*📖നേർവായന* എപ്പിസോഡ് : 1349 ഇന്നത്തെ വിഷയം: നോമ്പ് : സുപ്രധാനമായ പത്ത് കാര്യങ്ങൾ ▪️ ഭാഗം - 08 (അവസാന ഭാഗം) ➖➖➖➖➖➖➖➖➖ 🔲നാലാം വിഷയം: യാത്രക്കാരൻ്റെ നോമ്പ് (صوم المسافر وفطره) യാത്രക്കാരന് മൂന്ന് അവസ്ഥകളാണുള്ളത്: 1. നോമ്പ് ഉപദ്രവകരമാവുക: നോമ്പെടുക്കുന്നത് ശാരീരികമായി ദോഷം ചെയ്യുമെങ്കിൽ നോമ്പ് ഒഴിവാക്കൽ നിർബന്ധമാണ്. 2. നോമ്പ് പ്രയാസകരമാവുക: ദോഷകരമല്ലെങ്കിലും വലിയ ബുദ്ധിമുട്ട് അനുഭവപ്പെടുന്നുണ്ടെങ്കിൽ നോമ്പ് ഒഴിവാക്കുന്നതാണ് ഉത്തമം. അല്ലാഹു നൽകിയ ഇളവ് സ്വീകരിക്കലാണത്. ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ അല്ലാഹുവിൻ്റെ വചനം: أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ …അല്ലെങ്കിൽ യാത്രയിലോ ആയാൽ മറ്റു ദിവസങ്ങളിൽ നിന്ന് അത്രയും എണ്ണം (നോമ്പെടുക്കേണ്ടതാണ്). [അൽ-ബഖറ: 185] 3. നോമ്പും നോമ്പില്ലായ്മയും തുല്യമാവുക: യാത്രയിൽ നോമ്പെടുക്കുന്നതുകൊണ്ട് പ്രത്യേക പ്രയാസമൊന്നുമില്ലെങ്കിൽ അവന് ഇഷ്ടമുള്ളത് തെരഞ്ഞെടുക്കാം. വേണമെങ്കിൽ നോൽക്കാം, അല്ലെങ്കിൽ ഒഴിവാക്കാം. നബി (ﷺ) യാത്രയിൽ നോമ്പെടുക്കാറുണ്ട്. ഏതാണ് കൂടുതൽ ഉത്തമം എന്നതിൽ പണ്ഡിതന്മാർക്കിടയിൽ അഭിപ്രായ വ്യത്യാസമുണ്ട്. എങ്കിലും, പ്രയാസമില്ലെങ്കിൽ നോമ്പെടുക്കുന്നതാണ് നല്ലത് എന്നാണ് പല പണ്ഡിതന്മാരും പറയുന്നത്. കാരണം അത് ബാധ്യത വേഗത്തിൽ വീട്ടാനും, എല്ലാവരും നോമ്പെടുക്കുന്ന സമയമായതുകൊണ്ട് മാനസികമായി എളുപ്പമാവാനും സഹായിക്കും. പിന്നീട് ഖളാഅ് വീട്ടാൻ മടിയോ മറവിയോ ഉണ്ടായേക്കാം. അഞ്ചാം വിഷയം: ഗർഭിണിയും മുലയൂട്ടുന്നവളും (صيام الحامل والمرضع) ഇവർക്ക് രണ്ട് അവസ്ഥകളാണുള്ളത്: 1. നോമ്പെടുക്കുന്നത് ഇവർക്കോ കുഞ്ഞിനോ യാതൊരു പ്രയാസവും ഉണ്ടാക്കില്ലെങ്കിൽ നോമ്പ് നിർബന്ധമാണ്. ഒഴിവാക്കാൻ പാടില്ല. ➖➖➖➖➖➖➖➖ Like Our Pinterest: https://in.pinterest.com/Wisdom_Media/_created/ ➖➖➖➖➖➖➖➖ 2. നോമ്പെടുക്കുന്നത് ഇവർക്കോ കുട്ടിക്കോ ബുദ്ധിമുട്ടോ ഉപദ്രവമോ ഉണ്ടാക്കുമെങ്കിൽ നോമ്പ് ഒഴിവാക്കാവുന്നതാണ്. നബി ﷺ പറഞ്ഞു: إِنَّ اللَّهَ عَزَّ وَجَلَّ وَضَعَ عَنِ الْمُسَافِرِ شَطْرَ الصَّلَاةِ، وَعَنِ الْمُسَافِرِ وَالْحَامِلِ وَالْمُرْضِعِ الصَّوْمَ നിശ്ചയം അല്ലാഹു യാത്രക്കാരന് നമസ്കാരത്തിൻ്റെ പകുതിയും, യാത്രക്കാരനും ഗർഭിണിക്കും മുലയൂട്ടുന്നവൾക്കും നോമ്പും ഇളവ് ചെയ്തിരിക്കുന്നു. [അഹ്‌മദ്, അബൂദാവൂദ്, നസാഇ, തിർമിദി, ഇബ്‌നുമാജ] ➖➖➖➖➖➖➖ Like Our ShareChat: https://sharechat.com/profile/wisdommedia?d=n ➖➖➖➖➖➖➖➖ ഇവർ ഒഴിവാക്കിയ ദിവസങ്ങൾക്ക് പകരം പിന്നീട് നോമ്പ് നോറ്റുവീട്ടണം (ഖളാഅ്). കുഞ്ഞിനെ ഭയപ്പെട്ടാണ് നോമ്പ് ഒഴിവാക്കിയതെങ്കിൽ, ഖളാഇനോടൊപ്പം ഓരോ ദിവസത്തിനും ഓരോ അഗതിക്ക് ഭക്ഷണം നൽകുന്നത് നല്ലതാണ് (നിർബന്ധമില്ല, പക്ഷെ സൂക്ഷ്മതക്ക് നല്ലത്). ആറാം വിഷയം: ആർത്തവകാരിയും പ്രസവരക്തകാരിയും (صيام الحائض والنفساء) ആർത്തവമുള്ളവളും പ്രസവരക്തമുള്ളവളും നോമ്പ് നോൽക്കാൻ പാടില്ല. അവർ നോറ്റാൽ അത് ശരിയാവുകയുമില്ല. ഇത് പണ്ഡിതന്മാരുടെ ഏകോപിച്ച അഭിപ്രായമാണ്. അവർ വിട്ടുപോയ ദിവസങ്ങൾ പിന്നീട് ഖളാഅ് വീട്ടൽ നിർബന്ധമാണ്. ➖➖➖➖➖➖➖➖➖ Source: Kanzul uloom #WisdomIslam #WisdomReels #wisdommedia #harisbinsaleem #wisdomyouth