#🌻🌻காலை வணக்கம்🌻🌻 #🥰அன்புடன் காலை வணக்கம்🌞 #ரெங்கா! #renga-vamba! #அருண்பகத் அவர்களின் முகநூலிருந்து மீள் (2024 இல் எழுதியது) அரசியல் தலைவர்கள், கலைஞர்கள், இயக்கம் எது ஒன்றிலும் committed ஆக இருப்பது வேறு. Ardent fan ஆக.. வழிபாட்டு மனநிலையோடு, குழு மனநிலையோடு இருப்பது வேறு. முன்முடிவுகளின்றி செயல்பாட்டு ரீதியாக எந்த ஒன்றையும் மதிப்பிடுவதே பகுத்தறிவின் அடிப்படை என்று நம்புகிறேன். நமக்குள் implant செய்யப்பட்டிருக்கும் idea க்களை களைந்து ஒரு விடயத்தை, நபரை இயங்கியல் பூர்வமாக புரிந்துக் கொள்ள முயல்வதே பகுத்தறிவின் போக்கு என்று நம்புகிறேன். மற்றபடி முற்போக்கு என்று சொல்லிக்கொள்ளும் தரப்பு தங்களுக்குள் implant செய்யப்பட்டதை முன்முடிவுகளோடு அப்படியே கோவிந்தா போடுவதும் மூடநம்பிக்கையே. இப்போ இந்த அங்கலாய்ப்பு எதற்கென்றால்... கமல் எனும் ஓர் கலைஞன் இருக்கிறார். அவரை ரசிக்கிறோம் பேர்வழி என்று அவரது எல்லா செயல்பாட்டையும் ஆதரிப்பது வழிபாட்டு மனநிலை தான். விக்ரம் படத்தை சிறந்த படமென்பதெல்லாம் fanatic மனநிலை தான். Big boss இல் அவர் பிறளும் இடங்களை விமர்சிப்பவர்களை பிராண்டுவது, மய்யம் கட்சியை விமர்சிப்பவர்களை பிராண்டுவது எல்லாமும் fanatic செயல்பாடு தான். அதே போல... அவரது திரை பங்களிப்பை, திரைக்கு வெளியே பங்களிப்பை கொஞ்சம் கூட அறிவு நாணயத்தோடு அணுகாது.. முன்முடிவு வாந்திகளை எடுப்பதும் படு மோசமான மூடநம்பிக்கையே. 2023 தேசிய விருது படங்களை பாராட்டினார் கமல். அந்த பாராட்டில் கஷ்மீர் ஃபைல்ஸ் படத்தை நயமாக தவிர்த்து.. விருதுக்கு தகுதியற்ற படம் என்று குட்டினார் கமல். ஆனால் அதற்கு கூட அவர் பேசாமல் தவிர்த்து ஓடுகிறார் என்று கோணத்தில் அணுகினார்கள் பலர். இதோ இப்போது ராமர் கோவில் திறப்பு விழாவில் பாஜக பிரதிநிதியாக செயல்படுகிறார் ரஜினிகாந்த். ஆனால் 30 ஆண்டுகளுக்கு முன்பு பாபர் மசூதி இடிக்கப்பட்ட போது இந்தியத் திரையுலகில் இருந்து நேர்மையுடன் எதிர்ப்புக் குரல் கொடுத்த முதல் கலைஞன் கமல் மட்டுமே.!! இப்போது ரஜினி, அமிதாப், சச்சின், இளையராஜா என்று பல சினிமா, விளையாட்டு பிரபலங்கள் ஃபாசிஸ்ட்டுகளுக்கு பாத காணிக்கை செலுத்தி தங்கள் ராஜவிசுவாசத்தை‌ நிரூபித்து வரும் வேளையில்.. ஃபாசிஸ்ட்டுகளின் ஆலகால விஷ அரசியலை விதந்தோங்கி தங்கள் முதுகெலும்பை கேலிக்குள்ளாக்கி வரும் வேளையில்.. பாபர் மசூதி இடிப்பை, ராமர் கோவில் திறப்பை உறுதியாக எதிர்த்து நிற்கும் மிகச் சில திரைக் கலைஞர்களுள் ஒருவர் கமல்ஹாசன்.! இந்தியா- பாகிஸ்தான் பிரிவினையின் போதும், காந்தியார் கொலையின் போதும்..‌ தூவப்பட்ட இந்த விஷ விதை 1992 இல் விஷ விருட்சமாக வளர்ந்து மனிதர்களையும், சகோதரத்துவத்தையும் காவு கேட்கிறது என்று சொன்ன ஒரே படம் 'ஹே ராம்'. அந்த விஷத்தை தூவி அறுவடை செய்வது யாரென்றும் துணிச்சலாக சொன்ன ஒரே படம் 'ஹே ராம்'. சாகேத் ராம் மனைவி இஸ்லாமிய தரப்பு மத வெறியர்களால் கொல்லப்படும் காட்சியை வைத்து அது இஸ்லாமியர்களுக்கு எதிரான படம் என்ற தவறான பிரச்சாரம் ஆரம்பிக்கப்பட்டது. இதில் வேடிக்கை என்னவென்றால் படமே பார்க்காத பலர் இந்த விமர்சனத்தை மனப்பாட செய்யுள் போல சொல்லிக் கொண்டே இருப்பது தான். சாகேத் ராம் காந்தியை கொல்லத் துணியும் ஒரு இந்துத்வ மிலிட்டண்ட்டாக மாறுகிறான். அதற்கு காரணம் மனைவியின் கொலை. அதற்காகவே அந்தக் காட்சி. ஆனால் ராம் மனைவி கொல்லப்பட்டது.. திட்டமிடப்படாத ஒரு திடீர் எதிர்வினையாலும், கும்பல் மன நிலையினாலும் என்பதை அடுத்த காட்சியே சொல்லியிருக்கும். இந்து மதவெறியர்களால் இஸ்லாமிய குடும்பங்கள் கொல்லப்பட்டுக் கொண்டிருப்பர். அதற்கு எதிர்வினையாக வெறியேறிய இஸ்லாமிய இளைஞர்கள் கும்பல் வன்முறையில் ஈடுபடுவர். சாகேத் ராம் மனைவி கொலைக்கு இணையான இன்னொரு இழப்பு சாகேத் ராமுக்கு ஏற்படும். அது நண்பன் அம்ஜத்தின் கொலை. ஆனால் அம்ஜத்தின் கொலை ஒரு ஒருங்கிணைக்கப்பட்ட இந்துத்வ மிலிட்டண்ட்களால் நடத்தப்படும் வேட்டை. அந்தக் கொலை ராமின் எண்ணங்களை அசைத்து விடும். மதவெறி இருபக்கமும் கொளுந்து விட்டு எரிகிறது என்பதை புரிந்துக் கொள்வான். ஆனால் எல்லாவற்றிற்கும் வேர் இந்துத்வ ஃபாஸிசம் தன்னை விதைத்துக் கொள்ள முயல்வதே‌.!! என்பது தான் 'ஹேராம்' படத்தின் மொத்த சாராம்சமும்.!! எல்லாவற்றிலும் முழுமையை பார்க்காமல்.. தனது வெறுப்பு பிரச்சாரத்திற்கு வேண்டிய ஒன்றை மட்டும் கத்தரித்து எடுத்துக் கொள்ளும் சங்கித்தனம் தான்.. 'ஹே ராம்' விடயத்தில் self proclaimed முற்போக்குகளால் நிகழ்த்தப்பட்டது. பாஜக ஆட்சி நடந்துக் கொண்டிருந்த காலகட்டத்தில் தான் அவர்களை அம்பலப்படுத்தும் 'ஹே ராமும்', உலகமயத்தின் போலித்தனத்தை அம்பலப்படுத்தும் கம்யூனிஸ பார்வை கொண்ட 'அன்பே சிவம்' படங்களும் வந்தது‌.. என்பது எவ்வளவு குறிப்பிடத்தக்கது.!! ஒரு வெகுசனக் கலைஞன் தனது எல்லைக்குள் இருந்து இதை விட கூடுதலாக சனநாயகத்தின் பக்கம் எப்படி நிற்க முடியும்.? அப்படி நிற்பது வேறு யார்.? 'விருமாண்டி' படத்தை சாதி படம் என்று சகட்டுமேனிக்கு உளறிக் கொட்டுகிறார்கள். ஒரு நிலப்பரப்பையும் அங்கு வாழும் சமூகத்தையும் பதிவு செய்தாலே அது சாதிப் படமா.? அப்படியெனில் இந்தியாவில் எந்த நிலப்பரப்பிலும் நீங்கள் கேமராவை வைக்கவே முடியாது. ஒரு விடயத்தை பதிவது வேறு.‌ விதந்தோங்குவது வேறு என்ற அடிப்படைக் கூட தெரியாமலா‌ விமர்சிப்பது. 'விருமாண்டி' குறிப்பிட்ட சாதி பெருமையை எங்காவது விதந்தோங்கியதா.? சாதி வழி அதிகாரத்தின் மோசமான விளைவுகளை பேசிய படமே விருமாண்டி. அதனை இரு நபர் பார்வை கோணத்தில் விரித்து உண்மை குறித்த ஒரு சுவாரஸ்யமான கதையாடலை நடத்தி, சிறைச்சாலைகளின் அசல் முகத்தை பதிவு செய்து, மரண தண்டனை குறித்த உரையாடலை முன்வைத்த.. ஒரு multi layered படம் விருமாண்டி.!! 'தசாவதாரம்' படத்தில் ராமானுஜ நம்பி கதாபாத்திரம் பதிவு செய்யப்பட்டதாலேயே கமல் சாதியவாதி ஆகி விட்டது எவ்வளவு அவலம்.!! கலைஞர் கருணாநிதி அவர்களும் ராமானுஜர் காவியம் எழுதினாரே.!! சைவ- வைணவ சண்டை தமிழ் மண்ணில் நிகழ்ந்த ஒரு வரலாறு. கமல் அதனை புனையவில்லை. இறுதிக் காட்சியில் சமகாலத்தில் அதே நாராயணன் சிலை கேட்பாரற்று கடற்கரையில் கிடக்கும். அப்போது ' மோசமான வைரஸ்களை உருவாக்கும் சிந்தனை மனிதர்களுக்கு ஏற்படாமல் கடவுள் தடுத்திருக்கலாமே'.! 'கடவுள் இல்லேனு சொல்லல. இருந்தா நல்லா இருக்கும்னு தான சொன்னேன்'. என நாத்திக உரையாடலும் அதே சிலையின் முன்பு நடக்கும். ஆயிரம் ஆண்டுகளுக்கு முன்பு மக்களை அணி பிரிக்க தேவைப்பட்ட ஒரு விழுமியம். இப்போது கேட்பாரற்று கிடக்கிறது. ஏனெனில் அந்த அணிகள் இப்போது ஒரே மதமாகி விட்டது. அறிவியல் வியாபாரிகள் நடத்தும் சீரழிவுகளை தடுக்கும் ஆற்றலின்றி கிடக்கிறார் நாராயண். என எவ்வளவு நுட்பமான சர்க்காஸம் அந்த இறுதிக் காட்சியில் இருக்கிறது. 'தசாவதாரம்' படத்தின் சிறந்த கதாபாத்திரம் தலித் தலைவரான வின்சென்ட் பூராகவன் கதாபாத்திரம். தனது உயிரைக் கொடுத்து எதிரியின் மகனை காப்பாற்றுவார் வின்சென்ட் பூவராகவன். வைணவ பாட்டி பூவராகவனே தனது பேரன் ஆறாமுதன் என்று மடியில் ஏந்திக் கொள்வார்.!! சாதியை உடைத்து மனிதம் மலரும் அற்புதமான இந்தக் காட்சியை வசதியாக மறந்து விட்டு.. மீண்டும் தனக்கு தேவையான பூணூல் போட்ட ராமானுஜ நம்பி கதாபாத்திரத்தை வைத்து கமலை சாதியவாதி ஆக்குவது அக்மார்க் சங்கித்தனம். பெண்களின் சுயமரியாதையை இழிவுபடுத்துவதை தனது படங்களின் முக்கிய அம்சமாக ரஜினி வைத்திருந்த போது.. 'மகளிர் மட்டும்' என்ற படத்தை எழுதி தயாரித்தார் கமல். தமிழ் சினிமாவில் இஸ்லாமிய தீவிரவாத வில்லன் டெம்ப்ளேட் ஆகிக் கொண்டிருந்த கட்டத்தில்.. அப்பாஸ் என்ற சிறந்த நேர்மைமிகு கதாபாத்திரத்தை தனது 'குருதிப்புனல்' படத்தில் வடித்திருந்தார் கமல். ஜென்டில்மேன் படம் bhramnical militant பார்வையை முன்வைக்கிறது என நடிக்க மறுத்தார் கமல். 'தேவர் மகன்' படமும் குறிப்பிட்ட சமுகம் வன்முறையை பெருமிதமாக எண்ணி தங்கள் வாழ்க்கையை நாசம் செய்து கொள்வதற்கு எதிரான ஆணித்தரமான உரையாடலை வைத்த படம் என்பதில் எப்படி எவ்விதம் மாறுபட முடியும்.?? போற்றிப் பாடடி பொண்ணே பாடல் நிச்சயம் ஒரு நெருடல் தான். கமல் அதற்கு வருத்தமும் தெரிவித்து விட்டார். பெரிய தேவர் கதாப்பாத்திர சிததரிப்பில் சாதியை விதந்தோங்குவதாக சொல்கிறார்கள் சிலர். பெரிய தேவர் ஒரு சாதி ஆதிக்கவாதி,ஒரு நிலப்பிரபு. என்ன சண்டை வேண்டாம் என்று சொல்லும் ஒரு நிலப்பிரபு. அவ்வளவு தான். அவரை பெரியாரிஸ்ட்டாக கம்யூனிஸ்ட்டாக அம்பேத்கரிஸ்ட்டாகவா காட்ட முடியும்.!! இது போக மகாநதி, குணா,ஆளவந்தான் என தனது மார்க்கெட்டை பணயம் வைத்து தமிழ் சினிமாவை 30 ஆண்டுகள் முன்னோக்கிய பாய்ச்சலுக்கு இட்டுச் சென்றார் கமல். நேரடி பிரச்சாரங்களை கலைப்படைப்பாக நம்பி பழகி பழகி அசல் கலைப் படைப்பின் முழுமையை உணர முடியாத நிலை ஒரு அவலம். நேரடி பிரச்சாரங்கள் அதிகபட்சம் மேம்போக்கான இருமையை தான் கட்டமைக்கும். ஒரு யூடியூப் விவாத நிகழ்ச்சியின் தரம் மட்டுமே அது. ஒரு கலையின் உரையாடலை, உறவாடலை, தாக்கத்தை, தனிமனித பரிசோதனையை அது ஒரு போதும் நிகழ்த்த முடியாது. கமல் மீதான பெரும்பாலான வசவுகள்.. முன் முடிவுகளிலிருந்தே எழுகிறது. அந்த முன்முடிவின் உள்ளடக்கம் அவர் பிறப்பு அடையாளத்தில் இருந்து எழுகிறது. தமிழ்நாட்டின் நிரந்தர சங்கி ரஜினிகாந்த். நிலப்பிரபுத்துவத்தை தனது பல்வேறு படங்களில் உயர்த்தி பிடித்து, பெண் சுயமரியாதையை இழிவுபடுத்துவதை ஆண்மை என்று விதந்தோங்கிய உச்ச நட்சத்திரங்களை விட... திரையில் சிறந்த படைப்புகளையும், திரைக்கு வெளியே சனநாயக குரலையும் தொடர்ந்து உயர்த்திப் பிடிக்கும் கமல்ஹாசன் பார்ப்பனியவாதி. லொளதிக பார்ப்பான் etc etc.. பெரிய வணிகத்தை ஈட்டும் எந்த மைய நீரோட்ட கலைஞனும் கமல் அளவுக்கு திரையிலும், திரைக்கு வெளியேயும் மக்கள் அரசியலின் பக்கம் நின்றதில்லை. சோசியல் மீடியாவில் நிகழும் புரட்சி ஸ்டண்ட் எல்லாம் அவர் பேச வேண்டும் என்று எப்படி எதிர்பார்க்க முடியும்.? அவர் பல கோடி மக்களின் ஆஸ்தான ஒரு கலைஞன். He'll be having his contours and point of compromising. அதை புரிந்துக் கொள்ள வேண்டும். யாருக்கு இல்லை சமரசம்.? அரசியலிலும் சினிமாவிலும் பரிசுத்தவாதம் பேசிய பலர் இன்று எடுத்திருக்கும் சந்தர்ப்பவாத அவதாரங்கள் எல்லாம் அடக்க முடியாத சிரிப்பை வரவழைக்கும். ஆனால், ஒருபோதும் கமல் சந்தர்ப்பவாதியாக இல்லை. பாபர் மசூதி இடிக்கப்பட்ட போது தான் எழுப்பிய முதல் எதிர்ப்புக் குரலிலிருந்து எந்த மாறுபாடும் இல்லாது உறுதியாக நிற்கிறார் கமல். இப்பேற்பட்ட கலைஞனை கொண்டாடாமல் இருந்தாலும் பரவாயில்லை. உங்கள் முன்முடிவு குப்பைகளை அவர் மீது கொட்டாமலாவது இருங்கள். அருண் பகத். Credit goes புன்னகை மன்னன் முகநூல் பதிவு தரவு இருந்து. #குடியரசு தின நல்வாழ்த்துக்கள்