Part 15
കിടക്കാൻ കയറിയതും ചെറിയമ്മ വന്ന് കതക് അടക്കണ്ട എന്നും പറഞ്ഞ് പോയി. അത് കേട്ടതും ഒന്ന് നിശ്വസിച്ച് കൊണ്ട് വാതിൽ ചാരി വെച്ച് വന്ന് കിടന്ന്.
തലയിണയിൽ മുഖം അമർത്താൻ കാത്തിരുന്ന പോലെ കണ്ണുനീർ ഒഴുകി കൂടി. ഇനി തന്റെ ജീവിതത്തിൽ എന്തൊക്കെയാ നടക്കാൻ പോകുന്നത് എന്ന് അറിയാതെ നെഞ്ചകം വിങ്ങി പോയി.
______________________________________________
ദിവസങ്ങൾ വീണ്ടും കടന്ന് പോയി. ഇന്നാണ് കല്യാണ തലേന്ന്.
വിവരം വിശദീകരിച്ച് പറഞ്ഞില്ലെങ്കിലും ഒരു സൂചന കൊടുത്തത് കൊണ്ട് പിറ്റേന്ന് തന്നെ അമ്മമ്മ വന്നു. എല്ലാം കേട്ട് കഴിഞ്ഞതും ആദ്യം അവർക്ക് ഒരു ഞെട്ടൽ ആയിരുന്നു പതിയെ അത് പൂനിലാവ് ഉദ്ധിച്ച തിളക്കത്തിലേക്ക് മാറി അവരുടെ മുഖം.
തന്നെ പറഞ്ഞ് വിടാൻ മറ്റാരെക്കാളും ഉത്സാഹം അമ്മമ്മയ്ക്ക് ആയിരുന്നു, അച്ഛന്റെയും ചെറിയമ്മയുടെയും കല്യാണം കഴിഞ്ഞപ്പോൾ മുതൽ തന്നെ ആദ്യം കുത്തി നോവിച്ച് തുടങ്ങിയത് അമ്മമ്മ ആണ്.
അപ്പൊ ഇതുപോലെ ഒരു ബന്ധം അതും ഇങ്ങോട്ട് പൈസ കിട്ടുക കൂടി ചെയ്തപ്പോൾ അതിന്റെ എല്ലാ ഉത്സാഹവും പിന്നീട് അങ്ങോട്ട് അവരുടെ പ്രവർത്തിയിൽ ഉണ്ടായിരുന്നു.
അന്ന് അച്ഛൻ വന്നതും കല്യാണത്തിന് തുണി എടുക്കാൻ പോണം എന്ന് ചെറിയമ്മ ഓർമിപ്പിച്ചതും എല്ലാർക്കും ഒന്നിച്ച് പോകാം എന്ന് പറഞ്ഞ അച്ഛനെ
' അവളെ കൊണ്ട് പോയാൽ അവൾ രക്ഷപെടാൻ ശ്രെമിച്ചാലോ, ഞാൻ യാത്ര കഴിഞ്ഞ് വന്നതല്ലേ ഉള്ളു എനിക്ക് അത് കൊണ്ട് തന്നെ വരാൻ കഴിയില്ല എന്നെ നോക്കാൻ എന്ന വ്യാജേഞ്ഞെ ഇവിടെ നിർത്തിയ മതി. ലെച്ചു മോൾ ഉണ്ടല്ലോ അവൾ എടുത്തോളും ഗൗരിക്ക് '
എന്ന് പറഞ്ഞ് മുടക്കം ഇട്ടതും അമ്മമ്മ തന്നെയാണ്. അത് താൻ പ്രദീക്ഷിച്ചത് ആയതിനാൽ തന്നെ വലിയ അത്ഭുതം ഒന്നും തോന്നിയില്ല.
പണ്ടും അത് അങ്ങനെയാണ് എവിടെ എങ്കിലും പോകാൻ എന്ന് അച്ഛൻ പറയുമ്പോൾ എന്തെങ്കിലും കാരണം ഉണ്ടാക്കി തന്നെ അവിടെ പിടിച്ച് നിർത്തി അവരെ മൂന്ന് പേരെയും വിടും. അവർക്ക് ഇടയിൽ താനാണ് അതികപറ്റ് എന്ന് കാണിച്ച് തരുന്നത് പോലെ.
അല്ല അത് നേരിട്ട് പറഞ്ഞിട്ടും ഉണ്ട്. ആദ്യം ഒക്കെ അച്ഛൻ എന്തെങ്കിലും പറഞ്ഞ് തന്നെയും കൊണ്ട് പോകും എന്ന പ്രദീക്ഷ ഉണ്ടായിരുന്നു എങ്കിലും പതിയെ പതിയെ അതും ഇല്ലാണ്ടായി.
എന്നാൽ ഇതുപോലെ ഒരു കല്യാണത്തിന് തനിക്ക് തുണി എടുക്കണം എന്ന് ചെറിയമ്മ പറഞ്ഞത് തന്നിൽ ചെറുതല്ലാത്ത ഒരു അത്ഭുതം ആണ് സൃഷ്ടിച്ചത്. അറവുമാടിനോട് ഉള്ള സഹതാപം ആയിരിക്കും. സ്വയം നിന്ദിച്ചു.
അവർ തനിക്ക് ഒരു സെറ്റ് സാരീ ആണ് കൊണ്ട് തന്നത് കൂടെ ചുമന്ന ബ്ലൗസ് പീസും. രണ്ട് വെട്ടം ഉദ്ക്കുമ്പോൾ പിഞ്ചി പോകുന്ന അത്ര കുറഞ്ഞ തുണി ആണ് അത്.
ബ്ലൗസ് അടുത്തുള്ള ചേച്ചിയെ കൊണ്ട് പിറ്റേന്ന് തന്നെ തായ്പ്പിച്ച് വേടിച്ചു.
ഈ കഴിഞ്ഞ ദിവസങ്ങളിൽ എല്ലാം അടുക്കളയിൽ അങ്ങനെ കാര്യമായിട്ടുള്ള പണി ഒന്നും ചെയ്യിപ്പിച്ചില്ലെങ്കിലും അതിനും വേണ്ടി ഒന്ന് ഇരിക്കാൻ പോലും സമ്മതിക്കാതെ ചക്ര ശ്വാസം വലിപ്പിക്കൽ ആയിരുന്നു അമ്മാമയുടെയും ചെറിയമ്മയുടെയും ചേച്ചിയുടെയും പ്രധാന പണി.
ഇപ്പൊ അച്ഛന്റെ മനോഭാവം കൂടി അറിഞ്ഞതോടെ അത് ഇരട്ടി ആയി.
അവരുടെ ഇതുവരെ ഉള്ള എല്ലാ തുണിയും അലക്കിപ്പിച്ചും, അതിൽ ഇത് വരെ ഉപയോഗിക്കാത്തതും , ഇനി ഉപയോഗിക്കാൻ കഴിയാത്തതും ആയ തുണികൾ വരെ ഉണ്ടായിരുന്നു.
അത് കഴിഞ്ഞിട്ട ആ കഴുകിയ തുണികൾ ഒക്കെയും തേച്ച് മടക്കി വെക്കണം.
ഇതിന് ഒക്കെ പുറമെ വീട്ടിലെ കർട്ടൻ, ബെഡ് ഷീറ്റ്, ബ്ലാങ്കറ്റ്, ഇതും കഴുകി മടക്കി വെക്കണം. ബ്ലാങ്കറ്റ് ഒക്കെ നനഞ്ഞ് വരുമ്പോ വല്ലാത്ത ഭാരം ആണ് അത് ഒന്ന് നൂത്ത് എടുത്ത് വരുമ്പോഴേക്കും താൻ ആകെ തളർന്നിട്ടുണ്ടാവും.
പിന്നെ ദിവസവും വീട് മുഴുവൻ തൂത്ത് തുടച്ച് ഇടീപ്പിച്ചും വീടിന് പുറത്ത് മുഴുവൻ തൂപ്പിച്ചും. ഇടക്ക് വീടിന് പുറക് വശം മുഴുവൻ മമ്മട്ടി കൊണ്ട് ഉഴുത് ഇടീപിച്ചു. അതും നട്ടുച്ചക്ക്.
അതിന് ഇടക് ഒന്ന് ദാഹിച്ച് വെള്ളം കുടിക്കാൻ വന്നപ്പോൾ ആ പണി തീരാതെ ഒരു തുള്ളി വെള്ളം പോലും തരില്ലെന്ന് പറഞ്ഞ് തന്നെ ആട്ടി പായിച്ച്.
ഈ പണി ഒക്കെ ചെയ്യിപ്പിച്ചാൽ പോലും നേരെ ചൊവ്വേ തനിക്ക് ഭക്ഷണം കിട്ടുന്നുണ്ടായിരുന്നില്ല. അവർക്ക് വേണ്ടി ഉള്ളത് മാത്രേ ചെറിയമ്മ ഉണ്ടാകാറുള്ളു അതിൽ മിച്ചം വരുന്നത് തനിക്കും.
ഈ കഴിഞ്ഞ ദിവസങ്ങൾ കൊണ്ട് തന്നെ വിശപ്പ് എന്തെന്ന് താൻ അത്രയും അധികം അറിഞ്ഞിരുന്നു.
പട്ടിണി കിടന്ന് തനിക്ക് ശീലം ഉണ്ട് പച്ച വെള്ളം മാത്രം കുടിച്ച് തള്ളി നീക്കിയ ദിവസങ്ങളും തനിക്ക് ഉണ്ടെങ്കിലും അന്ന് അടുക്കള ജോലി ഉണ്ടായിരുന്നത് കൊണ്ട് അനാവശ്യമായി ഇത്തരം പണി ഒന്നും ചെയ്യിപ്പിക്കാത്തത് കൊണ്ട് തനിക്ക് ഓരോ ദിവസവും തള്ളി നീക്കാൻ കഴിയുമായിരുന്നു.
ഇതിനൊക്കെ പുറമെ അമ്മമായുടെയും ചെറിയമ്മയുടെയും ചേച്ചിയുടെയും കാല് മാറി മാറി തിരുമി കൊടുക്കണം.
രാത്രി ഇതെല്ലാം കഴിഞ്ഞ് ഒന്ന് കിടക്കാൻ വരുമ്പോൾ ആയിരിക്കും അമ്മമ്മയ്ക്ക് കാല് തിരുമി കൊടുക്കാൻ പറയുന്നത്. പിന്നെ അമ്മമ്മയുടെ കണ്ണിൽ ഉറക്കം തട്ടുന്നത് വരെ താൻ ഉഴിഞ്ഞ് കൊടുക്കും.
ഇതെല്ലാം കഴിഞ്ഞ് ഒന്ന് നടു നിവർത്തുമ്പോൾ ശരീരത്തിൽ എവിടെ ഒക്കെയോ ഞൊട്ട വീഴുന്ന ശബ്ദം കേൾക്കാം.
ഈ ദിവസങ്ങളിൽ ഒന്നും എന്നെ ഗേറ്റിന് വെളിയിൽ പോലും പോകാൻ അനുദിച്ചിട്ടുണ്ടായിരുന്നില്ല. സാദാരണ എന്നും വൈകിട്ട് അമ്പലത്തിൽ പോയി ഒന്ന് തൊഴുത് വരുന്നത് ആണ്.
അമ്പലത്തിൽ പോകാൻ മാത്രം തനിക്ക് ആ വീട്ടിൽ വിലക്ക് ഇല്ലായിരുന്നു എന്നാൽ ഈ ദിവസങ്ങളിൽ അതും ആയി.
അതിന് രണ്ട് ആയിരുന്നു കാരണങ്ങൾ ഒന്ന് ഞാൻ രക്ഷപെടാൻ നോക്കിയാലോ, ചെറിയമ്മടെ ഭാഷയിൽ പറഞ്ഞ ഞാൻ ഇനി ആരുടെ എങ്കിലും കൂടെ പോയാലോ എന്ന്.
മറ്റൊന്ന് എന്റെ കല്യാണത്തെ കുറിച്ച് ആരും അറിയാതെ ഇരിക്കാൻ, ഇനി അറിഞ്ഞിട്ട് ആരെങ്കിലും ഇതിന് മുടക്കം പറഞ്ഞാലോ, കല്യാണം കഴിഞ്ഞിട്ട് ആകുമ്പോ അത് കുഴപ്പം ഇല്ലല്ലോ.
സത്യം പറഞ്ഞ ഇതിന് ഇടക്ക് കല്യാണം ആണെന്ന് ഉള്ള കാര്യം ഓർക്കാൻ കൂടി തനിക്ക് സമയം കിട്ടിയിരുന്നില്ല എന്ന് പറയുന്നത് ആവും നല്ലത്.
ജീവിതത്തോട് ആകെ ഒരു മടുപ്പ് തോന്നി. ചുറ്റും ഉള്ളവരെ ഒക്കെ ഭയന്ന് അവരുടെ കയ്യിലെ കളിപ്പാവ പോലെ ജീവിക്കുന്നതിൽ.
" ഡീ നിന്നെ അച്ഛൻ വിളിക്കുന്നുണ്ട്. " : ഓരോന്ന് ആലോജിച്ച് രാത്രി എല്ലാരും കഴിച്ച പാത്രം കഴുകി കൊണ്ട് ഇരുന്നപ്പോഴാണ് ചേച്ചി വന്ന് വിളിച്ചത്.
ശ്രദ്ധ ഇവിടെ അല്ലാത്തത് കൊണ്ട് തന്നെ ചേച്ചി വിളിച്ചതും ഒന്ന് അന്തിച്ച് പോയി.
" എന്താടി നോക്കുന്നെ നിന്നെ അച്ഛൻ വിളിക്കുനുണ്ട് എന്ന് അങ്ങോട്ട് വാ " : അതും പറഞ്ഞ് എന്നെ പുച്ഛിച്ച് ചേച്ചി പോയി.
അത് കേട്ടതും ശാരീരത്തിലുയുടെ ഒരു വിറയൽ കടന്ന് പോയത് അറിഞ്ഞു.
ഈ കഴിഞ്ഞ ദിവസങ്ങളിൽ ഒരിക്കൽ പോലും അറിയാതെ പോലും അച്ഛന്റെ മുന്നിൽ പോയി നിന്നിട്ടില്ല. നിൽക്കാൻ ഉള്ള ധൈര്യം തനിക്ക് ഇല്ലായിരുന്നു എന്നതാണ് സത്യം.
എന്തോ അച്ഛന്റെ മുന്നിൽ പോകണം എന്ന് ഓർക്കുമ്പോൾ പോലും ശരീരം വിറച്ച് തുടങ്ങും.
എന്തെല്ലാമോ ആലോജിച്ച് നിന്ന് ഇനിയും പോയില്ലെങ്കിൽ ശെരിയാകില്ല എന്ന് തോന്നിയതും കൈ കഴുകി ഹാളിലേക്ക് നടന്നു.
അങ്ങോട്ട് നടക്കുമ്പോൾ ഹൃദയമിടിപ്പ് കൂടുന്നത് തനിക്ക് അറിയാൻ സാധിച്ചു. എത്രെ ഒക്കെ വേണ്ടെന്ന് വെച്ചിട്ടും അച്ഛന്റെ അന്നത്തെ മുഖഭാവവും സംസാരവും ആണ് ഉള്ളിലേക്ക് ഇരചെത്തുന്നത്.
ഹാളിൽ എത്തിയപ്പോൾ കണ്ടു തന്നെയും കാത്ത് ഇരിക്കുന്നവരെ അമ്മമ്മയിലും ചെറിയമ്മയിലും ചേച്ചിയിലും എന്തോ നേടി എടുത്ത ഭാവം ആണ്.
അച്ഛൻ എന്തോ പറയാൻ വരുന്നു എന്ന് കണ്ടതും പെട്ടന്ന് തല താഴ്ത്തി. എത്രെ ഓക്കേ ആയിട്ടും ആ മുഖത്ത് നോക്കാൻ കഴിയുനില്ല.
" എല്ലാം അടുക്കി വച്ചോ . " : അച്ഛൻ സൗമ്യമായി ചോദിച്ചു.
" ഹ്മ്മ് ഹ്മ്മ് " : തല ഉയർത്താതെ തന്നെ ഇല്ലെന്ന് തല ആട്ടി.
" എന്തേ നാളെ രാവിലെ ഇവിടുന്ന് ഇറങ്ങണം പിന്നെ അതും ഇതും പറഞ്ഞ് ഇങ്ങോട്ട് വരാൻ ഒന്നും കഴിയില്ല, അവന് അതൊന്നും ഇഷ്ടവും അല്ല. അത് കൊണ്ട് ഇന്ന് രാത്രി കിടക്കുന്നതിന് മുൻപ് തന്നെ എല്ലാം എടുത്ത് വെക്കണം. " : അച്ഛൻ തീർത്തും ഗൗരവത്തോടെ പറഞ്ഞു.
അതിനും സമ്മതം എന്നോണം തല കുലുക്കാൻ മാത്രമേ എനിക്ക് കഴിഞ്ഞുള്ളു.
" ഹ്മ്മ് ഞാൻ നിന്നെ വിളിപ്പിച്ചത് മറ്റൊരു കാര്യം പറയാഞ്ഞാണ് " : അമർത്തി മൂളി കൊണ്ട് അച്ഛൻ പറഞ്ഞു.
അത് കേട്ടതും താൻ തല ചെരിച്ച് അച്ഛനെ നോക്കിയതും എന്നിൽ തന്നെ കണ്ണ് നട്ടു നോക്കുന്നത് കണ്ടതും പേടിയോടെ തല താഴ്ത്തി.
" അവൻ ഒന്നും ചോദിച്ചില്ല എങ്കിലും നിനക്ക് എന്തെങ്കിലും തരേണ്ടത് എന്റെ മര്യാദ ആണല്ലോ, ഒരു പെണ്ണിനെ കെട്ടിച്ച് വിടുമ്പോൾ അങ്ങനെ കുറെ ആചാരങ്ങൾ ഉണ്ടല്ലോ.
എന്തൊക്കെ ആണെങ്കിലും രേവതിയുടെ സ്വർണ്ണത്തിൽ നിനക്ക് തന്നെ ആണലോ അവകാശം. അത് കൊണ്ട് തന്നെയാ നിനക് പ്രത്യേകിച്ച് വേറെ ഒന്നും എടുക്കാഞ്ഞതും.
പക്ഷെ എങ്കിൽ ഇപ്പൊ സരസ്വതി പറഞ്ഞപ്പോഴാ അത് വേണ്ടെന്ന് തോന്നി. അവൻ കണ്ട കള്ള് കുടിക്കാനും ചീട്ട് കളിക്കാനും ഇതൊക്കെ വിറ്റ് പെറുക്കില്ല എന്ന് ആര് കണ്ടു.
എന്റെ രേവുന്റെ ഓർമ ആയിട്ട് എന്റെ കയ്യിൽ ഇപ്പൊ അത് മാത്രേ ഉള്ളു. അത് ഇങ്ങനെ കണ്ണിൽ കണ്ടവർക്ക് വിറ്റ് ജീവിക്കാൻ ഞാൻ തരുത്തും ഇല്ല.
അത് കൊണ്ട് തന്നെ ആ ഒരു അവകാശം ചോദിച്ച് നീ വരണം എന്ന് ഇല്ല. ഇതൊക്കെ നിന്നോട് ഇപ്പോഴേ പറഞ്ഞത് എന്തിനാ എന്ന് വെച്ചാൽ നാളെ ഇതേ ചൊല്ലി ഒരു പ്രശ്നം ഇവിടെ ഉണ്ടാവരുത്.
അവൻ എന്തെങ്കിലും പൈസേടെ ആവിശ്യം മറ്റ് വന്നാൽ ആ സ്വർണം മോഹിച്ച് കൊണ്ട് കൊണ്ട് ഈ പടി കയറേണ്ട എന്ന് മനസ്സിലായോ. " : അച്ഛൻ ഒരു ആക്ഞ്ഞ പോലെ പറഞ്ഞ് നിർത്തി.
ഇതൊന്നും മുന്നേ ആഗ്രഹിക്കാത്തത് കൊണ്ട് തന്നെ എനിക്ക് വലിയ വേദന ഒന്നും തോന്നിയില്ല.
" ഹ്മ്മ് ചെല്ല് എന്ന പോയി കിടന്നോ ഹാ പറഞ്ഞത് മറക്കണ്ട എല്ലാം എടുത്ത് വെച്ചോണം ഇനി ഇങ്ങോട്ടേക്കു ഒരു വരവ് ഉണ്ടായിരിക്കില്ല. " : ഇന്നത്തോടെ ഈ വീട്ടിൽ ഉള്ള തന്റെ അവകാശം തീരും എന്ന് അച്ഛൻ തന്നെ വീണ്ടും ഓർമിപ്പിക്കുന്നത് പോലെ.
അതിന് ഒന്ന് തല ആട്ടി കൊണ്ട് ഞാൻ മുറിയിലേക്ക് കയറി.
നോക്കിയപ്പോൾ കണ്ടു അവിടെ താഴെ ഇരിക്കുന്ന വലിയ ഒരു ബാഗ് ചെറിയമ്മ കൊണ്ട് വെച്ചത് ആയിരിക്കും എന്ന് ഊഹിച്ചു.
പിന്നെ ഒരു നെടുവീർപ്പോടെ തന്റെ സാധനങ്ങൾ എല്ലാം ബാഗിലെക്ക് വെച്ചും. തനിക്ക് എന്ന് പറയത്തക്ക ഒന്നും ഇല്ലാതാനും.
ആകെ കുറച്ച് പിഞ്ചിയ തുണിയും അമ്മയുടെ ഫോട്ടോയും. തുണി എടുക്കാൻ പോയപ്പോൾ തനിക്ക് വീട്ടിൽ ഇടാൻ ഒരു ചുരിദാറും നൈറ്റിയും എടുത്ത് തന്നായിരുന്നു അതും എടുത്ത് വെച്ച്.
പിന്നെ എന്തോ ഓർത്ത പോലെ ചുറ്റിനും തിരഞ്ഞതും അത് കാണാതെ വന്നതും നെഞ്ചിടിപ്പ് കൂടി.
തുടരും........
പ്രതിലിപി ഉള്ളവർ അതിലും support തരണേ. Part 16 ഞാൻ pratilipiയിൽ പോസ്റ്റ് ചെയ്തിട്ടുണ്ട്.
#നോവൽ #തുടർകഥ #പ്രണയം #viral #trending