ഭാഷാ വികസനവും സാംസ്കാരികവും മതനിരപേക്ഷവും പുരോഗമനപരവുമായ സംസ്കാരത്തെ പോഷിപ്പിക്കുന്നതിനുവേണ്ടി ഇടതുപക്ഷ ജനാധിപത്യ മുന്നണി സർക്കാർ ശക്തമായി ഇടപെടും. ഗ്രന്ഥശാലകൾക്കുള്ള ഗ്രാന്റ് വർദ്ധിപ്പിക്കും. ഗ്രന്ഥശാലകൾ വിവരസാങ്കേതികവിദ്യയുടെ അടിസ്ഥാനത്തിലുള്ള വിജ്ഞാന കേന്ദ്രങ്ങളായി വളർത്തും. കലാസമിതികൾക്ക് ധനസഹായം നൽകും. പ്രാദേശിക ഫിലിം സൊസൈറ്റികൾ കാര്യക്ഷമമാക്കും. കേരളത്തിലെ അക്കാദമികളെ സമഗ്രമായി വിലയിരുത്തി പുന:സംഘടിപ്പിക്കുന്നതിന് ഒരു കമ്മിറ്റിയെ നിയോഗിക്കും. മലയാളഭാഷ നിയമത്തിന്റെ അടിസ്ഥാനത്തിൽ ഭാഷഭോഷണത്തിനായുള്ള നിയമവ്യവസ്ഥകൾ ഫലപ്രദമായി നടപ്പിലാക്കും. കൊച്ചി ബിനാലെ, ഇറ്റ്ഫോക്, കേരള ഫിലിം ഫെസ്റ്റിവൽ എന്നിവ പോലെ സംഗീതം, നൃത്തം തുടങ്ങിയ മേഖലകളിലും വിപുലമായ ഉത്സവങ്ങൾ സംഘടിപ്പിക്കും. ചെറുതും വലുതുമായ ലിറ്ററേച്ചർ ഫെസ്റ്റിവലുകളെ പ്രോത്സാഹിപ്പിക്കും. എല്ലാ ജില്ലകളിലെയും സാംസ്കാരിക സമുച്ചയങ്ങൾ പൂർത്തീകരിക്കും. പൈതൃക സംരക്ഷണത്തിന് മ്യൂസിയങ്ങളും ശാസ്ത്രീയ പദ്ധതികളും ആവിഷ്കരിക്കും. #Vote4LDF #ldfmanifesto2026 #🗞️പോസിറ്റീവ് സ്റ്റോറീസ്