#വാടാമലരുകൾ #💑 സ്നേഹം #🙏 ഭക്തി Status #❤ സ്നേഹം മാത്രം 🤗 #🙋♀️ എൻ്റെ സ്റ്റാറ്റസുകൾ ശ്രീ മാത്രേ നമഃ 🙏*
*മൂകാംബിക ക്ഷേത്രം - ചരിത്രം ഭാഗം 36*
*മൂകാംബിക യാത്ര ഒരു അനുഭവമാണ് — അനുഭവം എന്ന് പറഞ്ഞാൽ ആത്മാവിൽ നിറഞ്ഞൊഴുകുന്ന ഒരു ദിവ്യാനുഭവം. അത് വാക്കുകൾ കൊണ്ട് വിശദീകരിക്കാൻ ആർക്കും കഴിയില്ല; അനുഭവിച്ചവർക്കേ അതിന്റെ ആഴം മനസ്സിലാകൂ.*
*ഓരോരുത്തരും സ്വയം അനുഭവിച്ചറിഞ്ഞാൽ മാത്രമേ അതിന്റെ സത്യസന്ധത മനസ്സിലാകൂ. മൂകാംബിക യാത്ര നമ്മൾ തീരുമാനിക്കുന്ന ഒരു സാധാരണ യാത്രയല്ല. നമ്മൾ തീരുമാനിച്ചാലും അത് നടക്കണമെന്നില്ല. “അമ്മ വിളിക്കാതെ ഒരിക്കലും മൂകാംബികയിലേക്ക് പോകാൻ കഴിയില്ല” — എല്ലാ ഭക്തരും ആവർത്തിച്ച് പറയുന്ന വിശ്വാസവാക്കുകളാണിത്.*
*പലതവണ ശ്രമിച്ചിട്ടും പോകാൻ കഴിയാതെ പോയ അനുഭവങ്ങൾ മൂകാംബിക ഭക്തർ പലരും പങ്കുവെക്കാറുണ്ട്. “അമ്മയുടെ വിളി വന്നില്ല… അമ്മയെ കാണാൻ സമയം ആയിട്ടില്ല… സമയം ആകുമ്പോൾ അമ്മ തന്നെ വിളിക്കും” — ഇതാണ് ഭക്തരുടെ ആശ്വാസവാക്കുകൾ. എന്നാൽ ചിലരെ അമ്മ ഒരു മുന്നറിയിപ്പുമില്ലാതെ തന്നെ വിളിച്ചെടുക്കും.*
*പ്രതീക്ഷിക്കാതെയെത്തുന്ന ആ വിളിയിൽ അമ്മയുടെ സ്നേഹവും വാത്സല്യവും നിറഞ്ഞിരിക്കും. “അമ്മ” എന്ന സങ്കൽപ്പം നമുക്കെത്ര വലുതാണോ, അതുതന്നെയാണ് കൊല്ലൂരിലെ മഹാമായ. ഭക്തർക്ക് ദുഃഖങ്ങൾ ഇറക്കിവയ്ക്കാനുള്ള ആശ്രയം.*
*അമ്മയെ മനസ്സിന്റെ ആഴത്തിൽ നിന്ന് വിളിച്ചാൽ, ആ വിളി അമ്മ കേൾക്കും. മക്കളുടെ കണ്ണുനീർ അവൾ തുടച്ച് നീക്കും; ഹൃദയഭാരം കുറച്ച് ആശ്വാസം പകരും. ദേവീചൈതന്യത്തോടൊപ്പം ശൈവശക്തിയുടെ സാന്നിധ്യവും ഈ ക്ഷേത്രത്തെ മറ്റു ആരാധനാലയങ്ങളിൽ നിന്ന് വ്യത്യസ്തമാക്കുന്നു. സിദ്ധിക്ഷേത്രമായതിനാൽ ഇവിടെ നിന്ന് എന്ത് ആരംഭിച്ചാലും കാര്യങ്ങൾ ശുഭകരമായി നടക്കുമെന്നാണ് വിശ്വാസം.*
*സരസ്വതി ദേവിയുടെ സാന്നിധ്യമുണ്ടെന്ന് കരുതപ്പെടുന്ന സരസ്വതി മണ്ഡപം എഴുത്തുകാരുടെയും കലാകാരന്മാരുടെയും വലിയ പ്രതീക്ഷാകേന്ദ്രമാണ്. ദിവസേന അനേകം കുഞ്ഞുങ്ങൾ ഇവിടെ ആദ്യാക്ഷരം കുറിക്കാനും കലാരംഗത്തേക്ക് പ്രവേശിക്കാനുമായി എത്താറുണ്ട്. ക്ഷേത്രാധികാരികളുടെ നിർദ്ദേശപ്രകാരം സരസ്വതി മണ്ഡപത്തിൽ കലാകാരന്മാർക്ക് കലാപരിപാടികൾ അവതരിപ്പിച്ച് അമ്മയുടെ അനുഗ്രഹം നേടി മടങ്ങാനും സാധിക്കും.*
*ഈ സരസ്വതി മണ്ഡപത്തിൽ തൻ്റെ കലകൾ അവതരിപ്പിക്കുക എന്നത് ഏതൊരു കലാകാരന്റെയും ആത്മസാക്ഷാത്കാരമായി കണക്കാക്കപ്പെടുന്നു. ഇവിടെ അരങ്ങേറ്റം കുറിക്കുന്നത് അത്യുന്നതമായ ഒരു നേട്ടമായി കരുതപ്പെടുന്നു.*
*തുടരും......*
*എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*
