💞அல்ஹம்துலில்லாஹ் அல்லாஹும்ம ஸல்லி அலா முஹம்மதின் வலா ஆலி முஹம்மத்தின் வ பாரிக் வஸல்லிம் அலைஹி! எங்கள் இறைவனே! பரிபூரணமான ஈமான் உடையவர்களாகவும்! நீ ஏற்படுத்திய பர்ளுக்களை குறைவின்றி நிறைவேற்றுபவர்களாகவும்! தொழுகையை தவறாது கடைபிடிப்பவர்களாகவும்! ஜக்காத் கொடுப்பவர்களாகவும்! உன்னிடம் உள்ள சன்மானத்தை தேடுபவர்களாகவும்! உன்னுடைய மன்னிப்பை நம்பியவர்களாகவும்! நீ அறிவித்த நேரான வழியை பலமாகப் பற்றி பிடிப்பவர்களாகவும்! வீணான காரியங்களை புறக்கணித்து இவ்வுலக வாழ்க்கையை வெறுத்து மறுமையின் வாழ்க்கை விரும்புவர்களாகவும்! உன்னுடைய கற்பனையை கொண்டு திருப்தி அடைந்து உன்னுடைய அருட்கொடைகளுக்கு நன்றி செலுத்துபவர்களாகவும்! உன்னுடைய சோதனையை சகிப்போர்களாகவும்! மறுமை நாளில் உனது நபியும் ஹபீபுமாகியா எங்கள் தலைவர் முஹம்மது ஸல்லல்லாஹு அலைஹி வஸல்லம் அவர்கள் கொடியின் கீழ் தஞ்சம் புகுந்தவர்களாகவும்! மறுமை நாளில் 'ஹவ்ளுல் கவுதர்' என்னும் தடாகத்தை வந்தடைபவர்களாகவும்! சுவனப் பதியிலுள்ள 'ஸீன்துஸ் இஸ்தப் ரக்'என்னும் ஆடைகளை அணிபவர்களாகவும்! 'ஹூருல் ஈன்' பெண்களை மணப்பவர்களாகவும்! சுவனப்பதியிலுள்ள ஆகாரத்தை புசிப்பவர்களாகவும் அதில் உள்ள தெளிவான பால் தேன் போன்ற மதுரமான பானங்களை கெண்டிகள் குவளைகளில் அருந்துபவர்களாகவும்! நபிமார்கள், ஸித்தீகீன்கள், ஷுஹதாக்கள், ஸாலிஹீன்கள், ஆகிய உன் அருளை அடைந்தவர்களாகவும்! சிறப்புற்ற இந்த ரமலான் மாதத்தில் நற்கருமங்கள் செய்து உன்னால் அங்கீகரிக்கப்பட்ட நற்பாக்கியவான்களாகவும் எங்களை நீ ஆக்கி அருள் புரிவாயாக! உன்னால் விடப்பட்ட துர்பாக்கியவான்களுடன் எங்களை நீ சேர்த்து விடாதே! எங்கள் இறைவா! சிறப்புற்ற இந்த ரமலான் மாதத்தில் ஒவ்வொரு இரவிலும் நரக நெருப்பிலிருந்து விடுதலைப் பெறக்கூடியவர்களும், நரகக் கிடங்கில் இருந்து வெளிப்படுத்தக் கூடியவர்களும், அதன் திடுக்கத்திலிருந்து நீ அபயம் தரக்கூடியவர்களும், அதன் கஷ்டத்தில் இருந்து நீ நீக்கி விட கூடியவர்களும் பலர் இருக்கிறார்கள்! எங்கள் இறைவனே! நரகத்திலிருந்து விடுதலை செய்யப்படக் கூடியவர்களிலும், நரகக் கிடங்கில் இருந்து வெளிப்படக்கூடியவர்களிலும், அதன் திடுக்கத்திலிருந்து அபயம் பெற கூடியவர்களிலும்,, எங்களை நீ ஆக்கி வைப்பாயாக! கேள்விக் கணக்கு கேட்கும் போது எங்களை மன்னித்து அருள் புரிவாயாக! அல்லாஹு தஆலா எங்கள் நாயகம் முஹம்மது ஸல்லல்லாஹு அலைஹி வஸல்லம் அவர்கள் மீதும் அவர்களுடைய சந்ததிகள் தோழர்கள் அனைவர் மீதும் அருள் புரிவாயாக! உலகத்தினரை படைத்து போஷித்துப் பரிப்பக்குவப்படுத்துவோனாகிய அல்லாஹ்வுக்கே எல்லாப் புகழும் உண்டாவதாக! ஆமீன் ஆமீன் ரப்பல் ஆலமீன்! #🕋யா அல்லாஹ்