)