#🏛️పొలిటికల్ అప్‌డేట్స్ #📰ఈరోజు అప్‌డేట్స్ #🆕Current అప్‌డేట్స్📢 #📰జాతీయం/అంతర్జాతీయం #🏛️రాజకీయాలు *ఎమ్మెల్యే గారూ..! కాట్రేనికోన గ్రంథాలయం పట్టించుకోరూ..!* శిధిలభవనంలో పాఠకులకు భయం భయం. గ్రామాల్లో ప్రజలకు విజ్ఞానాన్ని అందించే గ్రంధాలయాలు నిర్వహణ ఎవరికి పట్టడం లేదు. గత పాలకుల నిర్లక్ష్యానికి నిదర్శనంగా మండల కేంద్రంలోని కాట్రేనికోన గ్రంథాలయం రోడ్డున పడింది. సొంత భవనం లేక పాడుపడిన గ్రామ రెవెన్యూ అధికారి కార్యాలయంలో కొన్నేళ్లుగా శాఖా గ్రంధాలయం ను నెట్టుకొస్తున్నారు. విజ్ఞానం దేవుడెరుగు ఇక్కడ పాఠకులకు ప్రమాదం పొంచి ఉంది. అయినా ప్రజా ప్రతినిధులు,అధికారులు అటువైపు కన్నెత్తి చూడడం లేదని పాఠకులు వాపోతున్నారు. నియోజకవర్గంలో ఎన్నో అభివృద్ధి పనులు చేస్తున్న ముమ్మిడివరం ఎమ్మెల్యే దాట్ల సుబ్బరాజు అయినా గ్రంథాలయం భవనం నిర్మించాలని మండల ప్రజలు కోరుతున్నారు. గత వైసిపి పాలనలో ఉన్న గ్రంథాలయ భవనాన్ని కూల్చి కొత్త భవనం నిర్మించలేదని స్థానికులు ధ్వజమెత్తుతున్నారు. తెలుగుదేశం పార్టీ పుణ్యమా అని మండల వ్యవస్థ ఆవిర్భావంతో అప్పట్లో కాట్రేనికోనలో తెలుగువిజ్ఞానసమాచారకేంద్రం ( గ్రంథాలయం )ప్రారంభమైంది. తర్వాత కాలంలో జిల్లా గ్రంధాల సంస్థ ఆధ్వర్యంలో శాఖా గ్రంధాలయంగా రూపుదిద్దుకుంది. అప్పట్లో కాట్రేనికోన సర్పంచ్ స్వర్గీ య కొవ్వూరి శ్రీరామరాజు హయాంలో గ్రామపంచాయతీ ఆవరణలో నిర్మించిన గ్రంథాలయం భవనాన్ని స్వర్గీయ ముమ్మిడివరం ఎమ్మెల్యే, మాజీ మంత్రి బత్తిన సుబ్బారావు చేతుల మీదుగా ప్రారంభించారు. అందరికీ అందుబాటులో సౌకర్యంగా ఉన్న ఈ గ్రంథాలయ భవనాన్ని వైసీపీ ప్రభుత్వపాలన లో కొత్త సచివాలయం నిర్మాణం కొరకు కూల్చేశారు. దాని స్థానంలో కొత్త భవనం నిర్మించి ఇవ్వలేదు.అయితే నాలుగేళ్లు కావస్తున్నా నాయకులకు గ్రంథాలయం ఊసే లేదు. రైతు భరోసా, సబ్ సెంటర్, గ్రామ సచివాలయాలకు భవనాలంటూ కోట్లు ఖర్చుపెట్టి అర్థం తరంగా, వృధాగా వదిలేసిన గత పాలకులకు గ్రంథాలయ భవనం గుర్తుకు రాలేదని ప్రజలు విమర్శిస్తున్నారు. ఇప్పటికే ఇక్కడ లైబ్రరీ డిజిటల్ లైబ్రరీగా అభివృద్ధి చెందాల్సి ఉంది. నిరుద్యోగులు, విద్యార్థులు పోటీ పరీక్షలు కు వెళ్లేందుకు పుస్తకాలు లేక నష్టపోతున్నారు. పాడుబడిన గ్రంథాలయ భవనంలో కనీసం విద్యుత్ సౌకర్యం లేదు. చీకట్లోనే చదువుకోవాలి. చిన్నపాటి వర్షం వచ్చినా తల దాచుకోవడానికి జాగా లేక అనేక ఇకట్లు పడుతూ ప్రమాదం బారిన అసౌకర్యం పాలవుతున్నామని పాఠకులు ఆవేదన చెందుతున్నారు. సరైన భవనం లేక జిల్లా గ్రంథాలయ సంస్థ అధికారులు ఇక్కడ గ్రంథాలయాన్ని అభివృద్ధి చేయకుండా చివరకు విద్యార్థులకు ఉపయోగపడే పుస్తకాలు సరఫరాను కూడా నిలిపివేశారు. ఇటీవల కొత్తగా నిర్మించిన కాట్రేనికోన సెంటర్లోని సచివాలయ భవనం వెనుకనే ఉన్న ఖాళీ స్థలంలో గ్రంథాలయ భవనాన్ని నిర్మించాలని మండల గ్రంథాలయ పాఠకులు కోరుతున్నారు. ఇక్కడ గ్రంథాలయ భవనం నిర్మిస్తే అన్ని గ్రామాల ప్రజలకు అందుబాటులో ఉండి సౌకర్యంగా ఉంటుందని పాఠకులు పేర్కొంటున్నారు. ఇకనైనా ప్రస్తుతం ఎమ్మెల్యే దాట్ల సుబ్బరాజు అయినా చొరవ చూపించి కాట్రేనికోన లో గ్రంథాలయ భవనం నిర్మాణానికి తక్షణ చర్యలు చేపట్టాలని మండల ప్రజలు ముక్తకంఠంతో కోరుతున్నారు.. ___________________________ డాక్టర్ బి.ఆర్.అంబేద్కర్ కోనసీమ జిల్లా :- ముమ్మిడివరం - నియోజకవర్గం *శేఖర్✍️ న్యూస్ 📹 గ్రూప్స్* 6️⃣ 👇 *వాట్సాప్ గ్రూప్ లింక్*👇 ______________________✍️ *ఫాలో అవ్వండి.* & *సబ్ స్క్రైబ్ చేసుకోండి...👇* ౼౼౼౼౼౼౼౼౼౼౼౼౼౼౼౼౼౼౼ Follow this link to join my WhatsApp group: https://chat.whatsapp.com/C94q7lUBBdpISymlZZqSyg?mode=ems_wa_t ౼౼౼౼౼౼౼౼౼౼౼౼౼౼౼౼౼౼౼౼