सहयोगी वृत्तपत्र विक्रेता संघाचे पाचवे वार्षिक स्नेहसंमेलन थाटात संपन्न सहयोगी वृत्तपत्र विक्रेता संघ, अंधेरी यांच्या वतीने आयोजित पाचवे वार्षिक स्नेहसंमेलन उत्साहात व थाटामाटात संपन्न झाले. या सोहळ्याला वर्सोवा विधानसभा मतदारसंघाचे आमदार हारून खान (शिवसेना उद्धव बाळासाहेब ठाकरे गट), माहिती अधिकार कार्यकर्ते अनिल गलगली, तसेच दैनिक वृत्तमानसचे ज्येष्ठ पत्रकार संजय गिरी प्रमुख पाहुणे म्हणून उपस्थित होते. तीनही मान्यवरांचा शाल, श्रीफळ, पुष्पगुच्छ आणि भारतरत्न डॉ. बाबासाहेब आंबेडकर यांच्या प्रतिमेचे मानचिन्ह देऊन सत्कार करण्यात आला. कार्यक्रमाचे आयोजन संघटनेचे मुख्य पदाधिकारी यशवंत नाटेकर, विलास जुवळे, सुरेश (बबन) बाईत, अनंत पवार, अमित तावडे यांनी केले. त्यांना नितीन घाडे, शेखर घारपूरकर, हेमंत गावडे, कमलाकर मोरे, शाम कुडतरकर, सचिन घाडीगावकर, सुशांत शिंदे, चंद्रकांत कुडतरकर, संतोष नाईक, सायरस लोबो, भालचंद्र पाष्टे, मुलायम यादव, चंद्रेश यादव आदींचे सहकार्य लाभले. या सोहळ्यात पाच ज्येष्ठ वृत्तपत्र विक्रेत्यांचा – सीताराम मोरे, विनायक राऊळ, रामचंद्र कोरी, शाम कुडतरकर, एम. पंडियान – यांचा शाल, श्रीफळ, पुष्पगुच्छ व स्मृतिचिन्ह देऊन गौरव करण्यात आला. तसेच महिला वृत्तपत्र विक्रेत्या नम्रता नितीन घाडे, कमलाकर मोरे, अजय कांबळे, भरत नाईक, काझी यांचाही साडीचोळी, शाल, श्रीफळ व पुष्पगुच्छ देऊन सन्मान करण्यात आला. शालांत परीक्षेत उत्तीर्ण झालेल्या विक्रेत्यांच्या मुलांचेही अभिनंदन करण्यात आले. कुमार तन्मय हेमंत गावडे, कु. नितेश एल. राय, कु. रुपेश अशोक यादव, कु. पार्थ सचिन आदावडे, कु. चिराग राजन यादव, कु. दीपक राजन यादव, कुमारी दीप्ती राजीव यादव, कुमारी हर्षिता नितीन घाडे, कुमारी दृती चंद्रशेखर घारापूरकर यांना शाल, श्रीफळ, पुष्पगुच्छ व मानचिन्ह देऊन गौरविण्यात आले. या कार्यक्रमासाठी घाटकोपर वृत्तपत्र विक्रेता संघाचे कार्याध्यक्ष दीपक गवळी यांनी विशेष सहकार्य केले. कार्यक्रम यशस्वी करण्यासाठी बबन बाईत, विलास जुवळे व अनंत पवार यांनी विशेष मेहनत घेतली. कार्यक्रमादरम्यान वृत्तपत्र विक्रेत्यांच्या विविध समस्या व मागण्या मांडण्यात आल्या. या वेळी आमदार हारून खान आणि माहिती अधिकार कार्यकर्ते अनिल गलगली यांनी विक्रेत्यांच्या मागण्यांबाबत पालिका आणि राज्य शासनाकडे पाठपुरावा करण्याचे आश्वासन दिले. #अग्निशिला #anilgalgali ##अनिलगलगली