उत्तरेकडून येणारे थंड वारे, निरभ्र आकाश आणि कोरडे हवामान अशा कारणांमुळे यंदा डिसेंबरमध्ये थंडी अनुभवायला मिळाली. मात्र त्यानंतर तापमानात चढ-उतार होत असल्याचे दिसून येत आहे. नव्या वर्षाच्या सुरुवातीला झालेल्या हवामान बदलांमुळे किमान तापमानात वाढ होऊन थंडीची तीव्रता कमी झाली. पुण्यातील शिवाजीनगर आणि जिल्ह्यातील काही भागांतील किमान तापमान १४ अंश सेेल्सियसपेक्षा अधिक नोंदवले गेले. मात्र, गेल्या दोन ते तीन दिवसांत पुन्हा थंडी वाढून किमान तापमान एक अंकी झाले. आता पुन्हा उत्तरेकडून येणाऱ्या वाऱ्यांच्या प्रवाहात बदल होत आहेत. या बदलांमुळे रात्रीचे तापमान वाढून थंडी कमी होण्यासाठी पूरक स्थिती निर्माण झाल्याचे निरीक्षण तज्ज्ञांनी नोंदवले आहे. ज्येष्ठ हवामानतज्ज्ञ अनुपम कश्यपी म्हणाले, 'पुढील काही दिवसांत महाराष्ट्रात रात्रीच्या तापमानात फारशी घट होण्याची शक्यता नाही. मात्र, २० जानेवारीपासून पुण्यासह उत्तर आणि मध्य महाराष्ट्रात अंशत‌ः ढगाळ वातावरण, हलक्या पावसाची शक्यता आहे. सध्या उत्तरेकडील वारे राज्यात फारसे आतपर्यंत प्रवेश करू शकत नाहीत; उलट विरुद्ध दिशेच्या वाऱ्यांमधील परस्परसंवादामुळे मध्यम ते उंच पातळीवर ढग तयार होत आहेत. २० ते २४ जानेवारीदरम्यान वाऱ्यांचा परस्परसंवाद अधिक वाढण्याची शक्यता आहे. दिवसा ढगाळ वातावरणामुळे दिवसाचे तापमान कमी होते आणि त्यामुळे दिवसाही थंडी जाणवते. #🔴राज्यातील तापमानात परत बदल होणार➡️