#🎬സിനിമ കോർണർ,//അമേരിക്കൻ ബോക്സ്‌ ഓഫീസിൽ തകർന്നടിഞ്ഞ്, ഇന്ത്യയിൽ വമ്പൻ വിജയമായ സിനിമയാണ് "മക്കെന്നാസ് ഗോൾഡ്".പിന്നീട് വന്ന നിധിവേട്ട സിനിമകളിലെല്ലാം ഇതിന്റെ ശക്തമായ സ്വാധീനം കാണാം. അപ്പാച്ചെ ഗോത്രവർഗത്തിന്റെ ഐതിഹ്യമായ "സ്വർണ്ണ താഴ്‌വര" തേടിയിറങ്ങുകയാണ് കോളറാഡോ എന്ന കൊടും കുറ്റവാളി. ആ സ്വർണ്ണ ശേഖരത്തിൽ കണ്ണ് വെച്ച ദുരാഗ്രഹികൾ വഴിമാർഗ്ഗം അയ്യാൾക്കൊപ്പം ചേരുന്നുണ്ട്. ഒടുവിൽ അതൊരു വലിയ സംഘമായി തീരുന്നു.വരണ്ട മരുപ്രദേശത്ത് ഇവർക്ക് വഴി നയിക്കാൻ ഒരു മാർഷൽ ഉണ്ട് -മക്കെന്ന. സ്വർണ്ണസാമ്രാജ്യം എന്നുന്നുണ്ടോ, അതോ ഒരു കിട്ടാഖനിയാണോ എന്ന് അവിടെയാർക്കും ഉറപ്പില്ല. പക്ഷെ, എല്ലാവർക്കും ഒന്നറിയാം.യാത്ര കഴിഞ്ഞ് ഈ കൂട്ടത്തിലെ പലരും ജീവനോടെ മടങ്ങി എത്തില്ല! ഭൂപടത്തിലെ സൂചനകളും,വഴികളും താണ്ടി,മരണവും, കൂട്ടാളികളുടെ നഷ്ട്ടവും സഹിച്ച് ദുർഘടമായ ആ സവാരിയാണ് "മക്കെന്നാസ് ഗോൾഡ്". അന്നോളം ചിലവിട്ട ഏറ്റവും ഭീകര ബഡ്ജറ്റ് ആയിരുന്നു ഈ സിനിമയുടെ നിർമ്മാണം.ഇതിലെ ക്ലൈമാക്സിലെ ഭൂചലനവും മലയിടിച്ചിലും കണ്ട് അന്തം വിട്ട് ഇരിക്കാം എന്നല്ലാതെ, ഇപ്പൊ പോലും ഇന്ത്യയിലെ പല ഇൻഡസ്ട്രിക്കും ഇതുപോലൊന്ന് ചിത്രീകരിക്കാൻ സാധിക്കില്ല. Mackenna's Gold (1969)