#😲ખેડૂતને જીવતો સળગાવ્યો, VIDEO,આંકલાવ તાલુકાના અંબાવ ગામે શનિવારની સાંજે બનેલી ઘટનામાં ગામના મહિલા સરપંચ, તેમના પતિ, બે દિકરા અને ભત્રીજાએ ભેગા મળી તેમના વિરુદ્ધ ભ્રષ્ટાચારની અરજીઓ કરનાર તથા વિડીયોમાં ઈન્ટરવ્યુ આપનાર ૫૧ વર્ષીય પ્રૌઢને પકડીને ગામની વચ્ચેની મારતાં મારતા ચોરા પાસે લઈ જઈ પેટ્રોલ છાંટી જીવતા સળગાવ્યા હતા. જેમની આગ બુઝાવવા જતા પ્રૌઢના બે પુત્રો પણ દાઝ્યા હતા. આ બનાવે સમગ્ર પંથકને હલબલાવી મુક્યો છે. ગંભીર રીતે દાઝેલા બે જણાંને વડોદરાની હોસ્પિટલમાં સારવાર માટે દાખલ કરવામાં આવ્યા છે. આંકલાવ તાલુકાના અંબાવ ગામે અમરાદેવ મંદિર પાછળ ભરતભાઈ ફુલસિંહ પરમાર (ઉ.વ.૫૧) પોતાના પરિવાર સાથે રહે છે અને ખેતીકામ કરે છે. બે મહિના પહેલાં તેમણે ગામના સરપંચ કોકીલાબેન દિનેશભાઈ પઢીયાર કે જેમના કાર્યકાળમાં મોટો ભ્રષ્ટાચાર થયો હોઇ તેમણે આણંદ જિલ્લા વિકાસ અધિકારી, આંકલાવ તાલુકા વિકાસ અધિકારી, વિકાસ કમિશ્નર અને મુખ્યમંત્રીને અરજી કરી હતી. રવિવારે ભરતભાઇ ગામમાં હતા આ સમયે એક ઈકો ગાડી તેમની પાછળ આવીને ઉભી રહી હતી. જેમાં સરપંચ કોકીલાબેન દિનેશભાઈ પઢીયાર, તેમના પતિ દિનેશ ચંદુભાઈ પઢીયાર તેમનો પુત્ર રાજેશ ઉર્ફે પોપટ તથા નિલેશ પઢીયાર આ ઉપરાંત તેમના ભાઈ અશોકનો દિકરો હતા. આ લોકો ગાડીમાંથી ઉતરી ગાળો બોલી કહેવા લાગ્યા કે, તેં અમારા વિરુદ્ધ જિલ્લા વિકાસ અધિકારી, તાલુકા વિકાસ અધિકારી, વિકાસ કમિશ્નર અને મુખ્યમંત્રીને ભષ્ટાચાર બાબતની અરજી કેમ કરી છે. ત્યારે ભરતભાઈએ કહ્યું કે, તમે ભષ્ટાચાર કર્યો છે તેમાં નવાઈ શી છે. આવો જવાબ મળતાની સાથે જ પાંચેય જણાએ ભરતભાઈને ગડદાપાટુનો માર મારવાનું શરુ કર્યું હતું અને પછી તેમને મારતા મારતા ગામના ચોરા પાસે લઈ ગયા હતા, જ્યાં કોકીલાબેન સરપંચે તેમને પાછળથી પકડી લીધા હતા જ્યારે તેમનો મોટો દિકરો નિલેશ ગાડીમાંથી એક ગેલન કાઢી લાવ્યો અને ભરતભાઈ ઉપર પેટ્રોલ છાંટ્યુ હતું જ્યારે આ વખતે રાજેશ ઉર્ફે પોપટે દીવાસળી કાઢી અને સળગાવી દીધી. આ વખતે દિનેશભાઈ અને તેમનો ભત્રીજાે બોલ્યો આજે તને જીવતો છોડવાનો નથી તેવી ધમકી આપી હતી. આ સમયે ભરતભાઈનો દિકરો કૈવલ દોડીને આવ્યો હતો. તેણે જાેયું તો તેના પિતા સળગી રહ્યા હતા. એટલે તેણે પિતાની આગ ઓલવવાનો પ્રયાસ કર્યો જેમાં તે દાઝી ગયો. તરત જ તેમનો બીજાે દિકરો કરુણેશ પણ દોડી આવ્યો અને પિતાને બચાવવા લાગ્યો. તે પણ સામાન્ય દાઝી ગયો હતો. જેમને તરત જ ખાનગી વાહનમાં સખત રીતે દાઝી ગયેલા ભરતભાઈને આંકલાવ સરકારી દવાખાનામાં લઈ જવામાં આવ્યા હતા, જ્યાં પ્રાથમિક સારવાર આપીને તાત્કાલિક વડોદરા એસએસજી હોસ્પિટલમાં લઈ જવાયા હતા. જ્યાં ભરતભાઈ અને કૈવલને અલગ અલગ વોર્ડમાં દાખલ કરવામાં આવ્યા હતા. બનાવને પગલે દોડી ગયેલી આંકલાવ પોલીસે ભરતભાઈએ પોલીસને નિવેદન લખાવ્યું હતું. જેમાં તેમણે જણાવ્યું હતું કે ગામના ચંદ્રકાન્ત અમરસિંહ સાથે આ લોકોએ તા. ૨ ના રોજ સંદેશો મોકલાવ્યો હતો કે ભરત તેમજ ગીરીશ અને મનોજને કહી દેજે કે અમારા વિરુદ્ધ ખોટી અરજીઓ કરે નહીં, નહિ તો જાેવા જેવી થશે. સરપંચ કોકીલાબેનના પતિ દિનેશભાઈએ અજયભાઈ અને ઈશ્વરભાઈ, મનુભાઈ મેલાભાઈ અને ભલુભાઈ શનાભાઈને કહ્યું હતું કે, ભગતડા ભરતને કહી દેજાે કે અમારામાં ખોટી દખલગીરી ના કરે નહિ તો પિક્ચર પુરું કરી દઈશું તેવી ધમકી પણ મોકલાવી હતી. આંકલાવ પોલીસે પાંચ વ્યક્તિઓ વિરુદ્ધ ગુનો દાખલ કર્યો હતો. #આણંદ #🔥 બિગ અપડેટ્સ #🗞️ ગુજરાત અપડેટ્સ #📽 લેટેસ્ટ અપડેટ વીડિયો