👉 நானும் என் கவிதையும் 👈 என் கவிதை பிறந்த காரணம் என்ன வெள்ளைத்தாளில் இந்த வினாவை விதைத்து விட்டு மெல்ல விழிமூடி உள்ளுக்குள் தேடுகிறேன் ஏதேனும் புதுக்கவிதை வெளிவருமா முளைவிடுமா என்று...!! கர்ப்பம் சுமப்பது போல் கவிதை சுமப்பவன் கவிஞன் என்றெல்லாம் வெறுமனே கட்டுக் கதை சொல்லப்போவதில்லை...!! கவிதையது கடவுள் தந்த வரமென்று காதில் பூச்சுற்றும் எண்ணமில்லை எனக்கு விழிகளுக்குள் விழுவதெல்லாம் என் விரல் நுனியில் விதையாகும் அதுவே கவிதையாகும்...!! ஆசுகவி நானென்று உங்களை மோசம் செய்யும் எண்ணமில்லை புல்நுனிப் பனித்துளி அது பொசுக்கென்று உருகும் போதும் மெல்லென சரக்கென்று மலரொன்றை உதிர்க்கும் போதும் பல்லில்லா குழந்தையது நம்மைப் பார்த்ததுமே சிரிக்கும் போதும் எல்லோரின் உள்ளத்திலும் கவிதையது கால்பதிக்கும்...!! நீங்கள் எண்ணத்தில் எழுதியதை நான் எழுத்தாலும் எழுதுகின்றேன் அதை கவிதை என்று மதிப்போரை இரு கரம் கூப்பி வணங்குகிறேன்...!! காற்று பிறந்ததன் காரணம் மானுடம் பிழைத்தல் என்றால் என் கவிதை பிறந்ததன் காரணம் மனம் கொஞ்சம் உயிர்த்தல் என்பேன்...!! வெடித்த உதடுகளில் துடிக்கும் வேதனைதான் என் கவிபிறக்கக் காரணமா வாரக் கூலிக்கு வரிசையிலே காத்துநிற்கும் என் தேசச்சிறுவர்களின் வறுமை அழித்து விட்ட வறண்ட வாழ்க்கைகூட ஒருவகையில் காரணம்தான் பொருந்தாத கல்வியினால் பொதிமாடு போல புத்தகங்கள் சுமந்தபின்னும்...!! படிப்பின் கனம் தாளாமல் பரிதவித்து பலியான எம் மாணவச்செல்வங்களின் மனம் வடித்த கடைசிக்கண்ணீர் தடம் கூட ஒருவகையில் காரணம் தான்...!! உற்ற தோழர்கள் விட்டுப்பிரியாத ஓரங்க நாடகமும் ஒருவகையில் காரணமே...!! மாளாத மகிழ்ச்சியிலே என் கவிதை இதழிதழாய் மலர்ந்ததுண்டு தாளாத சோகத்தில் அதுவே இமைநீராய்க் கரைந்ததுண்டு...!! மூளாத செந்தீயாய் பெருங் கோபத்தனல் கொண்டதுண்டு வாளாக உயிர் அறுக்கும் தீராத வலியாலும் பிறந்ததுண்டு...!! எதன் பொருட்டுப் பிறந்ததென்று எனக்கே தெரியாமல் எழுவாயே இல்லாத கவிதைகளும் என் களத்திலுண்டு...!! இறுதியாய் இன்னுமொரு காரணமும் என் வரிகளின் வசத்திலுண்டு இன்னும் அதை நான் என்னவென்று இருட்டிலே தேடுகின்றேன்...!! எனவே இத்துடன் போதுமென்று இக்கவிதையை நான் முடிக்கின்றேன்...!! நன்றி என் கவிதை பிடிக்கவில்லை என்று என்னை வெறுப்பவர்களுக்கும் என் கவிதைகள் பிடித்ததால் என்னையும் என் கவிதையையும் ஆமோதிக்கும் நல்லுள்ளங்களுக்கும் மனமார்ந்த நன்றிகள் பல...!! இங்ஙனம் : 💘🐦💜 Sudarsan Sudarsan 💜🐦💘 #💞Feel My Love💖 #💝இதயத்தின் துடிப்பு நீ #🤔தெரிந்து கொள்வோம் #💖நீயே என் சந்தோசம்🥰 #📶ஷேர்சாட் டிரெண்டிங் போஸ்ட்🎥