#🌺સંકષ્ટ ચતુર્થી💐 🚩✨ સંકટ મુક્તિ માટે સંકટ ચતુર્થી...!!! ✨🚩 ભગવાન શંકર તથા માતા પાર્વતીના પુત્રનું નામ છે શ્રી ગણેશજી. તેમનો એક અતિ લોકપ્રિય ઉપનામ છે — વિઘ્નહર્તા! અર્થાત્, જે દરેક વિઘ્નને હરે છે, દુઃખ દૂર કરે છે અને ભક્તના જીવનમાં સુખ, સમૃદ્ધિ અને શાંતિ સ્થાપે છે. ગણપતિ મહારાજને ચોથ (ચતુર્થી તિથિ) અત્યંત પ્રિય છે. તેમનો પ્રિય વાર — મંગળવાર, પ્રિય માસ — ભાદરવો, પ્રિય પુષ્પ — જાસૂદનું લાલ ચટ્ટક ફૂલ, પ્રિય દ્રવ્ય — સફેદ દૂર્વા, વાહન — મૂષક, અને પ્રિય ભોજન — મોદક છે 🍥 દર મહિને ચોથ બે વખત આવે છે — 🔸 સુદ ચોથ — વિનાયક ચોથ 🔸 વદ ચોથ — સંકષ્ટી ચોથ જ્યારે આ ચોથ મંગળવારે પડે, ત્યારે તેને અનુક્રમે 🪔 અંગારકી વિનાયક ચતુર્થી અને 🪔 અંગારકી સંકષ્ટી ચતુર્થી કહે છે. 🌺 ચોથના દિવસે પૂજાવિધિ: ચોથના દિવસે પ્રાતઃકાળે ઉઠીને નિત્યકર્મ પતાવી ગણેશસેવા કરવી. શ્રી ગણેશનાં ૨૧ નામોનો જાપ ૨૧ વખત કરવો. ગણપતિ અધર્વશીર્ષનો પાઠ કરવો. અને ૐ ગં ગણપતયૈ નમઃ મહામંત્રની ૩, ૫ કે ૭ માળા કરવી. પ્રસાદ રૂપે મોદક અથવા ગોળ–ઘી અર્પણ કરવું. આ ઉપાસના થી ભગવાન વિઘ્નહર્તા પ્રસન્ન થઈ ભક્તના સંકટો દૂર કરે છે. 🌿 દૂર્વાના ગણેશ બનાવવાની વિધિ: ગણેશ ચોથના દિવસે દૂર્વાથી ગણેશજીની પ્રતિમા બનાવી ૧૦ દિવસ સુધી પૂજન કરવું. એવા ઉપાસકના તમામ સંકટો હળવાં થઈ જાય છે અને સમસ્યાઓનું નિવારણ થાય છે. જે ભક્ત સુદ તથા વદ બંને ચોથનું પાલન કરે, નિયમિત જીવન જીવે અને ભક્તિપૂર્વક સ્તુતિ કરે — તેના જીવનમાં ગણેશજી કદી વિઘ્ન આવવા દેતા નથી. જો સંકટ આવે પણ, તો પણ વિઘ્નહર્તા સ્વયં તેના રક્ષક બની જાય છે. 🍎 દાડમનું મહાત્મ્ય: જો કોઈ ભક્ત દરરોજ અથવા પ્રત્યેક ચોથના દિવસે લાલ પાકું દાડમ અર્પણ કરે, તો ગણેશજી રાજીના રેડ થઈ જાય છે. તેઓ દયાળુ અને કૃપાળુ છે. તેમનામાં માતા પાર્વતીની માયા અને ભોળા શંકરની શાંતિ બંને સમાનરૂપે નિવાસ કરે છે. 💫 ગણેશજીનો દિવ્ય પરિવાર: તેમના બે પુત્ર — લાભ અને શુભ, બે પત્ની — રિદ્ધિ અને સિદ્ધિ. જ્યાં આ ચાર દિવ્ય શક્તિઓનો નિવાસ હોય, ત્યાં કદી દુઃખ, વ્યાધિ કે ઉપાધિ ટકતી નથી. એટલા માટે ગણેશજીનું પૂજન કરવાથી રિદ્ધિ–સિદ્ધિ–લાભ–શુભ ચારેય પ્રાપ્તિ થાય છે. 🌿 દૂર્વા ચડાવવાની વિધિ: જો કોઈ ભક્ત ચોથના દિવસે ૨૧ નંગની ૨૧ ઝૂડી દૂર્વા અર્પણ કરે, તો ગણેશજી વિશેષ પ્રસન્ન થઈ જાય છે અને ભક્તના તમામ દુઃખ નાશ પામે છે. આ ઉપાસના થી અણધાર્યો લાભ અને અપાર સિદ્ધિ પ્રાપ્ત થાય છે. 🪔 ગણપતિ યંત્ર સ્થાપન વિધિ: ગણપતિ યંત્રનું સાધન કોઈ પણ માસની ચોથના દિવસે કરવું. એકાંત અને શુદ્ધ સ્થળે લાલ રેશમી કપડાં પાથરી પૂજન સ્થાન તૈયાર કરવું. તે પર ગણપતિની મૂર્તિ અથવા ચિત્ર સ્થાપી ભોજપત્ર પર લાલ ચંદનથી યંત્ર લખવું. પૂજન દરમિયાન સાધકે લાલ વસ્ત્ર ધારણ કરવું, લાલ આસન પર બેસવું અને નીચેનો શ્લોક બોલી ધ્યાન કરવું. 🕉 चतुर्‍भुजं रक्ततनुं त्रिनेत्रं पाशांकुशौ मोदकपात्रदंतौ । करैर्दधानं सरसीरुहस्थं गणाधिनाथं शशिचूडमीडे ॥ પછી પંચામૃત અથવા ગંગાજળથી યંત્ર શુદ્ધ કરીને, દુર્વા, લાલ પુષ્પ, ચોખા અને લાલ ચંદન ચડાવવું. દરેક વસ્તુ અર્પણ કરતાં "શ્રી ગણેશાય નમઃ" બોલવું. પછી ઘીનો દીવો પ્રગટાવી નૈવેદ્યમાં મોદક અર્પણ કરવું. ત્યાર બાદ લાલ ચંદનની માળાથી અથવા રુદ્રાક્ષ માળાથી ૫ માળા મંત્રજાપ કરવો — મંત્રજાપ દરમિયાન મન નિરાંત અને સ્થિર રાખવું. 🔱 ગણપતિ ઉપાસનાનો સાર: ગણપતિ પૂજા દરેક કાર્યના આરંભમાં વિઘ્નનાશક રૂપે કરવી જરૂરી છે. ત્રિપુરાસુરથી લઈને મહાભારતકાળ સુધીના દરેક દૈવિક કાર્યની શરૂઆત ભગવાન ગણપતિના સ્મરણથી જ થઈ છે. તેથી જ તેમને કહેવામાં આવે છે — "વિઘ્નહર્તા, બુદ્ધિદાતા, મંગલમૂર્તિ શ્રી ગણેશાય નમઃ" #ૐ_શિવોહમ્ #સંકટ_ચતુર્થી #જય_ગણેશ #શ્રીગણેશ #મંગલમૂર્તિ #જ્યોતિષ #🙏હિન્દૂ દેવી-દેવતા🌺 #🐀જય શ્રી ગણેશ