*३१ मार्च इ.स.१६५९ विशाळगड छत्रपती शिवरायांनी इ.स.१६५९ मध्ये हा किल्ला जिंकला व याचे नामकरण केले विशाळगड ! विशाळगड हा मराठ्यांच्या देदीप्यमान इतिहासातील एका अचाट पराक्रमाचा साक्षीदार आहे आणि तो म्हणजे महाराजांची आदिलशाही सरदार सिद्दी जौहर याने टाकलेल्या पन्हाळगडाच्या वेढ्यातून सुटका ! आणि यासाठी अवघे ३०० मावळे घेऊन आठ तासांहूनी अधिक काळ हजारोंच्या फौजेला गजापूरच्या खिंडीत थोपवून धरणारे वीररत्न बाजीप्रभु देशपांडे यांच्या अद्वितीय पराक्रमाचा ! पुढे छ. शिवरायांच्या मृत्यूनंतर छ. संभाजीराजांनी विशाळगडावर बराचसा काळ व्यतीत केला. त्यांनी या किल्ल्याची डागडुजी तसेच पुनर्बांधणीकडे विशेष लक्ष दिले म्हणूनच आज आपल्याला विशाळगड हा किल्ला दिसत आहे.* *३१ मार्च इ.स.१६६५ "मिर्झाराजे जयसिंग" व "दिलेरखान पठाण" किल्ले पुरंदरच्या पायथ्याशी दाखल. त्यांनी पुरंदर किल्ल्याला वेढा घातला आणि ऐतिहासिक पुरंदरचा रणसंग्राम चालू झाला.* #🙏शिवदिनविशेष📜