#🙏शिवदिनविशेष📜 🚩 #आजचे_ऐतिहासिक_दिनविशेष 🚩🏇🚩🏇🚩🏇🚩🏇🚩🏇🚩 #२७_मार्च_१६६३ पुण्यातील शाहिस्तेखानाच्या वाढत्या अत्याचाराने शिवरायांच्या जीवाची घाळमेळ वाढत होती, शाहिस्त्याचा बिमोड करण्याच्या उद्धेशाने शिवरायांच्या नेतृत्वात लाल महालावर आकस्मित छापा टाकण्याच्या योजना आखल्या जाऊ लागल्या. दस्तुरखुदद आलमगीराचा 'मामा' व मुघल सेनेतील मातब्बर सरदार असलेल्या शाईस्तेखानाची छत्रपती शिवरायांनी "गनिमी कावा" या रणनीतीने पुण्यात तळ ठोकुन बसलेल्या अंदाजे दिड लाखाच्या सैन्यात घुसण्याची तयारी चालू झाली. 🚩🏇🚩🏇🚩🏇🚩🏇🚩🏇🚩 #२७_मार्च_१६६७ मिर्झाराजे जयसिंह यांनी नेताजी अन् त्यांचे चुलते कोंडाजी यांना २४ ऑक्टोबर १६६६ रोजी अटक केली होती. दिलेरखानाने त्यांना आग्र्याला पाठवायची व्यवस्था केली. अतोनात हालानंतर नेताजींनी धर्मांतरास मान्यता दिली. मार्च १६६७ ला नेताजींना मुस्लिम धर्माची दीक्षा दिली गेली. जून १६६७ ला औरंगजेबाच्या हुकुमाप्रमाणे नेताजी पालकर यांना काबूल कंदाहाराच्या मोहिमेवर रवाना करण्यात आले, लाहोरजवळ आल्यावर त्यांनी पळून जाण्याचा एक अपयशी प्रयत्न केला. पुढे ९ वर्षे नेतोजी काबूल कंदाहार येथेच मोहिमेवर होते. छत्रपती शिवाजी महाराजांसमोर औरंगजेबाचे सर्व सरदार अपयशी ठरत होते त्यावेळी औरंगजेबाला 'प्रतिशिवाजीची' आठवण झाली. बाटून ९ वर्षे उलटल्यानंतर नेताजी पक्का पाक झाला असे औरंगजेबाला वाटले. त्याने या 'मुहंम्मद कुलीखानास', दिलेरखानासोबत महाराष्ट्रावर मोहिमेसाठी पाठवले. मे १६७६ रोजी नेताजी पालकर मोगली छावणीतून रायगडावर महाराजांकडे आले. जून १६७६ रोजी छत्रपती शिवाजी महाराजांनी त्यांना पुन्हा विधीवत हिंदू धर्मामध्ये घेतले. 🚩🏇🚩🏇🚩🏇🚩🏇🚩🏇🚩 #२७_मार्च_१७३७ चिमाजीअप्पांनी ठाणे जिंकले. २६ मार्च १७३७ ला कळव्याकडून आलेल्या तुकडीने जेरोनिमो हा पाणबुरूज काबीज केला. इशारतीच्या तोफा होताच बदलापूर मुक्कामी असलेले चिमाजी आप्पा सैन्यासह कळव्यात आले. आप्पासाहेबांनी स्वतःच्या हातांनी चिखलावर पेंढा पसरवून मराठी सैनिकांना प्रोत्साहन दिले. रातोरात मराठी सैन्य कळव्याची खाडी ओलांडून साष्टीत (ठाण्यात) शिरले. २७ व २८ मार्च रोजी चिमाजी आप्पांनी साष्टीतील सर्व चौक्या पहाऱ्यांचा बंदोबस्त केला. जो जेरोनिमो बुरुज काबीज करून मराठे साष्टीत घुसले त्याचे नामकरण ‘फत्तेबुरुज’ करण्यात आले. 🚩🏇🚩🏇🚩🏇🚩🏇🚩🏇🚩