అరచేతిలో వైకుంఠం..............!! అరచేతిలో వైకుంఠం చూపడం, అంతా తనకు కరతలామలకమని మాట్లాడడం, అంతా భగవంతుడి చిద్విలాసమే. ఎప్పుడు ఏ అవయయవంతో ఎలాటి అద్భుతాలు చూపవచ్చో అంతా పరమాత్మ నేర్పిందే. బాహుబలాన్ని, మోచేతుల్లోని శక్తిని ప్రసాదించినట్లే చేతి వేళ్ళలో కూడా శక్తిని పెట్టి మనిషి ఔన్నత్యాన్ని పెంచాడా దేవుడు. అరచేతిలో లక్ష్మి ఉంటుంది.... చేతి వేళ్ళ కొనలలో యావత్ ప్రపంచం ఉందని యోగశాస్త్రం తేల్చి చెప్పింది. అగ్నితత్త్వం పెరిగి దాహం కలిగితే సంకేతంగా బొటనవేలును చూపిస్తాము. ఏదైనా సూచన చేయడానికి, బెదిరించడానికి చూపుడువేలు ఉపయోగిస్తారు. పాశ్చాత్య దేశాలలో శూన్యం అనడానికి, అవతలి వ్యక్తి జీరో అని వెక్కిరించడానికి మధ్యవేలు ఎత్తి చూపుతారు. జలతత్త్వం ఎక్కువైతే చిన్న పిల్లలు చిటికెనవేలు చూపడం అందరికీ తెలిసిందే. నాలగవ వేలైన ఉంగరపు వేలికి ఏ సంకేతము లేదు. అందుచేత ఆ వేలిని అనామిక అనుకుందాం. ఉంగరపు వేలిది భూతత్త్వం. భూమికున్న ఆకర్షణ శక్తి అమోఘమైనది. నమస్కార ముద్రతో సహా అన్ని సమయాలలో శక్తి తరంగాలను లోపలకు, బయటకు ప్రసరింపజేసే శక్తిగలది ఉంగరపువేలు. ఈ వేలికి వివిధ లోహాలతో , రాళ్ళతో చేసిన ఉంగరాలను ధరిస్తూంటారు. ఉంగరపు వేలి చివరను బొటనవేలి చివరి కొనతోసుతారంగా కలిపి పట్టుకుంటే మన లోపలి నాడులు సృష్టించే తరంగాలనుండి సంగీతం నిశ్శబ్ధంగా వినిపిస్తుందట. #తెలుసుకుందాం