“எனக்கு வாழ்க்கையில ஏகப்பட்ட பிரச்சனை..!" என்று அடிக்கடி சொல்லிக் கொண்டு, நாம், பெரும்பாலும், துயரத்தில் அமிழ்ந்து விடுகிறோம் அல்லவா..? இதற்கு தீர்வு இருக்கிறதா...? மேனேஜ்மெண்ட் அக்கவுண்டிங்கில், 'ZERO-BASED BUDGETING' என்ற ஒரு கான்செப்ட் உண்டு..! பொதுவாய் கவர்மெண்ட்டில்/பெரிய கம்பெனிகளில், Project-களுக்கு, ஐந்து வருடங்களுக்கான பட்ஜெட் போடுவார்கள்..! 'மொத்த Amount இது..' என்றும், வருஷா வருஷம் இவ்வளவு Amount ஒதுக்கப்பட வேண்டும் என்றும் திட்டமிடுவார்கள்..! Project-ல், கூடுதல் செலவு item வந்தால், கூடுதல் அமௌண்ட் ஒதுக்கப்பட வேண்டும்..! அதாவது முதலில் இருந்த பட்ஜெட் மேலேயே அடுக்கிக் கொண்டே போவது..! இது - ‘சாதாரண BUDGETING’…! ‘ZERO-BASED BUDGETING’ என்ன..? நாம் போன வருடம் போட்ட பட்ஜெட் இப்போது Relevantதானா..? ஒரு வருடத்தில், டிசைனில்/விலைகளில் மாற்றங்கள் வந்திருக்கிறதா..? ஏன், மாறிவிட்ட Priority-களில், இந்த ப்ராஜெக்ட்டை தொடர்வதே தேவைதானா என்பதைக் கூட மறுபடியும் ‘அடியிலிருந்தே’ மறுசீராய்வு செய்வது..! (Ex: மோனோ ரயில் ப்ரொஜெக்ட்..!) பழைய யோசனையை, ‘BASE’ஸாக எடுத்துக் கொள்ளாமல், மறுபடியும் யோசி...! இதுதான் ‘ZERO-BASE’ தத்துவம்..! நாம் “ஏகப்பட்ட பிரச்சனை..!’ என்று சொல்வது ‘சாதாரண பட்ஜெட்’ போன்றது…! சில பிரச்சனைகள் தீர்வாகாமல் இருக்கின்றன; அதற்குள், அடுத்தது, அடுத்தது என்று சேரும்போது, நாம், “ஏகப்பட்ட பிரச்சனை..!” என்று அயர்ந்து போய், ஓய்ந்து விடுகிறோம்..! பிரச்சனைகளில் மூன்று வகை : 1. நாம் முயன்றாலும் & முயலாவிட்டாலும், ஏதோ ஒரு குறிப்பிட்ட வகையில் தீர்வாகி விடும் என்று தெரிவது..! 2. இதற்கு தீர்வே இல்லை அல்லது கிடைக்காது என்று தெரிவது..! 3. முயன்றால் நல்ல தீர்வு கிடைக்கக் கூடியது…! வாழ்க்கையில், மனச்சோர்வடையும் போதோ, அல்லது, ஒரு வருடாந்திர வேலையாகவோ, ‘ZERO-BASED BUDGETING’ மாதிரி, நாம், நம் பிரச்சனைகளை ‘ZERO-BASED ANALYSIS - மறு சீராய்வு’ செய்வது உசிதம்..! செய்தால், சில பிரச்சனைகள் அவைகளாகவே தீர்வாகிவிடும் என்பதும், சில ‘தீர்வே இல்லாதவை’ என்பதும் புரியும்..! அவற்றை நம் எண்ணங்களிலிருந்து அறவே அகற்றி விட்டால், தீர்வு இருக்கும் பிரச்சனைகளை இனம் கண்டு, அவற்றின் தீர்வுக்கு, தெளிவோடு நாம் செயல்பட உத்வேகம் கிடைக்கும்..! இல்லையெனில், மொத்த பிரச்சனைகளின் கனத்தில், மிகுந்த மனச்சோர்வு அடைவோம்..! ZERO-BASED ANALYSIS – நம் பிரச்சனைகளின் மறுசீராய்வு – வாழ்க்கைக்கு தேவையான ஒன்றுதானே..? என்ன நினக்கிறீர்கள்..? #🤔தெரிந்து கொள்வோம்