കവിത. പ്രണയശില്പം ************** അടരാതിരിക്കില്ലയക്ഷരങ്ങ, ളെന്നിൽ പ്രാണൻ തുടിക്കും നാൾ വരെയും അരുതെന്നോതില്ല പ്രണയമേ നിയെന്നിലഴലുകൾ മാത്രം വിളമ്പിയാലും അക്ഷരം കൊണ്ടന്നു ചെയ്തോരാ അർച്ചനയിന്നും മിടിക്കുന്നു ഹൃദയതാളത്തിൽ അക മച്ച് തിരിയില്ലാതെരിയുമെന്നാ, ലഴകേ പിരിയില്ല നിന്നെ ഞാനും... അന്നെൻ ചിരിയിൽ നീ പൂർണ്ണിമ കണ്ടെങ്കിലിന്നെന്തേ, യിറ്റുന്നു ചോര മാത്രം അന്നെൻ ഗന്ധമില്ലാതുറങ്ങാതിരുന്നവളെന്തേയകലത്തെ മെത്ത തേടി... അന്നെൻ കൈകളിൽ പുണ്യമാമന്ന, മിന്നെന്തേ വയറിനു വിഷമായി മാറി ആരും മൊഴിഞ്ഞില്ലയാകതാരറിഞ്ഞില്ല, യാഴമളക്കും ഹൃദയം കരഞ്ഞില്ല! അന്നു നീയകലേക്കു കൈ കോർത്തു ചൊന്നതെൻ സിരകളിലിന്നും പിടഞ്ഞിടുന്നു! "അകലമാണത്രേ സ്നേഹ"മെന്നന്നു കളകളമൊഴുകവേ ചൊല്ലിയകലെ... ആരോ നെയ്തൊരാ പായിൽ കിടക്കുവാൻ സന്ധ്യയായെന്തേ മൂകമായി അന്ന,ണഞ്ഞ വെയിലിൻ നിഴലിലായെത്ര, യുദയമെനിക്കായ് മരിച്ചുവെന്നോ! ആരോ കൊത്തിയ ശില്പമായെന്നിൽ നിന്നടരേ മുറിവിൽ ഞാനെന്തു തേക്കും... ആദ്യം തൊഴുതിടാൻ വന്നീടുവോരെല്ലാം തീർത്ഥമായെന്നശ്രുവൂറ്റി കുടിച്ചിടാം അതു കഴിഞ്ഞെതുവോർ കൊത്തിക്കറുപ്പിച്ച വരസമ്മലയജ, മ്മെന്നോതിടാം അതു കഴിഞ്ഞാപ്പിന്നെ തിരി കൊളുത്താം ഭസ്മത്തിനാളുകൾ വന്നിടുമ്മുന്നേ...! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം #നിനക്കായ്