*।।ଓଁ ଶ୍ରୀ ଗଣେଶାୟ ନମଃ।।* *ସଂକଟନାଶକ ଗଣେଶ ସ୍ତୋତ୍ରମ୍* ପ୍ରଣମ୍ୟ ଶିରସା ଦେଵଂ ଗୌରୀପୁତ୍ରଂ ଵିନାୟକମ୍ । ଭକ୍ତାଵାସଂ ସ୍ମରେନ୍ନିତ୍ୟ ମାୟୁଃକାମାର୍ଥସିଦ୍ଧୟେ ॥ ୧॥ ପ୍ରଥମଂ ଵକ୍ରତୁଣ୍ଡଂ ଚ ଏକଦନ୍ତଂ ଦ୍ଵିତୀୟକମ୍ । ତୃତୀୟଂ କୃଷ୍ଣପିଙ୍ଗାକ୍ଷଂ ଗଜଵକ୍ତ୍ରଂ ଚତୁର୍ଥକମ୍ ॥ ୨॥ ଲମ୍ବୋଦରଂ ପଞ୍ଚମଂ ଚ ଷଷ୍ଠଂ ଵିକଟମେଵ ଚ । ସପ୍ତମଂ ଵିଘ୍ନରାଜେନ୍ଦ୍ରଂ ଧୂମ୍ରଵର୍ଣଂ ତଥାଷ୍ଟମମ୍ ॥ ୩॥ ନଵମଂ ଭାଲଚନ୍ଦ୍ରଂ ଚ ଦଶମଂ ତୁ ଵିନାୟକମ୍ । ଏକାଦଶଂ ଗଣପତିଂ ଦ୍ଵାଦଶଂ ତୁ ଗଜାନନମ୍ ॥ ୪॥ ଦ୍ଵାଦଶୈତାନି ନାମ୍ନାନି ତ୍ରିସନ୍ଧ୍ୟଂ ଯଃ ପଠେନ୍ନରଃ। ନ ଚ ଵିଘ୍ନଭୟଂ ତସ୍ୟ ସର୍ଵସିଦ୍ଧିକରଃ ପ୍ରଭୁଃ ॥ ୫॥ ଵିଦ୍ୟାର୍ଥୀ ଲଭତେ ଵିଦ୍ୟାଂ ଧନାର୍ଥୀ ଲଭତେ ଧନମ୍ । ପୁତ୍ରାର୍ଥୀ ଲଭତେ ପୁତ୍ରାନ୍ମୋକ୍ଷାର୍ଥୀ ଲଭତେ ଗତିମ୍ ॥ ୬॥ ଜପେଦ୍ଗଣପତିସ୍ତୋତ୍ରଂ ଷଡ୍ଭିର୍ମାସୈଃ ଫଳଂ ଲଭେତ୍ । ସଂଵତ୍ସରେଣ ସିଦ୍ଧିଂ ଚ ଲଭତେ ନାତ୍ର ସଂଶୟଃ ॥ ୭॥ ଅଷ୍ଟଭ୍ୟୋ ବ୍ରାହ୍ମଣେଭ୍ୟଶ୍ଚ ଲିଖିତ୍ଵା ଯଃ ସମର୍ପୟେତ୍ । ତସ୍ୟ ଵିଦ୍ୟା ଭଵେତ୍ସର୍ଵା ଗଣେଶସ୍ୟ ପ୍ରସାଦତଃ ॥ ୮॥ ।।ଇତି ଶ୍ରୀନାରଦପୁରାଣେ ସଂକଟନାଶନଂ ଗଣେଶସ୍ତୋତ୍ରଂ ସମ୍ପୂର୍ଣମ୍ । #🤲ଜୟ ଶ୍ରୀ ଗଣେଶ