விதியை வெற்றியாக மாற்று... 1)வாழ்க்கையில் விதி முறைகளை உருவாக்காதவனே விதி என்கின்றான்... 2)வெற்றியடைந்தால் அதிர்ஷ்டத்தின் விதி . தோல்வியடைந்தால் தலைவிதி.எதுவும் நடக்காவிட்டால் எல்லாம் என் விதி. 3) நீ விதைத்தது தான் விதி என்ற ரூபத்தில் உன் முன்னால் நிற்கின்றது.உன் தலையில் விதைத்தை நீதான் அறுவடை செய்ய வேண்டும்.களைகளை அகற்றி விட்டால் அறுவடை அமோகமாகும். 4)எதையும் கடந்தாகவேண்டும் எனும் பொழுது அதை விதி என்று கடக்க முயற்சிக்காதே. மதியால் கடக்க முயற்சித்துப் பார். 5)உன் பலவீனம் தான் தலைவிதி ஆகின்றது. உன் பலம் விதிக்கு தலைவன் ஆக்குகின்றது. 6)எல்லாம் தலைவிதி என்று தலைகுனிந்து செல்பவனுக்கு ராகு-கேது திசையும்,எதையும் பார்த்து விடலாம் என்று தைரியமாக தலை நிமிர்ந்து நடப்பவனுக்கு குரு திசையும், சுக்கிர திசையும் உண்டாகிறது. 7)தலையில் தான் விதி உருவாகின்றது. நல்லதை பார் நல்லதைப் பேசு நல்லதை கேளு நல்லதை நினை உன் தலையின் விதி தானாக அதிர்ஷ்டம் நிறைந்ததாக மாறும். 8)கவலைப்பட்டு தலைவிதி என்று சொல்லாதே மகிழ்ச்சியோடு இதைக் கடந்து செல்வேன் என்று சொல்லு உன் எண்ணம் போல் ஆகும். 9)விதிப்பயன் அனைவருக்கும் வரவே செய்யும். எனவே, இப்பொழுதாவது விதியின் பயனை மாற்று .மனச்சோர்வை அடைவது தான் தலைவிதி என்று சொல்வது. 10)தலைவிதி என்று சொல்பவன் மூன்று வேளை சாப்பிடாமல் இருப்பது இல்லை. உண்மையாகவே தலைவிதி என்று சொல்லி வாழ்பவன் சாப்பிடாமல் இருந்து வாழ்ந்து காட்டவேண்டும். 11)அழகான காரியங்களைச் செய் அது ஆசீர்வாதங்கள் நிரம்பியதாக இருக்கட்டும். அதுதான் நீ பூமியில் வாங்கும் வரம். அதுதான் உன் தலைவிதியாக உருவாகின்றது. 12) தலைவிதி தான் உன்னை செல்வந்தனாக, ஏழையாக மாற்றுகின்றது.நீ பிறருக்கு செய்யும் குறிப்பறிந்த உதவியால் செல்வந்தன் ஆவாய். அந்த விதியை இப்பொழுதிருந்தே உருவாக்க ஆரம்பி. 13)தலைவிதி மூன்று விஷயங்களை உன் வாழ்வில் நிர்ணயிக்கின்றது. கடந்தகாலத்தில் நீ செய்தது, நிகழ்காலத்தில் நீ செய்து கொண்டிருப்பது, வருங்காலத்தில் உனக்கு நிகழப்போவது.ஆக நிகழ்காலத்தில் உன் வாழ்வை எதிர்கால விதியாக மாற்றுவது உன் கையில்தான் உள்ளது. 14)உடலால் உதவிசெய் உடல் நோய்கள் தீரும். செல்வத்தால் உதவி செய் சென்ற அனைத்தும் வந்து சேரும். மனதார உதவி செய் மனப் பிரச்சினைகள் யாவும் முடிவுக்கு வரும்.இதைத் தான் "இனி ஒரு விதி செய்வோம்" என்பது. 15) நீ நேர்மையாக நடப்பது தான் உனது தலைவிதியை உருவாக்கும். நீ நாணயமாக நடப்பது தான் உன் தலையெழுத்தாகும்.நீ உண்மையாக நடப்பது தான் உன்னையே உருவாக்கும். 16)மனித வாழ்க்கையில் மனிதனுக்குரிய தர்மங்களை கடைபிடி தர்மம் தலைகாக்கும். தலையை தர்மம் காப்பது தான் நம்முடைய தலைவிதி என்பது. 17)தலை எழுத்துக்கும் தலை விதிக்கும் ஒரு சம்பந்தம் உண்டு. இப்பொழுது நீ பார்ப்பது பேசுவது கேட்பது செயல்படுவது எல்லாம் சித்ரகுப்தனின் கணக்கில் தலையெழுத்தாகும் பிறகு அது உன் தலைவிதியாகும். 18) தந்தை ஈசனை நினைப்பவனுக்கு மூன்று கால தலைவிதியும் மாறும். அதனால் தான் இவ்வுலகில் தந்தை ஈசனுக்கு மூன்று கண்கள் காண்பிக்கப்பட்டுள்ளன. மூன்றாவது கண்ணான ஆத்மா என்ற நெற்றிக்கண் மறைமுகமாக உள்ளதால் தலை விதியும் மறைமுகமாகவே உள்ளது. #🕉️சிவன் ஸ்டேட்டஸ்🎶 #🙏ஹர ஹர மஹாதேவ்⭐ #🙏🏼சிவ பெருமான் பாடல்கள் #🙏கோவில் #🙏🏼ஓம் நமசிவாய