मेट्रो स्टेशनचा दुसरा मजला तयार हिंगणा शहर प्रतिनिधी बिनधास्त न्यूज नेटवर्क नागपूर/हिंगणा: शहरातील मेट्रो दोन लाईन ही प्रजापती नगर व्हाया सिताबर्डी ते लोकमान्य नगरपर्यंत नियमित सुरू असून, त्याचा विस्तार करण्याच्या दृष्टीने गतसाली अर्थसंकल्पात मंजुरी देऊन लोकमान्य नगर ते हिंगणा ग्रामीण रूग्णालय पर्यंत मेट्रो लाईनचे काम जलद गतीने सुरू असून, त्यातील पहिल्या मेट्रो प्रवासी स्टेशनचे काम प्रगतीपथावर आहे. हिंगणा रायपूर पोलीस स्टेशन नजिकची जागा एम एम आर डी ला हस्तांतरीत केली असून तेथे स्टेशन निर्माणाधीन काम सुरू आहे. हिंगणा ते नागपूर कडे जातांना उजव्या बाजूला मेट्रो स्टेशनचा दुसरा मजला तयार झाला आहे. कामगार वर्ग रात्री नियोजित कालावधीत काम जलद गतीने करताहेत. या वर्षात प्रवाशांना मेट्रोचा लाभ होईल अशी आशा व्यक्त करण्यात येत आहे.