உனக்காக எதையும் இழக்கத் துணிந்த ஒருத்தியை, இன்று உருக்குலைந்து போகச் செய்த பெருமை உன்னையே சாரும், தன் அமைதி, தன் கனவுகள், ஏன்... தன் சுயத்தையே உனக்காக அடகு வைத்தவள் அவள்... உன் ஒரு சிறு புன்னகைக்காக உலகத்தையே எதிர்த்து நிற்கத் துணிந்தவளை, இன்று ஒரு மூலையில் முடங்கச் செய்துவிட்டாய், இவ்வளவு காயங்களுக்குப் பிறகும், இப்போதும் கூட உனக்கு நல்லது நடக்க வேண்டும் என்று அவள் நினைப்பதுதான் அவளது பலவீனம் என்று நீ நினைக்கலாம், ஆனால், அதுதான் அவளது அன்பின் உன்னதம்... சற்று சிந்தித்துப் பார்... நீ எதைச் சாதித்தாய் என்று... நம்பிக்கையைக் கொன்றாய், இனி ஒருபோதும் யாரையும் முழுமையாக நம்ப முடியாதபடி அவளை மாற்றிவிட்டாய், ஒவ்வொரு அன்பான சொல்லுக்குப் பின்னாலும் ஒரு சூழ்ச்சி இருக்குமோ என்று அவளை அஞ்ச வைத்திருக்கிறாய்... சிரிப்பைப் பறித்தாய், ஒரு காலத்தில் எதற்கும் கவலைப்படாமல் கலகலவெனச் சிரித்த அந்தப் பெண்ணின் கண்களில், இன்று ஒருவிதமான வெறுமையும், சொல்ல முடியாத வலியும் மட்டுமே மிச்சமிருக்கிறது... தனிமையைத் தந்தாய், கூட்டத்தில் இருந்தாலும் அவள் இன்று தனிமையில் தவிக்கிறாள், நீ சொன்ன ஒவ்வொரு பொய்யும், செய்த ஒவ்வொரு துரோகமும் அவளது காதுகளில் இப்போதும் ரீங்காரமிட்டுக் கொண்டே இருக்கின்றன... நீ அவளைக் காயப்படுத்தியதை ஒரு சாதனையாகக் கருதலாம், நீ நிம்மதியாக உறங்கலாம், எதைப் பற்றியும் கவலைப்படாமல் உன் வாழ்க்கையைத் தொடரலாம், ஆனால் அவளோ, நனைந்த தலையணையோடு தன் வலிகளை யாரிடமும் சொல்ல முடியாமல், சிதைந்து போன தன் இதயத்தின் துண்டுகளை ஒவ்வொன்றாகப் பொறுக்கிக் கொண்டிருக்கிறாள்... நான் செய்த தவறு என்ன, என்ற கேள்விக்கு விடை தெரியாமல் ஒவ்வொரு இரவும் நரகத்தை அனுபவிக்கிறாள்... ஆனால் ஒன்று மட்டும் நினைவில் இருக்கட்டும்... இந்த வெற்றி நிரந்தரமல்ல, இது ஒரு வெற்று வெற்றி, நீ அவளை உடைத்திருக்கலாம், ஆனால் அவளை அழித்துவிட முடியாது, ஒரு பெண் சிதைக்கப்படும்போதுதான், அவள் தன் உண்மையான பலத்தை உணர்கிறாள், இன்று அவள் சிந்தும் ஒவ்வொரு துளியும் அவளை வைரம் போல உறுதிப்படுத்தும்... இந்த வலியிலிருந்து அவள் மீண்டு வரும்போது, அவள் பழைய பெண்ணாக இருக்கமாட்டாள், எதற்கும் அசையாத, எதற்கும் கலங்காத ஒரு பேராற்றலாக உருவெடுப்பாள், அன்று நீ செய்த துரோகங்கள் அவளைப் பாதிக்காது, மாறாக அவளுக்கு ஒரு மிகப்பெரிய பாடமாக இருக்கும்... வாழ்த்துகள்... நீ அவளை உடைத்தாய், ஆனால், அவள் தன்னைத் தானே மீண்டும் செதுக்கிக் கொள்வாள்...✍️ மனால்றியா அம்மு #😍எமோஷனல் ஸ்டேட்டஸ் #👌அருமையான ஸ்டேட்டஸ் #🚹உளவியல் சிந்தனை #😍மனதை தொடும் ஸ்டேட்டஸ்